ۇبت: 14 مىڭنان استام تۇلەك 50 بالدىق مەجەگە جەتە المادى
ۇلتتىق ءبىرىڭعاي تەستىلەۋدى وتكىزۋدىڭ قاعيدالارىنا جانە ۇلتتىق ءبىرىڭعاي تەستىلەۋدى وتكىزۋدىڭ بەكىتىلگەن كەستەسىنە سايكەس ۇبت 2 - 9 ماۋسىم ارالىعىندا وتكىزىلدى، دەپ حابارلادى ق ر بعم باسپا ءسوز قىزمەتى.
«تەستىلەۋگە ءوتىنىش بەرگەن 86999 تۇلەكتەن 84079 ءبىتىرۋشى قاتىستى، سونىڭ ىشىندە قازاق تىلىندە - 61739، ورىس تىلىندە - 22340 ءبىتىرۋشى سىن تاپسىردى.
تەستىلەۋدىڭ ناتيجەسى بويىنشا شەكتى 50 بالدى 14252 تۇلەك (16،95%)، ونىڭ ىشىندە قازاق تىلىندە تاپسىرعان - 10267، ورىس تىلىندە تاپسىرعان - 3985 وقۋشى جيناي المادى»، دەلىنگەن حابارلامادا.
ءمالىم بولعانداي، بەس پاننەن 100 بالدان جوعارى جيناعان تۇلەك سانى - 16565. مۇمكىن بولعان 125 بالدى 19 ءبىتىرۋشى جينادى.
تەستىلەۋ اياقتالعاننان كەيىن بارلىق ۇبت قاتىسۋشىلارىنا پاندەر بويىنشا جيناعان بالدارى كورسەتىلگەن سەرتيفيكاتتار بەرىلدى. وسى سەرتيفيكاتتىڭ نەگىزىندە ولار نورماتيۆتىك قۇجاتتاردا بەلگىلەنگەن قاجەتتى ەڭ تومەنگى بالدى جيناعان جاعدايدا جوعارى وقۋ ورىندارىنا اقىلى نەگىزدە وقۋعا تۇسۋگە جانە ءبىلىم گرانتتارىن تاعايىنداۋ كونكۋرسىنا قاتىسۋعا قۇقىلى.
You Might Also Like
-
توقتاروۆا ءمادينا نۇرلان قىزى م.و.اۋەزوۆ اتىنداعى پەداگوگيكالىق كوللەدجى «باستاۋىش ءبىلىم بەرۋ» ماماندىعىنىڭ ءبىلىم الۋشىسى جەتەكشى: كابيمولدينا ايگۋل كايربەكوۆنا پەداگوگيكا ءپانىنىڭ وق...
-
بيبىگۇل اسىلوۆا ق ر ءبىلىم جانە عىلىم ۆيسە-مينيسترى قىزمەتىنە تاعايىندالدى.
