InfoHub Logo

ەرتە زاماندا ءبىر تاسباقا بولىپتى. ول ارقاسىنداعى اۋىر جۇگىن ارقالاپ، ءومىرى بەينەتپەن ءوتىپ كەلەدى ەكەن. بىردە الىس ساپاردان ابدەن شارشاپ، شولدەپ كەلە جاتقان ءبىر جولاۋشىعا كەز بولىپتى. "ەي، جولاۋشى! قايدان كەلەسىڭ؟" — دەيدى. جولاۋشى جاۋاپ بەرۋگە شاماسى كەلمەي، اعاش تۇبىندە جۇرەلەپ وتىرىپ، ۇيىقتاپ كەتەدى. ويانا كەلە الدىندا ءبىر ءۇزىم نان مەن ءبىر كەسە سۋ تۇرعانىن كورەدى. جان-جاعىنا جالتاقتاپ قاراپ ەدى، ەشكىم كورىنبەدى. "مەنىڭ جاعدايىمدى جاساعان كىم ەكەن؟" — دەپ تاڭعالدى. سول كەزدە تاسباقا:

— ءشولىڭ قانىپ، قارنىڭا اس باردى ما؟ — دەپ سۇرايدى.

— تاسباقا، راقمەت! بۇل جاقسىلىعىڭدى قالاي قايتارسام ەكەن؟ — دەيدى جولاۋشى.

سوندا تاسباقا:

— مىنا جەردە بۇلاق بار. سول بۇلاقتىڭ كوزى بىتەلىپ، ءتۇبى تارتىلىپ، جاعدايىمىزدى قيىنداتىپ جىبەردى. قۇمنىڭ اراسىنداعى جۇمىرتقاداعى بالالارىمنىڭ ءونىپ شىعاتىن كەزى جاقىندادى. نە ىستەرىمدى بىلمەي وتىرمىن، — دەپ تاسباقا كولەڭكەگە تىعىلدى. جولاۋشى كۇنى-تۇنى بۇلاقتى قازىپ، كوزىن اشىپ، بۇلاقتان ءمولدىر سۋ اسپانعا اتقىلاپ، تەڭىز سۋعا تولادى.

تاسباقا العىسىن ءبىلدىرىپ:

— ەي جولاۋشى، ەكەۋىمىزدىڭ بۇل ومىردەگى كورەر بەينەتىمىز بەن قۋانىشىمىز بىردەي. مەن ءومىر بويى ارقامداعى اۋىر تاستى ارقالاپ كەلەمىن. ول مەنىڭ قىسى-جازى باسپانام، بالالارىمنىڭ وسىپ-ونۋىنە جاعداي جاسايمىن. سەن دە ۇرپاعىڭ ءۇشىن ءۇي سالىپ، تاپقانىڭدى ارقالاپ، ءوسىپ-ونىپ كەلەسىڭ، تاعدىرىمىز ۇقساس، — دەيدى.

ايدىننىڭ سۋىنا شومىلىپ، ولار راحاتتانادى. سۋ ءىشىپ، تابيعات جاسىل جەلەككە اينالدى. جولاۋشى تابيعاتتىڭ اسەم سۇلۋلىعىنا تامسانا قاراپ، قامقور بولعانىنا قۋاندى.

بەرىك التىناي ايبەك قىزى

---