InfoHub Logo

ۇبت - عا سەنىممەن بارايىق

ماقساتى: وقۋشىلاردىڭ ءوزىن تانۋ ارقىلى، وزىندىك باعالاۋىن قالىپتاستىرۋ، سترەسستى جەڭۋگە جول كورسەتۋ.
مىندەتى:
♦ وزىندىك سەنىمىن بولۋعا باۋلۋ.
♦ وزىندىك باعالاۋىن انىقتاۋ.
♦ سترەستى جەڭۋگە جول كورسەتۋ
♦ وقۋشىلارعا ۇبت - ءنى سەنىمدى تاپسىرۋعا دايىنداۋ.
ساباقتىڭ ءتۇرى: پسيحوپروفيلاكتيكالىق ساباق
قۇرالدار: ۇبت - عا بايلانىستى سالىنعان پلاكات، شارلار، اق قاعاز، قالام، تەست پاراقشاسى.

ترەنينگتىڭ بارىسى:
پسيحولوگ: قۇرمەتتى مەكتەپ تۇلەكتەرى، سىزدەر قازاقستاننىڭ بولاشاعىسىزدار، بولاشاق بۇگىننەن باستالادى! سىزدەر كەشە عانا ءبۇلدىرىشىن بالا، قىزىل شاقا بالاپان بولساڭدار، مىنە بۇگىن ءدۇبىرلى دوداعا قاتىسۋعا دايىن، جاراۋى جەتكەن سايگۇلىكتەي اۋىزدىقپەن الىسىپ تۇرسىڭدار. الدارىڭدا ۇلكەن بولاشاق، ۇلى ماقسات، مىندەت كۇتىپ تۇر. اسار بەلەستەرىڭ، شىعار بيىكتەرىڭ كوپ بولسىن. كىم ەڭبەكتەنسە، سونىڭ باعى جانادى. حالقىمىز ايتپاقشى «تالاپتىعا نۇر جاۋار!» دەگەن ەمەس پە؟ باقتارىڭ جانسىن.
ترەنينگتىڭ كەزەڭدەرى.
I. پسيحولوگيالىق دايىندىق، ۇيىمداستىرۋ
1. «مەن قالاعان ەسىم»
وقۋشىلاردىڭ ءوزىن جايلى سەزىنۋىن قالىپتاستىرۋ، ويىنعا سوڭىنا دەيىن بەلسەندى قاتىسۋ ماقساتىندا جۇرگىزىلەدى.
ترەنينگ ەرەجەسى: ورتاعا 12 وقۋشى شىعىپ، شەڭبەر قۇرىپ تۇرادى. وقۋشىلار ءوزىنىڭ جاقىندارىنىڭ، ءوزىن قالاي شاقىرعانىن ۇناتادى؟
1. اتا - اناڭنىڭ قالاي اتاعانى ۇنايدى؟
2. سىنىپتاستارىڭنىڭ قالاي اتاعانى ۇنايدى؟
3. ءمۇعالىمنىڭ قالاي اتاعانى ۇنايدى؟
4. دوستارىڭنىڭ قالاي اتاعانى ۇنايدى؟
رەلەكساسيا، ءوزىڭدى سولاي اتاعاندا قالاي سەزىندىڭدەر؟ بۇدان كەيىن سىنىپتاستارىڭنىڭ ءوزىڭدى سولاي اتاۋىن قالايسىڭ با؟ مۇعالىمدەردەن ءوزىڭدى سولاي اتاۋىن سۇراعىڭ كەلمەي ما؟ وقۋشىلار ورنىنا وتىرادى.

ءىى. ويىندى باستاۋ كەزەڭى
دەمبو – رۋبينشتەين ادىستەمەسى بويىنشا وزىنە سەنىمدىلىگىن باعالاۋ.
2. «ءوزىڭدى - ءوزىڭ باعالاۋ» تەستى
تۇسىندىرمە: وقۋشىلارعا تەست پاراقشاسى بەرىلىپ، شكالا بويىنشا تولتىرۋ ۇسىنىلادى. دەمبو – رۋبينشتەين ادىستەمەسى بويىنشا وزىنە سەنىمدىلىگىن باعالاۋ. كەزكەلگەن ادام ءوز قابىلەتتىلىگىن، مۇمكىندىگىن، مىنەزىن ت. ب. قاسيەتتەرىن وزىنشە باعالايدى. ادام ساپاسىنىڭ ءوسۋ دەڭگەيى ءار ءتۇرلى، ول ادامزات قوعامىندا ەڭ تومەنگى دارەجەدەن، ەڭ جوعارى نۇكتەگە دەيىن باعالانادى، سەندەر تومەندەگى بەرىلگەن 7 قاسيەت بويىنشا ءوزىڭىزدىڭ قاسيەتتەرىڭىزدى 100 بالدىق شكالا بويىنشا باعالاڭىز جانە ءاربىر شكالادا قاسيەتىڭىزدىڭ بايقالۋ دەڭگەيىن بەلگىلەڭىز. وسىدان كەيىن ءار شكالا بويىنشا بالداردى قوسىڭىز جانە 7 سانىنا ءبولىپ، ورتاشا اريفمەتيكالىق ءمانىن تابىڭىز.
1. دەنساۋلىق؛
2. اقىل، قابىلەت؛
3. مىنەز؛
4. باقىتتىلىق؛
5. ۇقىپتىلىق؛
6. ىشكى دۇنيەسى؛
7. سەنىمدىلىك.

ءوز - ءوزىن باعالاۋ دەڭگەيى
ءوزىن - ءوزى باعالاۋ دەڭگەيى تومەن
ءسىز ءوزىڭىزدىڭ مۇمكىندىكتەرىڭىزدى تىم تومەن باعالامايسىز. سىرت كوزگە كورىنە بەرمەسە دە، وزىڭىزگە ءوزىڭىز سەنبەيسىز. ءسىزدىڭ مۇمكىندىكتەرىڭىز ءسىز ويلاعاننان جوعارى
ءوزىن - ءوزى باعالاۋ تەپە - تەڭ
ءسىز ءوزىڭىزدى جەتكىلىكتى رەاليستىك تۇرعىدا باعالايسىز جانە ءوزىڭىزدىڭ باعاڭىزدى جاقسى بىلەسىز ءوزىن - ءوزى باعالاۋ اسا جوعارى
ءسىز ءوزىڭىزدى جانە مۇمكىندىكتەرىڭىزدى اسىرا باعالاۋعا بەيىمسىز. بۇل ادامدارمەن قارىم – قاتىناستا بەلگىلى قيىندىق تۋدىرۋى مۇمكىن.

3. «مەن كىممىن» ادىستەمەسى
ماقساتى: وقۋشىلاردىڭ «كەشە كىم»؟، «بۇگىن كىم؟»، «ەرتەڭ كىم؟» بولاتىنىن تۇسىندىرە وتىرىپ، ءوزىنىڭ كىمگە سايكەستەندىرەتىندىگىن انىقتاۋ.
الدىعا 12 وقۋشى شىعىپ شەڭبەر قۇرادى، ءبىر شەتىنەن باستاپ ءوزىنىڭ كىم ەكەندىگىن ايتادى. پسيحولوگ جەتكىزە الماعان وقۋشىلارعا جەتەلەيدى، ءبارى ايتىپ بىتكەن سوڭ ولاردىڭ ايتقان سوزدەرىنە قورتىندى جاسايدى.
4. «سترەسستى قالاي جەڭۋگە بولادى؟»
ويىن بارىسى: ورتاعا 12 وقۋشى شىعادى. 1. وقۋشىلارعا شار ۇلەستىرىلەدى، پسيحولوگ، وقۋشىلاردىڭ ءبىر شەتىنەن «سەندەردىڭ قانداي جاعدايدا جىندارىڭ كەلەدى؟» دەگەن سۇراق قويادى. وقۋشىلار سول ساتتەرىمەن ءبولىسىپ شاردى ۇرلەيدى، ءار ءبىر وقۋشىنىڭ ايتقان سوزىنەن كەيىن شار ۇرلەنە بەرەدى، شار ۇلكەيە بەرەدى، ۇيگە بارسام اتا - انام ۇرسادى، مەكتەپكە كەلسەم سىنىپ جەتەكشىم وقۋشىلار الدىندا سىنايدى، وسى سوزدەردىڭ ءبارى ايتىلادى، وقۋشىلار ۇلكەن بولىپ شىققان شاردى جارادى. سوسىن وقۋشىلارعا ەكىنشى شار ۇلەستىرىلىپ، پسيحولوگتىڭ الدىنعى ءسوزدى قايتالانۋى بويىنشا ۇرلەنىپ، ۇلكەيەدى، «اتا - انام مەنى ۇنەمى جاقسى بولسىن دەيدى سول ءۇشىن، ۇرسادى، ءمۇعالىمىم مەنى بولاشاقتا جاقسى ازامات بولسىن دەيدى، سول ءۇشىن سىنايدى»دەگەن سوزدەردەن كەيىن وقۋشىلار شاردىڭ جەلىن اقىرىنداپ شىعارا باستايدى. شاردىڭ ىشىندە جەلى قالمايدى.
رەلەكساسيا: «بۇل ويىننان قانداي وي تۇيدىڭدەر؟» وقۋشىلار ءوز ويىن ايتادى.

ءىىى. ويىندى اياقتاۋ
ورتاعا بارلىق وقۋشى شىعىپ، شەڭبەر قۇرىپ تۇرادى.
پسيحولوگ. مىنەكي وقۋشىلار سترەسس وسىلاي جينالادى، ول جينالا بەرسە سەنىڭ دەنساۋلىعىڭا، الدا بولاتىن ۇبت - عا دايىندىعىڭا، پسيحولوگيالىق دۇرىس قالىپتاسۋىڭا وتە زياندى، سول ءۇشىن بويلارىڭداعى جاعىمسىزدىق قاسيەت تۋدىراتىن سوزدەردى دۇرىس قابىلداپ، سترەسكە ۇشىراماۋلارىڭا تىلەكتەسپىن.
ەندى مىنا جارقىراعان كۇننىڭ شۋاعى استىندا، ۇبت - عا سەنىممەن بارۋعا بايلانىستى، ءبىر بىرىڭە تىلەك تىلەڭدەر. شەڭبەر بويىنداعى وقۋشىلار ءبىر شەتىنەن باستاپ كەلەسىنە ءوز تىلەگىن بىلدىرەدى. بارلىق وقۋشىنىڭ تىلەگى بىتەدى.

پسيحولوگ. قۇرمەتتى مەكتەپ تۇلەكتەرى الدارىڭدا ۇلكەن سىن، نامىستى دودا سول سىنعا ءارقاشان سەنىممەن بارىڭدار. باقىتتى عۇمىر بولمايدى، ول باقىتتى سەكۋند، باقىتتى مينۋت، باقىتتى ساتتەردەن تۇرادى، ءبىز سول باقىتتى ءساتتى سەزىنە ءبىلۋ ارقىلى باقىتتى بولامىز. ءبىر - ءبىرىنىڭ قولدارىڭدى ۇستاپ جوعارى كوتەرىڭدەر، بىركەلكى حور داۋىسپەن «ءبىز ۇبت - عا سەنىممەن بارامىز!» دەپ ايقايلاڭدار.