InfoHub Logo

تاقىرىبى: ءۇيدى نەمەن تۇرعىزامىز
ءبىلىم بەرۋ سالاسى: «قاتىناس»، «شىعارماشىلىق»
كىرىكتىرىلگەن ءبىلىم سالالارى: سويلەۋدى دامىتۋ، جاپسىرۋ.
ۇيىمداستىرىلعان وقۋ ءىس - ارەكەتى: «مەن قۇرىلىسشى بولامىن»، «ءبىز ءۇي سالامىز».
ماقساتى:
1. بىلىمدىلىگى: بالالاردى قۇرىلىسشى ماماندىعىمەن تانىستىرۋ، قۇرىلىس ماتەريالدارىنان ءوز ءۇيىن قۇراستىرۋ، ويلانۋعا، وزدىگىنەن ارەكەت ەتۋگە باۋلۋ؛
2. دامىتۋشىلىعى: قۇرىلىسشى ماماندىق يەلەرىنىڭ قىزمەتى تۋرالى بىلىمدەرىن دامىتۋ، ءۇي قۇراستىرىپ جاپسىرۋ داعدىلارىن قالىپتاستىرۋ.
3. تاربيەلىلىگى: ەڭبەكسۇيگىشتىككە باۋلۋ، اماندىق يەلەرىنىڭ جۇمىسىن قۇرمەتتەۋگە تاربيەلەۋ.
ءادىس – تاسىلدەرى: سۇراق – جاۋاپ، ويىندار ويناۋ، سۋرەت بويىنشا جۇمىس.
كورنەكىلىك قۇرالدارى: سۋرەتتەر، جەلىم، ءتۇرلى - ءتۇستى قاعازدار، قايشى، سلايدشوۋ.

شاتتىق شەڭبەرى
ءبىزدىڭ ۇيدەن ءان تاراپ،
دۋمانداتار ءومىردى.
ءبىزدىڭ ۇيدە سالتانات،
ءبىزدىڭ ۇيدە كوڭىلدى.
بالالار ولەڭ جولدارىن ناقىشىنا كەلتىرە ورىندايدى.
اڭگىمەلەسۋ: بالالارعا وزدەرى تۇراتىن ۇيلەرى جايىندا اڭگىمەلەتۋ. مەكەن جايىن سۇراۋ.
بالالار ءوز ۇيلەرىنىڭ نەشە قاباتتان تۇراتىنىن جانە مەكەن جايىن ايتادى.

ديداكتيكالىق ويىن: بۇل قانداي ءۇي؟
بالالار سۋرەت بويىنشا ۇيلەردى تاڭداپ، ونىڭ نەشە قاباتتى، قانداي ەكەنىناڭگىمەلەپ ايتىپ بەرەدى.

بالالارمەن بىرگە بىرنەشە ۇيلەردىڭ سۋرەتتەرىن قاراپ، تالداۋ جاساۋ.
تاربيەشى بالالاردان ءوز ۇيلەرىن قالاي قۇراستىرۋعا بولاتىنىن ويلانۋدى وتىنەدى، بالالار كوز الدارىنا ەلەستەتەدى. بالالار ۇلگىدەن كورگەن ۇيلەردەن ءوز ۇيىنە ۇقساستىعى بارما ەكەنىن ايتادى. ءار بالا قۇرىلىس ماتەريالدارىنان ءوز ۇيلەرىن قۇراستىرادى، ءۇيدىڭ ىرگە تاسى، قابىرعالارى، توبەسى، تەرەزەلەرى ت. ب. بولىكتەرىن ناقتىلاپ الادى. بالالارعا ءۇيدىڭ اينالاسىندا نە بار ەكەنىن بەينەلەۋ ءۇشىن قاعازدار، ۇساق ويىنشىقتار ت. ب. بەرىلەدى.
قۇراستىرىپ بولعان سوڭ بالالار ءبىر - ءبىرىنىڭ ۇيلەرى تۋرالى اڭگىمەلەيدى.
سەرگىتۋ ءساتى:
جاقسى بالا ەڭبەكشىل،
ەر ازامات بولادى.
قيىندىقتى جەڭىپ كىل،
قۇشاعى گۇلگە تولادى.
ەڭبەكشىل وسىنداي
بولايىقشى دوسىم - اي.

ماقال ماتەل:
ەر سۇرىنبەي، ەل تانىماس.
ات سۇرىنبەي، جەر تانىماس.

ەر جىگىت نە كورمەيدى،
ەر كوڭىلى نە بەرمەيدى.
تاربيەشى:
- بالالار، سەندەر ءۇي قۇرىلىسىن باقىلاپ كوردىڭدەرمە؟
- يا
- ءۇي قۇرىلىسى نەدەن باستالادى؟
- جەردەن، ىرگەتاستان
- ادامدارعا قانداي ماشينالار كومەكتەسەدى؟
- كران
- قۇرىلىسقا قانداي ماماندىقتىڭ ادامدارى قاتىسادى؟
- قۇرىلىسشىلار

قۇرىلىسشى
تاس قالاۋشى ءۇي سالىپ،
العىس الدى ءبىرىنشى.
ءۇي بولماسا، مىسالى،
نە ىستەر ەدى تىگىنشى.
قۇرىلىسشىلار سالادى،
ءبىز تۇراتىن جەرلەردى.
ۇلكەن بولىپ وسكەندە
سالامىن اسەم ۇيلەردى.
قيمىل قوزعالىستار جاساپ، ولەڭ ءسوزىن ناقىشىنا كەلتىرە ورىندايدى.

تاربيەشى بالالارعا ءۇي قۇرىلىسى بەينەلەنگەن سۋرەت كورسەتەدى. ءۇي، كوتەرگىش كران جانە جۇك ماشيناسىن قانداي گەومەتريالىق فيگۋرالار ارقىلى بەينەلەۋگە بولاتىنىن مۇقيات قاراۋدى ۇسىنادى. تاربيەشى بالالارعا تەرەزەلەرىنىڭ كولەمى ءارتۇرلى، سىرتقى ەسىگى مەن شاتىرى ناشار جەلىمدەنگەن قيسىق ءۇي، دوڭگەلەكتەرى ءارتۇرلى ماشينا بەينەلەنگەن اپليكاسيانى كورسەتەدى.
ويىن «قاتەنى تاپ»، ماقساتى: وسى تاقىرىپ بويىنشا جاپسىرىلعان جۇمىستاعىداي قاتەلىك بولدىرماۋ.
بالالار قاتەنى تابادى.
تاربيەشى:
- وسىنداي ۇيدە تۇرعىلارىڭ كەلەر مە ەدى؟
- جوق
- ولاي بولسا، بالالار، ءوزىمىز دۇرىستاپ ءۇي سالايىق.
- يا
تاربيەشى بالالارعا ءتۇرلى - ءتۇستى قاعازداردان گەومەتريالىق فيگۋرالاردى: ءۇي قاباتتارىن، ەسىك - تەرەزەلەرىن، دوڭگەلەكتەردى دۇرىستاپ، قاتپارلاپ بۇكتەۋ ارقىلى تەڭ قيۋدى كورسەتەدى.
بالالار نازار سالىپ تىڭدايدى جانە وزدەرى جەلىمدەپ ءۇي سالۋعا كىرىسەدى.
بالالار قانداي سۋرەتتى بەينەلەپ، قيىپ، جاپسىرعاندارىن اڭگىمەلەيدى.
تاربيەشى بالالاردىڭ جاساعان جۇمىسىن تەكسەرىپ قاراپ، باعالاپ، قاتەلىكتەرىن كورسەتىپ، ۇقىپتى جۇمىستاردى ماداقتايدى.

كۇتىلەتىن ناتيجەلەر:
نەنى ءبىلۋ كەرەك: ءوز ۇيلەرىن كوز الدارىنا ەلەستەتە وتىرىپ قۇرىلىس ماتەريالدارىنان
قۇراستىرا بىلۋگە ۇيرەنەدى
قانداي تۇسىنىكتەردى يگەرەدى: ۇيلەردىڭ قۇرىلىسى جايىندا: ىرگەتاسى، قابىرعالارى، توبەسى، تەرەزەسى، ەسىگى ت. ب. تۇسىنىكتەر يگەرەدى.
مەڭگەرگەن داعدىلارى مەن ىسكەرلىكتەردى قولدانا الادى: قۇرىلىس ماتەريالدارىن پايدالانىپ قۇراستىرا الۋعا داعدىلانادى.

اتىراۋ قالاسى،
№55 «جادىرا» بالاباقشاسى
II ساناتتى تاربيەشى
داۋتوۆا بيبىگۇل سايىن قىزى
ءۇيدى نەمەن تۇرعىزامىز. جۇكتەۋ