InfoHub Logo

ءۇي قۇستارى (تاۋىق، بالاپان)

ءبىلىم بەرۋ سالاسى: “تانىم”
ءبولىمى: قورشاعان ورتامەن تانىستىرۋ.
تاقىرىبى: ءۇي قۇستارى.(تاۋىق، بالاپان)
ماقساتى:
بىلىمدىلىك: بالالارعا تاۋىق پەن بالاپانمەن تانىستىرۋ. ءۇي قۇستارىنىڭ تىرشىلىگى تۋرالى تۇسىنىك بەرۋ.
دامىتۋشىلىق: ەستە ساقتاۋ، ويلاۋ قابىلەتتەرىن ارتتىرۋ. تىلدەرىن دامىتۋ.
تاربيەلىك: ءۇي قۇستارىنا قامقور بولۋعا، ولاردى كۇتە بىلۋگە تاربيەلەۋ.
ءادىس - تاسىلدەر: ءتۇسىندىرۋ، كورسەتۋ، سۇراق - جاۋاپ، اڭگىمەلەسۋ، ويىن.
وقۋ قىزمەتىنىڭ ءتۇرى: ارالاس
قاجەتتى كورنەكىلىكتەر مەن قۇرالدار: ءۇي قۇستارىنىڭ سۋرەتتەرى تاۋىق، اتەش، بالاپان جۇمىرتقانىڭ سۋرەتى.
سوزدىك جۇمىس: تاۋىق، بالاپان.

بيلينگۆالدىق كومپونەنتى: تاۋىق – كۋريسا، بالاپان - سىپلەنوك.
ءپان ارالىق بايلانىس: سويلەۋدى دامىتۋ
قولدانىلاتىن تەحنولوگيا: ويىن تەحنولوگياسى، اقپاراتتىق تەحنولوگيا
تاڭعاجايىپ ءسات: تاۋىق

تانىمدى وياتۋشىلىق
ءى. ۇيىمداستىرۋ كەزەڭى
شاتتىق شەڭبەرى.
شەڭبەر بولىپ تۇرايىق
الاقاندى اشايىق.
كۇننىڭ نۇرىن الايىق
تازا اۋانى جۇتايىق
جۇرەككە جىلۋ سالايىق.
بالالار شاتتىق شەڭبەرگە تۇرىپ قيمىلمەن ورىندايدى.

ءىى. وتكەندى قايتالاۋ
 وتكەندە ءبىز قانداي اڭدارمەن تانىستىق؟
 ايۋ، قويان مەن تانىستىق.
 قوياننىڭ قۇلاقتارى قانداي ەكەن؟
 قوياننىڭ قۇلاعى ۇزىن.
 ايۋدىڭ قۇلاعى قانداي ەكەن؟
 كىشكەنتاي.
 قوياننىڭ سۇيىكتى اسى نە؟
 ءسابىز.
 ايۋدىڭ سۇيىكتى اسى نە؟
 بال.
 قويان قالاي جۇرەدى؟ كىم كورسەتەدى؟
 ايۋ قالاي جۇرەدى؟ كىم كورسەتەدى؟
 بالالار قيمىلمەن كورسەتەدى.

ۇيىمداستىرۋ - ىزدەستىرۋ
III. جاڭا ساباق
1. كىرىسپە
ەسىك قاعىلىپ توپقا تاۋىق ۇستاعان سارا اپا كىرەدى.
 سالەمەتسىندەر مە، بالالار!
 بالالار امانداسادى.
 بالالار مەن سەندەرگە ءوزىمنىڭ كۇتىپ باپتاپ وسىرگەن تاۋىعىمدى جانە جۇمىرتقالار الىپ كەلدىم.
 بالالار تاۋىققا نازارلارىن اۋدارادى.

2. نەگىزگى ءبولىم
 بالالار، مىنە مىناۋ تاۋىق، تاۋىقتى سيپاپ كورەيىك ءجۇنى مايدا، ايدارى بار، تۇمسىعىن، قاناتىن سوزىپ كورەيىك، ول قاناتىنىڭ استىنا بالاپاندارىن الىپ قورعايدى. اياعىندا تىرناعى بار ەكەن. ونىمەن جەر تىرنالاپ، بالاپاندارىنا جەم تاۋىپ بەرەدى. تاۋىقتىڭ بالاسىن بالاپان دەيمىز.

VI. سوزدىك جۇمىس: تاۋىق، بالاپان
بيلينگۆالدىق كومپونەنتى: تاۋىق – كۋريسا، بالاپان - سىپلەنوك،
ۆيدەو جازبا كورسەتۋ.
 بالالار، تاقتاعا قارايىقشى نە كورىپ تۇرسىڭدار؟
 تاۋىقتار، بالاپاندار ت. ب.
 تاۋىق نە ىستەپ ءجۇر

V. سەرگىتۋ ءساتى:
«شەپ - شەپ» شوجەلەرىم (بەينە تاسپا ارقىلى)
بالالار قيمىلدارمەن جاسايدى.
- بالالار، ءۇي قۇستارىنىڭ ادامعا پايداسى وتە كوپ. ولاردىڭ جۇمىرتقاسى مەن ەتى - تاماق.
- تاۋىقتىڭ بالاسىن نە دەپ اتايدى ەكەنبىز؟
- بالاپان.
- بالاپاننىڭ ءتۇسى قانداي؟
- سارى (سۋرەتكە قاراپ اتايدى)
- تاۋىقتارعا جەم، سۋ بەرەمىز.
تاۋىقتار بيدايدى جاقسى كورەدى.

VI. ديداكتيكالىق ويىن:
«جارتىسىن تاپ»
ماقساتى: بالالاردىڭ قىزىعۋشىلىقتارىن ارتتىرۋ.
شارتى: بالالار سۋرەت جارتىسىن تاۋىپ ولاردى ورنالاستىرا ءبىلۋدى ۇيرەتۋ. (ۇلگىگە قاراپ)

VIII. وقۋ قىزمەتىن بەكىتۋ
- تاۋىق قالاي دىبىستايدى؟
- بالالار تاۋىقتىڭ داۋىسىن سالادى.
- قىت - قىت.
وقۋ قىزمەتىن قورىتىندىلاۋ.
 بالالار، بۇگىن ءبىز قانداي ءۇي قۇسىمەن تانىستىق؟
 تاۋىقپەن بالاپانمەن.
 تاۋىقتىڭ بالاسىن نە دەپ اتايدى ەكەنبىز؟
 بالاپان.
 بالاپانىڭ ءتۇسى قانداي ەكەن؟
 سارى.
 تاۋىق قالاي دىبىستايدى ەكەن؟
 قىت - قىت.
بالالار ءبىلىمىن باعالاۋ ماقتاپ – ماداقتاۋ:
سارا اپا: - بالالار، سەندەر مەنىڭ تاۋىعىم جايلى بارلىعىن بىلەدى ەكەنسىڭدەر. سەندەر تاۋىققا كۇتىم جاساۋ تۋرالى بىلەدى ەكەنسىڭدەر سەندەرگە مەنىڭ سىيلىعىم رەتىندە مىنا جۇمىرتقالاردى سىيلايمىن.

ۇيگە تاپسىرما:
بالالار، ۇيلەرىندە مىنا سۋرەتتى اتا - انالارىنىڭ كومەگىمەن بوياپ كەلىندەر.
قانە ەندى ورنىمىزدان تۇرايىق،
شەڭبەردى ءبىز قۇرايىق.
كورىسكەنشە كۇن جاقسى،
ساۋ سالامات بولايىق.

كۇتىلەتىن ناتيجە:
بىلەدى: ءۇي قۇستارى تاۋىق جانە بالاپان تۋرالى، تىرشىلىگى جايلى بىلەدى.
يگەردى: تاۋىقتىڭ ادامدارعا تيگىزەتىن پايداسى تۋرالى تۇسىنىكتى يگەرەدى.
مەڭگەردى: ءۇي قۇستارى جانە ولاردىڭ پايداسى تۋرالى ءبىلىمدى مەڭگەرەدى.