تۇركيادا شىعاتىن جۋرنال ءبىر سانىن ولجاس سۇلەيمەنوۆكە ارنادى
تۇركياداعى ەۋرازيا جازۋشىلار قاۋىمداستىعىنىڭ اي سايىن شىعاراتىن «كاردەش كالەملەر» اتتى كوركەم ادەبي جۋرنالىنىڭ بيىلعى جىلدىڭ 3ء-شى سانى قازاقتىڭ كورنەكتى اقىنى، قوعام قايراتكەرى ولجاس سۇلەيمەنوۆكە ارنالدى. بۇل تۋرالى تۇركسوي ۇيىمىنىڭ باسپا ءسوز قىزمەتى حابارلادى.
جۋرنالعا اقىننىڭ ولەڭدەرى مەن سۇحباتتارى، ەلباسى ن.نازاربايەۆتىڭ، قازاقستاننىڭ تۇركياداعى ەلشىسى ج.تۇيمەبايەۆتىڭ، حالىقارالىق تۇركسوي ۇيىمىنىڭ باس حاتشىسى د.قاسەيىنوۆتىڭ، ەۋرازيا جازۋشىلار قاۋىمداستىعىنىڭ ءتوراعاسى يا.وماروعلىنىڭ جانە تاعى باسقا تۇرىك عالىمدارىنىڭ ماقالالارى ەندى.
ماتەريالداردى جيناقتاپ، تۇرىك تىلىنە اۋدارعان قازاقستاننىڭ تۇركسوي-داعى وكىلى، اۋدارماشى-جازۋشى مالىك وتاربايەۆ. اقىننىڭ ولەڭدەرىن تۇرىك تىلىنە ءتارجىمالاعان بەلگىلى ازەربايجان اقىنى مامەت ىسمايىل.
بۇدان بۇرىن «كاردەش كالەملەر» جۋرنالى قازاقتىڭ اقتاڭگەر اقىنى ءسۇيىنباي ارونۇلىنا، اقىن قاسىم امانجولوۆقا، جازۋشى بەردىبەك سوقپاقبايەۆقا، جازۋشى شەرحان مۇرتازاعا بىرنەشە سانىن ارناعان بولاتىن.
You Might Also Like
-
Microsoft كومپانياسى تاڭعالدىرا الاتىنىن كەزەكتى رەت دالەلدەدى. كومپانيا جاساپ شىعارعان ۇشولشەمدى سۋرەتتەردى ناقتى ۋاقىت تارتىپتەمەسىندە تاسىمالداۋ تەحنولوگياسى فانتاستيقالىق ونەرتابىس بولىپ تابىلادى.
