InfoHub Logo

ۇيالى تەلەفوننىڭ پايدا بولۋى ادامزاتتىڭ سوڭعى جارتى عاسىردا جەتكەن كەرەمەت جەتىستىكتەرىنىڭ ءبىرى. باسقا ەشبىر ونەرتابىس ءبىزدىڭ تۇرمىسىمىزعا ءدال بۇلاي قاتتى اسەر ەتە المايدى جانە بۇدان جىلدام تارامايدى. بۇگىن ءبىز سىزدەرگە ينجەنەرلەردىڭ جاساپ بەرگەن وسى ءبىر عاجايىپ ونەرتابىسىنا بايلانىستى قىزىقتى دەرەكتەردى اڭگىمەلەيمىز.

— 1 —

«سمارتفون» تەرمينى تۇڭعىش رەت Ericsson كومپانياسىنىڭ 2000 جىلى Ericsson R380s جاڭا تەلەفونىن جارنامالاۋ كەزىندە شىققان. قۇرىلعى Symbian OS v5.1 باسقارۋىندا جۇمىس ىستەدى جانە اشىپ-جابىلاتىن قاقپاعى بار مونوحروم سەنسور ەكرانى بولعان.

— 2 —

قازىرگى زاماننىڭ ءقايسىبىر سمارتفوننىڭ، ونىڭ ىشىندە ءسىزدىڭ سمارتفونىڭىزدىڭ مۇمكىندىگى  NASA-نىڭ «اپوللون» باعدارلاماسىنىڭ اياسىندا ادامدى اي بەتىنە قوندىرۋعا قاتىستى ەسەپتەۋلەرى مەن باسقارۋىنا قاجەتتى مۇمكىندىگى بار بارلىق كومپيۋتەردىڭ قۋاتىنان اسىپ تۇسەدى.

— 3 —

جاپونيادا تەلەفونداردىڭ 90 پايىزى سۋ وتپەيتىن كورپۋسىمەن شىعادى، سەبەبى جاپون جاستارى جۋىنۋ بولمەسىنە كىرەردە دە ۇيالى تەلەفونىن تاستامايدى.

— 4 —

ۇيالى تەلەفوندى جوعالتىپ الامىن دەپ نەمەسە بايلانىستان ۇزىلەمىن دەپ قورقۋ نوموفوبيا دەپ اتالادى. بۇل تەرمين 2010 جىلى قولدانۋشىلاردىڭ ۇيالى بايلانىسقا دەگەن ادەتتەرىنە ارنالعان زەرتتەۋدە پايدا بولدى. ساۋالناماعا قاتىسقانداردىڭ جارتىسىنا جۋىعى ۇيالى تەلەفونىن جوعالتسا، قۋاتى بىتە باستاسا نەمەسە بالانستا قاراجات جوق بولسا، ءتىپتى بولماسا بايلانىسقا شىقپاي تۇرسا ۋايىمدايتىنىن مويىنداعان.

— 5 —

الەمدە ەڭ تابىستى تەلەفون Nokia 1101. 2003 جىلى شىققان ساتتەن باستاپ 250 ميلليون قۇرىلعى ساتىلدى، بۇل ۇيالى تەلەفوندار ىشىندە عانا ەمەس، جالپى ەلەكتروندى گادجەتتەر اراسىندا دا رەكورد سانالادى. قازىرگى تاڭدا بۇل مودەل وندىرىلمەيدى.

— 6 —

2013 جىلى بۇۇ-نىڭ جاريالانعان بايانداماسىنا سايكەس، ۇيالى تەلەفوندى قولدانۋشىلاردىڭ سانى دارەتحاناسى بار ادامدارعا قاراعاندا كوبىرەك ەكەن. جەتى ميلليارد ادامنىڭ التى ميللياردى ۇيالى تەلەفون ۇستايدى، تەك 4،5 ميلليارد ادام عانا سانيتارلىق-گيگيەنالىق جاعدايدا ءومىر سۇرەدى.

— 7 —

ۇيالى تەلەفوندى لاقتىرۋ - فينليانديا، بەلگيا جانە تاعى كەيبىر ەلدەردە كەڭ تارالعان سپورت ءتۇرى سانالادى. 2014 جىلى وتكىزىلگەن كەزەكتى الەم چەمپيوناتىندا وسى سپورت تۇرىنەن الەم رەكوردى جاڭارتىلدى - 110،42 مەتر.

---