ماسكەۋدە نۇرسۇلتان نازاربايەۆ تۋرالى كىتاپتىڭ تانىستىرىلىمى ءوتتى (فوتو)
بۇگىن ماسكەۋدە رەسەي فەدەراسياسىنداعى قازاقستان رەسپۋبليكاسى ەلشىلىگىندە «مولودايا گۆارديا» باسپاسىنىڭ «جيزن زامەچاتەلنىح ليۋدەي. بيوگرافيا پرودولجاەتسيا» سەرياسىنان «نۇرسۇلتان نازاربايەۆ» كىتابىنىڭ تانىستىرىلىمى ءوتتى.
كىتاپ اۆتورلارى - ەۋرازيا ەكونوميكالىق كوميسسياسى ەنەرگەتيكا جانە ينفراقۇرىلىم جونىندەگى القا مۇشەسى (مينيستر)، ساياسات عىلىمدارىنىڭ دوكتورى تايىر مانسۇروۆ جانە قازاقستان جازۋشىلار وداعىنىڭ باسقارما حاتشىسى، قازاقستاندىق «پروستور» ادەبي جۋرنالىنىڭ باس رەداكتورى ۆالەريي ميحايلوۆ.
تۋىندى ەلىمىزدىڭ جاڭاشا تاريحىنىڭ ايتۋلى تۇستارىن سيپپاتتايتىن باي ماتەريالداردان تۇرادى. كىتاپ نۇرسۇلتان نازاربايەۆتى ساياساتكەر تۇلعا رەتىندە عانا ەمەس، وتباسىن، مەكتەپتەگى وقۋشى كەزىن، ەڭبەككە ارالاسقان جاستىق شاعىن ايتىپ بەرەدى.
تۇساۋكەسەردى سالتاناتتى تۇردە اشىپ ءسوز العان رەسەيدەگى قازاقستاننىڭ توتەنشە جانە وكىلەتتى ەلشىسى مارات ءتاجين بۇل شىعارمانىڭ - الەمدىك ساياساتتىڭ ءىرى تۇلعاسى، سۇڭعىلا ستراتەگ نۇرسۇلتان نازاربايەۆتىڭ ءومىربايانىنان سىر شەرتەتىنىن اتاپ ءوتتى. كىتاپ قازاقستاننىڭ ەل پرەزيدەنتى قۇرعان جۇيەلى نەگىزدەگى جاڭا جاڭعىرۋ كەزەڭىنە اياق باسقان ساتىندە جارىققا شىعۋى ايرىقشا مانگە يە.
«مەنىڭشە ءقازىر قولعا الىنعان جاڭعىرتۋ كەزەڭى اۋقىمى جاعىنان 1990-شى جىلدارداعى قازاقستانداعى العاشقى رەفورمالارىنا تەڭ كەلەدى. اۋىر كەزەڭدەگى قيىنشىلىقتار وسى شىعارمادا تولىق ءارى تارتىمدى سۋرەتتەلگەن»، - دەدى م.ءتاجين.
ەلشى كىتاپ اۆتورلارى مەن باسپاحانا وكىلدەرىنە العىس ايتا وتىرىپ، ونىڭ تاريحشىلارعا عانا ەمەس، ساراپشىلارعا، مۇراعاتشىلارعا جانە قالىڭ وقىرمان قاۋىمعا دا قىزعىلىقتى ەكەندىگىنە ءمان بەردى.
«مولودايا گۆارديا» ااق-نىڭ باس ديرەكتورى ۆالەنتين يۋركين كىتاپتىڭ ءوز باسپاحاناسىندا شىعۋىن ۇلكەن مارتەبە سانايتىندىعىن اتاپ ءوتتى.
«1991 جىلى ءبىزدىڭ باسپاحانادا نۇرسۇلتان نازاربايەۆتىڭ «بەز پراۆىح ي ليەۆىح» اتتى ءبىرىنشى كىتابى شىققان ەدى. سوندا پرەزيدەنت وداقتىڭ ىدىراۋى تۇسىندا اشىق ءارى سۇڭعىلا تۇردە ناقتى جاعدايدا نەگىزدەپ بەرىپ ەدى» - دەپ ەسكە ءتۇسىردى ول.
ت.مانسۇروۆ پرەزيدەنت ن.نازاربايەۆ تۋرالى كىتاپتار كوپ شىققاندىقتان اۆتورلاردىڭ الدىنداعى مىندەتتىڭ جەڭىلگە سوقپاعاندىعىنا توقتالىپ ءوتتى. ونىڭ ايتۋىنشا، ءومىرباياندا بۇعان دەيىن كوپشىلىك قاۋىمعا بەلگىسىز بولعان كوپتەگەن دەرەكتەر كەلتىرىلگەن.
«كىتاپتى جازۋدا مەنىڭ قاراعاندىدا دۇنيەگە كەلگەنىم، نۇرسۇلتان ءابىش ۇلى ەڭبەك جولىن باستاعان تەمىرتاۋدا كوپ بولعانىدىعىم سەپتىگىن تيگىزدى. «كازاحستانسكايا پراۆدا» گازەتىنىڭ باس رەداكتورى بولعان كەزىمدە پرەزيدەنتپەن بىرگە كوپتەگەن ساپارلارعا بارعاندىعىم ماعان وسىنشاما الىپ تۇلعانى تانىپ-بىلۋگە مۇمكىندىك بەردى»، - دەدى ول.
رەسەي مەملەكەت قايراتكەرى، بەلگىلى ديپلومات بوريس پاستۋحوۆ، تۇساۋكەسەردە سويلەگەن سوزىندە، اۆتورلاردىڭ قازىرگى زاماننىڭ ۇلى تۇلعاسىن، ءارى قازاقستان حالقىنىڭ ۇلىلىعىن سومداي العاندىعىن اتاپ ءوتتى.
«كىتاپ قازاقستاننىڭ بۇگىنگى جەتىستىكتەرىنىڭ فەنومەنى، فاكتورى نۇرسۇلتان نازاربايەۆپەن بايلانىستىلىعىن اتاپ وتكەن»، - دەدى ب.پاستۋحوۆ.
كىتاپ تۇساۋكەسەرىنە قاتىسۋشىلار تۋىندىنىڭ ءوز وقىرماندارىن تاباتىنا سەنىمدى ەكەندىكتەرىن ايتىپ ءوتتى. باسپاگەرلەردىڭ ايتۋىنا قاراعاندا، بۇل شىعارما جەتەكشى رەسەيلىك كىتاپحانالارعا، سونداي-اق ۇلىبريتانيا، گەرمانيا، يتاليا، يسپانيا، اقش جانە تمد ەلدەرىنىڭ بەلگىلى كىتاپحانالارىنا جىبەرىلگەن.
inform.kz
You Might Also Like
-
1980 جىلدىڭ شىلدەسى، تەرري فوكس قانعا بويالعان شورتىمەن كانادا ارقىلى ،ءۇمىت مارافونىندا جۇگىرىپ بارادى. ول اجال قۇشقانشا، 143 كۇن بويى جۇگىردى.
-
استانا. 15 قاڭتار. مەملەكەت باسشىسى «قازاقستان رەسپۋبليكاسىنداعى كاسiپتiك جانە وزگە دە مەرەكەلەر تۋرالى» قازاقستان رەسپۋبليكاسى پرەزيدەنتiنiڭ 1998 جىلعى 20 قاڭتارداعى № 3827 جارلىعىنا...
