ۇبت: بيىلعا بولىنگەن گرانت سانى بەلگىلى بولدى
بيىلعى وقۋ جىلىنا 88 مىڭ گرانت ءبولىندى. بۇل تۋرالى ق ر عىلىم جانە جوعارى ءبىلىم ۆيسە-مينيسترى قۋانىش ەرعالييەۆ ءمالىم ەتتى.
اتاپ ايتقاندا، بيىل 18 مامىردا وسى جىلداعى نەگىزگى ۇبت باستالدى جانە ول 5 شىلدەگە دەيىن جالعاسادى.
«جالپى، ۇبت-عا 166 مىڭ تالاپكەر ءوتىنىش تاپسىردى. بيىل مەملەكەت باسشىسى قاسىم-جومارت كەمەل ۇلى توقايەۆتىڭ بەرگەن تاپسىرماسىن ورىنداۋدى جالعاستىرامىز. بۇل رەتتە گرانتتىڭ 60 پايىزى ينجەنەرلىك-تەحنيكالىق ماماندىقتاردى قامتيدى. سونداي-اق، تىعىز ورنالاسقان، جاڭا قۇرىلعان جانە باتىس ايماقتارىنداعى جاستار ءۇشىن دە ارنايى گرانت بولىنگەن. 2023 جىلى وڭىرلىك جوو-لارعا بولىنەتىن پەداگوگيكالىق كۆوتا سانى ارتىپ، 6280 گرانت ءبولىندى. ال «سەرپىن» باعدارلاماسى بويىنشا 3653 گرانت ءبولىندى»، - دەدى ق. ەرعالييەۆ ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا.
ونىڭ ايتۋىنشا، «سەرپىن» باعدارلاماسى اياسىندا جۇمىس ارقىلى وتەۋ مەرزىمى بيىل قىسقاردى. بۇرىن 3 جىل بولسا، ءقازىر 2 جىلدى قۇراپ وتىر. سونداي-اق، گرانتتى جۇمىس ارقىلى وتەۋ وقىعان ايماقتا عانا ەمەس، باعدارلاما اياسىندا قامتىلعان باسقا ايماقتارعا دا بارۋعا بولادى.
«ءبىلىم بەرۋ گرانتتارىنىڭ جالپى سانى 88 مىڭدى قۇرادى. ونىڭ ىشىندە باكالاۆرياتتا وقۋ ءۇشىن 73 مىڭ گرانت، ماگيستراتۋراعا – 13 مىڭ، دوكتورانتۋراعا 1890 گرانت ءبولىنىپ وتىر. بيىل گرانتقا قۇجاتتاردى قابىلداۋ جانە ونىڭ يەگەرلەرىنىڭ ءتىزىمىن جاريالاۋ كۇندەرىنە قاتىستى وزگەرىس بولمايدى. ياعني، 13-20 شىلدە ارالىعىندا گرانتقا قۇجاتتاردى قابىلداۋدى، ال گرانت يەگەرلەرىنىڭ ءتىزىمىن 10 تامىزعا دەيىن جاريالاۋدى جوسپارلاپ وتىرمىز. جوعارى ورىندارىنا قابىلداۋ 25 تامىزعا دەيىن جۇزەگە اسىرىلادى»، - دەدى ۆيسە-مينيستر.
You Might Also Like
-
بايقوڭىر عارىش ايلاعىندا «پروگرەسس مس-23» عارىشتىق جۇك كولىگىن حالىقارالىق عارىش ستانساسىنا (حعس) ۇشىرۋعا دايىندىقتىڭ سوڭعى كەزەڭى باستالدى.
-
قاراكەرەي قابانباي، قانجىعالى بوگەمباي، كوكجارلى كوكجال باراق جاۋدى كوپ قاشىرادى. جاقسى اتتى باراققا قالادى دەلىنگەن باراق باتىر — وسى. شانىشقىلى بەردىقوجا تاۋىنىڭ ارقار دەگەن اتى — قۇل...
