ءۇشبۇرىشتار پاتشالىعى
بەرەزوۆ مەكتەپ – بالاباقشا كەشەنىنىڭ
7 «ا» سىنىپ وقۋشىلارى: بەگاتاروۆ الديار جانە سۋلەيمەنوۆا ديانا
- قوش كەلدىڭدەر، مەنىڭ بارلىق قابىرعالارىم، بيىكتىك، بيسسەكريسا، مەديانا جانە بارلىق بۇرىشتارىم تەڭ بولعاندىقتان - مەنى وسى ءۇشبۇرىشتار پاتشالىعىنا بيلەۋشى ەتىپ سايلادى. وسى پاتشالىقتا مەنىڭ ۇرپاقتارىم دا مەكەن ەتەدى. ورتاعا ۇلكەن ۇلىم شاقىرايىن - دەپ ۇلكەن ۇلىن شاقىرادى. ۇلكەن ۇلى:
- مەنىڭ اتىم تەڭ ءبۇيىرلى ءۇشبۇرىش، ويتكەنى قاسيەتىم تابانىمداعى بۇرىشتار تەڭ مەن ءبۇيىر قابىرعام تەڭ، ءۇشىنشى قابىرعام تابانىم.
جينالعان فيگۋرالار ۇلكەن ۇلىنا قوشەمەت تانىتىپ جاتقاندا، ەسىكتىڭ ارعى جاعىنان ءبىر ءۇشبۇرىش سىعالاپ قاراپ تۇرادى. ونى بايقاپ قالعان اعاسى كىشى ءىنىسىن ورتاعا شاقىرادى. ءىنىسى ءوز دەنەسىنەن ۇيالىپ، باسقا فيگۋرالارمەن تانىسقىسى كەلمەدى. ءبىراق اعاسى ءىنىسىن ءوزى ورتاعا الىپ كەلە جاتقاندا:
- بۇل قانداي فيگۋرا؟
- قيقايعان مىناۋ كىم؟ –دەپ فيگۋرالار سۇراپ جاتادى.
الايدا،بۇل سوزدەرگە نازار اۋدارماي، بار كۇش جىگەرىن جيناپ حان :
- بۇل مەنىڭ كىشى ۇلىم، اتى ءارتۇرلى قابىرعالى ءۇشبۇرىش. قيقايعان سەبەبى، قابىرعالارىنىڭ ۇزىندىقتارى جانە بۇرىشتارىنىڭ ولشەمدەرى ءارتۇرلى. ءجۇرۋ قيىن بولعاندىقتان كوزگە كوپ تۇسە بەرمەيدى - دەپ ەدى، ورتاعا توپىرلاپ، ءبىر توپ ءۇشبۇرىشتار كەلەدى. ءبىر توپ ءۇشبۇرىشتار باس ءيىپ سالەم بەرىپ:
- مەن پاتشانىڭ نەمەرەسىمىن
اۋ، حالايىق
بۇرىشىم مەنىڭ ءسۇيىر
اقىلىڭ بولسا ءتۇيىر
ويلانشى ءوزىڭ سوندا
مەن قالاي اتالامىن؟- دەپ جينالعان فيگۋرالارعا سۇراق قويادى.
سوندا كوپ فيگۋرالار ىشىنەن تىك ءتورتبۇرىش تۇرىپ:
- سەنىڭ اتىڭ ءسۇيىر بۇرىشتى ءۇشبۇرىش –دەپ ءتىل قاتادى.
- بارەكەلدى!
دوعال مەنىڭ بۇرىشىم
بىلسەڭ ايتشى دۇرىسىن
قالاي دەپ كانە ايتادى،
شوبەرەسىن پاتشانىڭ ؟- دەپ ەدى،كۆادرات تۇرىپ ءتىل قاتتى:
- بىلەم – بىلەم، سەن دوعال بۇرىشتى ءۇشبۇرىشسىڭ عوي،
- دۇرىس، دۇرىس...
كەلسە ءسوز كەزەگى
تانىستىرۋدى باستايىن
مەن پاتشانىڭ نەمەنەسىمىن
قاسيەتىم مەنىڭ ەرەكشە
بەلگىلى عوي ءار ەلگە
پيفاگوردىڭ اتى شىعىپ
تاراپ كەتتى الەمگە
ەشكىمنەن ۇيالىپ ساسپايمىن
اقىلىڭ بولسا قوستايمىن
اتىم بولسا تىك بۇرىشتى ءۇشبۇرىش
ابىرويىمدى اسىردى پيراميداسى ەگيپەتتىڭ.
- وي، بارەكەلدى، بالالار، جارايسىڭدار، ال ەندى پاتشا ءبىز ءوز ەلىمىزگە قايتايىق، ءسىزدىڭ ءبىر رۋدان شىققان ءار اۋلەتىمەن تانىستىق، بالالارىڭىز ونەرلى ەكەن –دەدى شەڭبەر. وزگە گەومەتريالىق فيگۋرالار قوشتاسىپ، ءوز ەلدەرىنە قايتتى.
ءۇشبۇرىشتار اۋلەتىمەن تانىستىق
وسىمەن ەرتەگىمىز ءتامام بولدى
ودان بەرى تالاي زامان بولدى
ءوز قاسيەتتەرىن ساقتاپ كەلەدى،
ءۇشبۇرىشتار ۇرپاعى جالعاسىپ.
You Might Also Like
-
ساۋساقتاعى ورنەكتەردى زەرتتەيتىن ارنايى عىلىم دەرماتوگليفيكا دەپ اتالادى. عىلىم ساۋساعىڭىزداعى سۋرەتتەردىڭ مىنەزىڭىزبەن جانە ادەبىڭىزبەن قانداي بايلانىسى بار ەكەنىن تۇسىندىرۋگە كومەكتەسەدى.
