InfoHub Logo

1980 جىلدىڭ شىلدەسى، تەرري فوكس قانعا بويالعان شورتىمەن كانادا ارقىلى ،ءۇمىت مارافونىندا جۇگىرىپ بارادى. ول اجال قۇشقانشا، 143 كۇن بويى جۇگىردى.

تەرري فوكس 1958 جىلى كانادادا تۋىلعان. 1977 جىلى تەرري وڭ تىزەسىنىڭ اۋىرىپ جۇرگەنىنە شاعىمدانادى، كوپ ۇزاماي وعان سۇيەكتىڭ قاتەرلى ىسىگى دەگەن دياگنوز قويىلادى.

دارىگەرلەر تەرريدىڭ وڭ اياعىن تىزەدەن جوعارى كەسۋگە ءماجبۇر بولادى. ءۇش جىلدان كەيىن، جاس اتلەت مۇحيتتان مۇحيتقا دەيىنگى ارالىقتى جۇگىرىپ وتۋگە بەل بۋادى. ماقساتى — ونكولوگيالىق اۋرۋلاردى زەرتتەۋگە قايىرىمدىلىق قور جيناۋ. «ءۇمىت مارافونىن» ۇيىمداستىرۋ ارقىلى ول ءار كانادالىق ازاماتتان ءبىر دوللار جيناۋدى ارمانداعان. ءبىر جىلدان استام ۋاقىت بويى، ول كۇندەلىكتى جاتتىققان، ويتكەنى ساۋ ادامنىڭ ءوزى مۇنداي ارالىقتى جاتتىعۋسىز باعىندىرا المايتىنىن جاقسى ءتۇسىندى. 

تەرري فوكس «ءۇمىت مارافونىن» 12 ءساۋىر 1980 جىلى باستادى. مارافوندى باستاردا اياعىن اتلانت مۇحيتىنا مالىپ، ەكىنشى رەت ۆانكۋۆەردە تىنىق مۇحيتىنا مالۋدى كوزدەدى. ول كۇنىنە ورتاشا ەسەپپەن 42 كم جۇگىرىپ وتىردى، ءبىراق ،سىرقاتى ۇدەي ءتۇستى. اياعىنداعى پروتەز كۇن سايىن سىر بەرىپ، سىرقاتى جانىنا باتتى. دەگەنمەن، ۇلكەن كۇش-جىگەرى جانە ءوزى سياقتى ميلليونداعان ناۋقاستارعا كومەكتەسەمىن دەگەن نيەتى - ونى العا جەتەلەدى. 

الايدا، ول مارافوندى اياقتاي المادى. قاتەرلى ىسىك وكپەسىنە ءوتىپ كەتكەندىكتەن ،تەرري فوكس ديستانسيانى 1 قىركۇيەك 1980 جىلى ۇزۋگە ءماجبۇر بولدى. 143 كۇن ۇزدىكسىز جۇگىرۋدەن كەيىن ول تاندەر-بەي قالاسىنا (ونتاريو اۋدانىنىڭ سولتۇستىگىندە) جاقىن ماڭدا توقتادى. ول نيۋفاۋندلەند، جاڭا شوتلانديا، پرينس ەدۋارد ارالى، نيۋ-برانسۋيك، كۆەبەك پەن ونتاريو اۋداندارىن باسىپ ءوتىپ، بارلىعى 5 373 كم جۇگىرگەن. ون ايدان كەيىن، 23 جاسىنا جەتپەي تەرري قايتىس بولدى. 

1981 جىلدىڭ اقپانىنا دەيىن حالىقتان تەرريدىڭ قورىنا 24 ميلليون دوللاردان استام قاراجات جينالدى، ءبىراق ەڭ باستىسى، ول جالپاق جۇرتتىڭ كوڭىلىن اۋدارتا الدى. ەندى كانادادا جانە الەمنىڭ 50-دەن استام ەلىندە تەرري فوكس اتىنداعى قايىرىمدىلىق مارافوندارى ۇيىمداستىرىلىپ تۇرادى. تەرري فوكس اتىنداعى قور ونكولوگيالىق اۋرۋلاردى زەرتتەۋگە باعىتتالعان. Terry Fox Run الەمدەگى قاراجات جيناۋ جاعىنان ەڭ ۇلكەن دارا كومپانيا رەتىندە رەكوردتار كىتابىنا ەنگەن. ءقازىر، 25 جىل قارقىندى دامۋدان كەيىن، «تەرري فوكستىڭ قورى» 360 ميلليون دوللارعا دەيىن وسكەن، سول سەبەپتى ميلليونداعان ادامداردىڭ ارقاسىندا تەرري فوكستىڭ ەڭبەگى ەش كەتپەدى. 

كانادالىق بيلىك مۇزجارعىشتى تەرري فوكستىڭ اتىمەن اتادى. كەمە سۋعا 1983 جىلى جىبەرىلدى. 

 

 

 

 

---