InfoHub Logo

Microsoft كومپانياسى تاڭعالدىرا الاتىنىن كەزەكتى رەت دالەلدەدى. كومپانيا جاساپ شىعارعان ۇشولشەمدى سۋرەتتەردى ناقتى ۋاقىت تارتىپتەمەسىندە تاسىمالداۋ تەحنولوگياسى فانتاستيقالىق ونەرتابىس بولىپ تابىلادى.

Google كومپانياسى Google Cardboard شلەمىن دامىتىپ جاتقاندا، Microsoft-تا ۋاقىتتى بەكەر وتكىزىپ جاتقان جوق. بۇلار ۇسىنعان بالاما HoloLens دەپ اتالادى. ول شىنايىلىقپەن تولىقتىرىلعان كوزىلدىرىكتەن تۇرادى، سونىڭ كومەگىمەن ۇشولشەمدى گولوگراممالار تۇزىلەدى. وسى ءۇش ولشەمدى گولوگراممالار قولدانۋشىنىڭ اينالاسىنداعى شىنايى ومىرىنە كىرىستىرىلەدى.

Holoportation تەحنولوگياسى HoloLensء-تى پايدالانۋدىڭ ءبىر نۇسقاسىن كورسەتۋ ماقساتىمەن جاساپ شىعارىلعان. ول ناقتى ۋاقىت تارتىپتەمەسىندە نىسانالاردىڭ جوعارى ساپالى 3D ۇلگىسىن جاساۋعا، ال كەيىن ونى كەز كەلگەن جەردە تۇرعىزۋعا مۇمكىندىك بەرەدى. وسىلايشا، مىسالى، الىستا جۇرگەن ادامدارمەن ءدال جانىڭدا وتىرعان سياقتى قارىم-قاتىناس جاساۋعا بولادى.

ءيا، بۇل تەحنولوگيا «جۇلدىزدار سوعىسىنداعى» عالامشاردا جانە ت.ب. كوپتەگەن فانتاستيكالىق فيلمدەردە كورسەتىلەتىن تەحنولوگيا. بولاشاق ىزىمىزدەن باسىپ كەلەتىن سىڭايلى.

VR-تەحنولوگيا سالاسىندا Microsoft-قا كەدەرگى بولاتىن ءبىر ماسەلە – ءونىمنىڭ تىم قىمباتتىعى. قازىرگى تاڭدا HoloLens كوزىلدىرىگى شامامەن ءۇش مىڭ دوللار تۇرادى، بۇل، ارينە، Google Cardboard كارتون شلەمىمەن سالىستىرۋعا كەلمەيدى. سوندىقتان قاي تەحنولوگيا نارىقتى جاۋلاپ الاتىنىن بولاشاق كورسەتەدى.

---