InfoHub Logo

تۋنيس شولدەرىنىڭ بىرىندە عالىمدار الىپ تەڭىز قولتىراۋىنىڭ تاسقا اينالعان قالدىقتارىن تاپتى. 10 مەترلىك جورعالاۋشى ءوز تۇقىمىنداعى ەڭ الىبى بولىپ وتىر.

تۋنيسستىك تاتاۆين (Tataouine) قالاسىنىڭ ايماعىندا قازبا جۇمىستارىن ۇلتتىق گەورگرافيالىق قاۋىمداستىقتىڭ قولداۋىمەن بولوني ۋنيۆەرسيتەتىنىڭ پالەونتولوگتارى جۇرگىزدى. جۇمىستارىنىڭ ناتيجەسى Cretaceous Research جۋرنالىندا جاريالاندى. تابىلعان قالدىقتار رەپتيليانى Machimosaurus تەگىنە: يۋرا ءداۋىرىنىڭ الىپ تەڭىز قالتىراۋىندارىنا جاتقىزۋعا نەگىز بولدى. سالماعى ءۇش توننا، دەنەسى ون مەتر، ال باسىنىڭ سالماعى 160 سانتيمەتردى قۇرايتىن بۇل جورعالاۋشى ءوز تەگىنىڭ ەڭ الىبى بولىپ وتىر. سوندىقتان دا وعان Machimosaurus rex («كورول») دەگەن ات بەرىلدى. ولجانىڭ جاسى شامامەن 130-150 ميلليوندى قۇرايدى. 

پالەونتولوگيالىق اشىلىم جاسالعان ءشول دالا بۇرىنعى زاماندا شاعىن ءمۇيىس بولعان. مۇندا بالىقتار مەن تاسباقالار مەكەندەگەن، Machimosaurus rex سولاردى قورەك ەتكەن بولۋ كەرەك. Machimosaurusء-تىڭ باسقا تۇرلەرى بۇعان دەيىن شۆەيساريادا، فرانسيادا، گەرمانيا مەن باسقا ەۋروپالىق ەلدەردە تابىلعان. پالەونتولوگتاردىڭ پىكىرىنشە، Machimosaurus rex ءوز تۇقىمداستارىنان ولشەم جاعىنان عانا ەمەس، جەر بەتىندە مەكەندەگەن ۋاقىتى جاعىنان دا اسىپ ءتۇستى: يۋرا ءداۋىرىنىڭ «كورولى» ءداۋىر اياقتالعاننان كەيىن 25 ملن جىل ءومىر سۇرگەن.

بۇعان قوسا ەجەلگى تەڭىز قولتىراۋىندارى تۇششى سۋدى مەكەندەيتىن قولتىراۋىنداردان ءبىرشاما كىشى. سوڭعىلارىنىڭ ىشىندە ەڭ ءىرىسى ساركوزۋحا (Sarcosuchus imperator) تۇقىمىنىڭ وكىلدەرى بولىپ سانالادى. ول شاماماەن 110 ميلليون جىل بۇرىن ءومىر سۇرگەن، سالماعى 8 توننا، ۇزىندىعى 12 مەتردى قۇراعان جانە باسىنىڭ ۇزىندىعى 180 سم-گە تەڭ.

---