InfoHub Logo

​ۇستاز دەگەن ساتتە كوز الدىمىزعا بولاشاققا باعىت بەرۋشى، بىلىممەن دانالىقتى ءبىر ارنادا توعىستىرعان ۇلاعاتتى ۇلى تۇلعا ەلەستەيدى. 

ۇستاز-جاس ۇرپاقتىڭ رۋحاني جەتەلەۋشى، قوعام، حالىق ءوزىنىڭ ءۇمىتى مول بولاشاعىن تاپسىراتىن سەنىمدى وكىلى. ولار سول سەنىمدى اقتاي وتىرىپ، زەدەلى دە زەرەك، پاراساتتى، ۇلتتىق جانە ادامزاتتىق قۇندىلىقتاردى بويىنا دارىتقان تۇلعالاردى تاربيەلەۋدە. قازىرگى زامان مۇعالىمىنەن تەك ءوز ءپانىنىڭ تەرەڭ بىلگىرى بولۋ ەمەس، تاريحي تانىمدىق، پەداگوگيكالىق-پسيحولوگيكالىق ساۋاتتىلىق، ساياسي ەكونوميكالىق بىلىمدىلىك جانە اقپاراتتىق ساۋاتتىلىق تالاپ ەتىلۋدە. قازىرگى مۇعالىمدەر ومىرىنە تۇىسىنىستىك تانىتامىن. ولار قاعازباستىلىقتان شارشاپ، ءار ءۇيدىڭ بۇزىعىن تارتىپكە سالامىن دەپ جۇيكەسى جىپتەي جۇقارادى. ويناۋدان جالىقپايتىن ءسابي سەكىلدى ءوز ىسىنە ماحابباتپەن قارايتىن ادام قانداي قيىندىق بولسا، تەمىردەي توزىمدىلىك تانىتادى. سوندىقتان دا ءمۇعالىم - مەكتەپ جۇرەگى.

​كەزىندەگى عىلىمنىڭ نەگىزىن قالاۋشىلاردىڭ ءبارى دە وسى ۇستاز الدىندا باس يگەندىگىن جاسىرمايدى. ال قازىرشە؟ ۇستازدىڭ ورنى قانشالىقتى ماڭىزدى. تاۋەلسىز ەلدە تاربيەلەنىپ جاتقان جاسوسپىرىمدەر ءمۇعالىمدى قادىرلەپ وعان باس يەدى دەپ ويلامايمىن. ايتسەدە بەس ساۋساق بىردەي دەمەيمىن، الايدا دەموگرافيالىق مەملەكەتتە ءومىر ءسۇرىپ جاتقان قوعام ءوزىنىڭ قۇقىعىن قۇر جىبەرمەيدى. بۇرىنعى ۋاقىتتاعى اتا انالار «ەتى ساعان سۇيەگى ماعان» دەپ بالاسىن سەنىپ تاپسىراتىن، ءمۇعالىم اناڭدى شاقىرامىن دەسە جانىمىز شىر ەتىپ قورقاتىن ەدىك. ءقازىر كەرىسىنشە ءمۇعالىم اتا انادان قورقادى. عالامتور جەلىلەرىندە ءمۇعالىمىن مازاق ەتىپ جاتقان ءار ءتۇرلى ۆيدەولار ءجيى تاراپ كەتكەن. بالالارعا قاتتى سويلەي قالساڭ، جۇمىستان شىعاسىڭ. بۇل ءۇشىن كىمگە كىنا تاعامىز. وقۋشىلاردىڭ شەكتەن شىقاننىما نەمەسە ۇستاز دەگەن ۇلى تۇلعا ءوز ءقادىرىن ءتۇسىرىپ العانىما. مەن ءبىزدىڭ جاستارىمىزدىڭ ەجەلگى زامان فيلوسوفتارىن ۇلگى العانىن قالار ەدىم. مۇنان ولار شاكىرتتەردىڭ ۇستازدارىنا قانداي ىلتيپاتپەن جانە قۇرمەتپەن قاراعانىن كورەر ەدى.

سامات ۇلى مادي

---