ۇيلەنگەن جاستارعا تىلەك
كوكتەگى – جۇلدىز ۇل مەن قىز،
اتا-انا ءۇمىت جالعاعان.
ءبارى دە بابام جۇرگەن ءىز،
جالعاسىپ جاتىر ءارمان-ان.
اتادان قالعان مۇرانى،
جاتادى جامپوز ۇل جالعاپ.
ۇل-قيانىڭ قىرانى،
قىز-قۇلپىرعان قىزعالداق.
ونەگەلى ۇل ءوسىر،
ءتالىمى جاقسى تەكتىدەن.
تىلەۋىن سونىڭ تىلەسە ەل،
نيەتى قابىل دەپ بىلەم.
قۇس بولىپ كوككە سامعايدى،
قىز ىزدەپ باقىت بوگدە ۇيدەن.
اتا-اناسىن سىيلايدى،
كورگەندى كەلىن، ءجون بىلگەن.
ەڭسەسى اسقاق شىڭدارداي،
تۋىسى بولەك دۇلدۇلدەي،
كوكتەگى قۇس سۇڭقارداي،
ۇيلەنگەن مىنا ەكى جاس
ماڭگىلىككە ءبىر جۇرگەي!
*** *** *** ***
قۇرمەتتى ______________!
سەندەردىڭ زاڭدى نەكەلەرىڭ قۇتتى بولسىن. سەندەرگە الاتاۋدىڭ شىڭىنداعى اق قارداي تازا پاك كوڭىل، سول شىڭداردان سارقىراي اققان كاۋسار بۇلاقتاي ءمولدىر ماحاببات تىلەيمىن. سەندەرگە التىن كۇزدىڭ ىرىسىن، دەنساۋلىقتىڭ قىستاي مىقتىسىن، كوكتەمدەي كول-كوسىر ءومىر، جازداي جادىراعان ءومىر تىلەيمىن. قىزدارىڭ مونشاقتى، ۇلدارىڭ ونشاقتى بولسىن. شاڭىراقتارىڭنىڭ كەرەگەسى كەڭ، تەرەزەسى تەڭ، بوساعاسى بەرىك، ەڭسەسى "كەلىسىم سارايىنداي" بيىك بولسىن!
*** *** *** ***
كۇرمەتتى جاستار سەندەردى زاڭدى نەكەلەرىڭمەن قۇتتىقتايمىن! باسقان قادامدارىڭ اق بولسىن!! شاڭىراقتارىڭ بيىك، كەرەگەلەرى تەڭ بولسىن! ءبىرىڭ اي، ءبىرىڭ كۇن بولىپ، ارتتارىڭنان جۇلدىزدارىڭ ەرە بەرسىن! باقىتتى بولىڭدار!
*** *** *** ***
تىلەيمىن ارايلى تاڭ شاپاعاتىن
ومىردە تەك باقىت دەپ اتالاتىن
ءومىر دەگەن ماحاببات ەمەس پە ەدى
تىلەيمىن قوس اققۋدىڭ ماحابباتىن
ەي، ەكى جاس ساپار الىس جول ۇزاق،
سوعار بالكىم بەتكە بوران اڭىزاق،
سوعار بالكىم باقىت جەلى ماس ەتەر،
ءبىر بولىڭدار "ءدايىم" تىلەك جالعىز-اق!
*** *** *** ***
بالالارىڭىز كوپ بولسىن، باقىتتى ۇزاق ءومىر سۇرىڭىزدەر!
*** *** *** ***
كەلىسە ءجۇرىپ كەرەگەسىن جايعان، ۇيىمداسا ءجۇرىپ ۋىعىن قاداعان، شاتتانا ءجۇرىپ شاڭىراعىن كوتەرگەن جاس وتاۋلارىڭىز قۇتتى بولسىن!
باقىتتى، ۇزاق ءومىر تىلەيمىز!
*** *** *** ***
بۇگىنگى زاڭدى نەكەلەرىڭ، ۇيلەنۋ تويلارىڭ قۇتتى بولسىن.
دەنساۋلىقتارىڭ زور، ماحابباتتارىڭ باياندى بولسىن! ال "ماحاببات" بايلىق پەن باقىتتىڭ قولداعانىن ۇناتادى دەيدى، ەندەشە باي بولىڭدار، باقىتتى بولىڭدار!
ۇيلەرىڭدە مولشىلىك پەن بەرەكە، باقىت پەن شاتتىق، بىرلىك پەن ىنتىماق بولسىن! ارالارىڭدا تەك قانا سىيلاستىق پەن تۇسىنىستىك ورنالاسسىن. جولدارىڭ اشىق وتباسىلارىڭ تاتۋ بولسىن. ومىردە قۋانىشتاردا دا، قيىنشىلىقتا دا بىرگە بولىڭدار. ءبىراق قۋانىشتى ساتتەرىڭ 100 ەسە ارتىق بولسىن. جۇپتارىڭ جازىلماسىن، بىرگە قول ۇستاسىپ ۇزاق ءومىر سۇرىڭدەر. ەكى جاققا دا سىيلى بولىڭدار! اسپاندارىڭ اشىق بولىپ، داستارحاندارىڭنان قوناق ۇزىلمەسىن!
ەكەۋىڭ وسىلاي كۇلىمدەپ، جارقىراپ الدىمىزدا جۇرە بەرىندەر!
*** *** *** ***
بىردە ەرلى-زايىپتىلار ۇرىسىپ قالىپتى. سوندا ايەلى كۇيەۋىنە:
— مەن ساعان ومىرىمدەگى ەڭ قىمبات كەزەڭدەرىمدى، جىلدارىمدى سىيلاپ ەدىم، ال سەن...
سوندا كۇيەۋى شوشىپ كەتىپ:
— ويباي، ولاي دەمەشى، سەنىمەن الداعى ۋاقىتتا ءالى دە ءومىر سۇرەتىنىم ەسىمە تۇسسە، كۇداي-اۋ، مىنا ومىردەن بەزىپ كەتكىم كەلەدى، — دەپ زارلايتىن كورىنەدى.
بۇگىن جۇبايلىق ءومىردىڭ تابالدىرىعىن اتتايىن دەپ وتىرعان جاس جۇبايلار، بۇل اڭگىمەنى سىزدەرگە كەلەشەكتە ساباق بولار دەگەن ويمەن ايتىپ وتىرمىن.
سەندەرگە شىن جۇرەكتەن تىلەيتىنىم: ءاربىر وتكىزگەن كۇندەرىڭ، جىلدارىڭ قىزىققا تولى بولسىن. جاڭا كوتەرگەن وتاۋلارىڭنىڭ ىشىنەن ۇرىس-كەرىستىڭ دىبىسى ەمەس، ءسابيدىڭ پاك كۇلكىسى ەستىلسىن! باقىتتى بولىندار!
*** *** *** ***
اسا قۇرمەتتى تويعا كەلگەن اعايىن-جۇرت، ءاعاىنى، اپكە-قارىنداستار مەن جەڭگەيلەر، ناعاشىلار مەن كۇدا-جەكجاتتار!
بۇگىن مىنا تويدا قانشاما جاقسى تىلەكتەر ايتىلىپ جاتىر. حالقىمىزدا «باتامەن ەر كوگەرەدى، جاڭبىرمەن جەر كوگەرەدى» دەگەن جاقسى ءسوز بار. تاعى دا «قىرىقتىڭ ءبىرى – قىدىر، ءجۇزدىڭ اۋزى – ءۋالى» دەپ جاتادى. ياعني باتا – كوپتىڭ تىلەگىن العان دۇرىس ەكەن. كوپتىڭ كول تىلەگىمەن ازامات باقىتتى بولادى ەكەن-داعى.
وزدەرىڭىز كوردىڭىزدەر، وسىناۋ تىلەك ايتقانداردىڭ قاتارىندا اقساقالدى قاريا اتالارىمىز دا، اق جاۋلىقتى اياۋلى اجەلەرىمىز دە، ەلدىڭ بەتكە ۇستار ازاماتتارى دا بار ەكەنىنە كۋا بولدىڭىزدار. مەن بۇگىنگى كۇنى ۇلان-اسىر توي جاساپ جاتقان وتباسىعا، وسى اۋلەتكە «جوعارىدا تالعان ادامداردىڭ ايتىپ جاتقان جاقسى ءسوز – جارىم ىرىستارى لايىم پەرىشتەنىڭ كۇلاعىنا شالىنىپ، باقىتتى بولسىن!» دەگىم كەلەدى. سونداي-اق شاڭىرىك كوتەرىپ وتىرعان ەكى جاسقا «وسىندا ۇلاعاتتى تىلەكتەر ايتقان جاقسىلاردىڭ جولىمەن ءجۇرۋدى جاراتۋشى جازسىن!» دەگەن تىلەك ارنايمىن. زاماندارىڭىز تىنىش، بەيبىت بولسىن!
ءوسىپ-ونىپ، ءبىرىڭىز اسقار تاۋ اكە، ەكىنشىڭىز اياۋلى انا بولىڭىزدار! تامىرلارىڭىز تەرەڭدەپ، بۇتاقتارىڭىز جايىلسىن، جەمىستەرىڭىز كوبەيسىن!
ءامين!
*** *** *** ***
قۇرمەتتى وتاۋ يەلەرى، سىزدەردى بۇگىنگى شاڭىراق كوتەرىپ وتىرعان مەرەكەلەرىڭىزبەن شىن جۇرەكتەن قۇتتىقتايمىن! سىزدەرگە زور دەنساۋلىق، اشىق اسپان،ءمولدىر ماحاببات تىلەيمىن! وسى اۋىلدىڭ "ات بايلار" بەدەلدى، سىيلى، ۇلگىلى وتباسى بولۋلارىڭىزعا شىن جۇرەكتەن تىلەكتەسپىن! سونىمەن قاتار:
اققۋدىڭ اقتىعىن
ماحابباتتىڭ پاكتىگىن،
سوعان قوسا ءومىردىڭ
باقىتى مەن شاتتىعىن تىلەيمىن.
ماحابباتتارىڭىز باياندى بولسىن!!!
*** *** *** ***
قيىن دا ەمەس، وڭاي دا ەمەس ۇيلەنۋ
ۇيلەنۋ ۇيگە قامقور جاساپ ۇيرەنۋ
قاباعىن باعۋ، كوڭىلىن تابۋ جارىننىڭ
ەكەۋ بوپ ءومىر ءسۇرۋدىڭ جولىن يگەرۋ
بولادى وندا ىشكى دە، سىرقى ساياسات
ايايىق جاردى، بىرەۋدى ەگەر اياساق
جاقسى ۇيدە بولماق، اسكەري قاتاڭ قۇپيا
جۇرمەڭدەر استە ىشكىنى سىرتقا جايا ساپ!
ايالى زات جوق جارىننىڭ ماحابباتىنان
ەكەۋىڭدىدە ونى ايالاۋعا شاقىرام
تىلەگىم وسى قابىل عىپ تويدا ايتاتىن
قابىل ال ..... اتىنان
*** *** *** ***
______________، سەندەردىڭ اق وتاۋلارىڭنىڭ ىرگەسى بەرىك، شاڭىراعى بيىك بولسىن، ءتۇتىنى ءتۇزۋ شالقىسىن! تەڭ-قۇربىلارىڭنىڭ الدى بولىڭدار! ءۇي ءىشىڭ جانعا، قورالارىڭ مالعا، قالتالارىڭ اقشاعا تولسىن! قول ۇستاسىپ ءومىردىڭ قيىنى مەن قىزىعىن بىرگە كەشىڭدەر. باقىتتى بولىڭدار! دوستارىڭ دا، ۇرپاقتارىڭ دا كوپ بولسىن! بۇگىنگى توي الدا بولاتىن كوپتەگەن قىزىق قۋانىشتىڭ باسى بولۋعا جازسىن! وسى داستارحان باسىندا وتىرعان دوستارىڭنىڭ ءبارى سول قۋانىشتى بىرگە تويلاي بەرەيىك!
*** *** *** ***
ومىردە ءۇش باقىتتى قۇس بار: كوگەرشىن، قارلىعاش، اققۋ. كوگەرشىننىڭ مەيىرىمدىلىگىن، قارلىعاشتىڭ قايىرىمدىلىعىن، اققۋدىڭ اق ماحابباتىن تىلەيمىن.
ءومىر تەڭىز، جۇزە ءبىل
ماحاببات كەلسە كۇتە ءبىل،
ءومىر ادەمى باسپالداق،
سۇرىنبەي ودان وتە ءبىل!
*** *** *** ***
ءبىر ۇلى دانا "ءبىز ومىرگە شىر ەتىپ كەلگەندە ەمەس، جۇرەگىمىزدەگى ماحاببات سەزىمى ويانعان ساتتە عانا ومىرگە كەلەدى ەكەنبىز. ويتكەنى ماحاببات ادامعا ۇشاتىن قانات بەرەدى جانە دە ونى مەيىرىمدى ەتەدى، سونىمەن قاتار ول بۇكىل الەمدى ءوزىنىڭ جىلىۋمەن قۇشاعىنا الا الادى" دەگەن ەكەن. قىمباتتى جاس وتاۋدىڭ يەلەرى، سەندەردىڭ ماحابباتتارىڭ قوزى مەن باياننىڭ ماحابباتىنان كەم بولعان جوق. بارلىق قيىندىققا توتەپ بەرىپ، مىنە، بۇگىن ەكەۋڭنىڭ شاڭىراق كوتەرگەندەرىڭنىڭ كۇاسى بولىپ وتىرمىز. سەندەرگە تىلەرىمىز: ماحابباتتارىڭ باياندى بولىپ، بىر-بىرىڭە دەگەن ىستىق سەزىمدەرىڭ سۋىماسىڭ، جۇپتارىڭ جازىلماسىن دەپ تىلەيمىز! باستارىنا ب ا ق قۇسى قونسىن!
*** *** *** ***
قۇرمەتتى جاس جۇبايلار! زاڭدى نەكەلەرىڭىز قۇتتى بولسىن. سىزدەرگە الاتاۋدىڭ شىڭىنداعى اق قارداي تازا پاك كوڭىل، سول شىڭداردان سارقىراي اققان كاۋسار بۇلاقتاي ءمولدىر ماحاببات تىلەيمىن. سىزدەرگە التىن كۇزدىڭ ىرىسىن، دەنساۋلىقتىڭ قىستاي مىقتىسىن، كوكتەمدەي كول-كوسىر ءومىر، جازداي جادىراعان ءومىر تىلەيمىن. قىزدارىڭ مونشاقتى، ۇلدارىڭ ونشاقتى بولسىن. شاڭىراقتارىڭنىڭ كەرەگەسى كەڭ، تەرەزەسى تەڭ، بوساعاسى بەرىك، ەڭسەسى "كەلىسىم سارايىنداي" بيىك بولسىن!
*** *** *** ***
تولەگەندەي باتىر بولسىن ۇلدارىڭ
قىز جىبەكتەي سۇلۋ بولسىن قىزدارىڭ.
ءبىز سىزدەرگە قوناققا كەپ تۇرعاندا
كورەيىكشى، سابيلەردىڭ سترويدا تۇرعانىن.
*** *** *** ***
ءبىر بويداق دوسىنا:
— مەنىڭ ايەلىم ادەمى، اقىلدى، پىسىق ءارى ادال بولادى — دەپ ماقتانادى ەكەن. سويتسە دوسى كالجىڭداپ؛
— سەن ءوزىڭ سول شارتتاردىڭ تورتەۋىن دە ورىنداي الار ما ەدىڭ؟ — دەگەن ەكەن.
مىنەكي، دوستار، ءبىزدىڭ كۇيەۋ جىگىتتىڭ جۇلدىزى وڭىنان تۋعان ەكەن — تاڭداعان جارى ادەمى، اقىلدى، پىسىق جانە ادال ەكەنى بايقالادى.
جاڭا ءومىردىڭ ەسىگىن اشىپ، تابالدىرىعىن اتتاعالى تۇرعان بۇل ەكى جاسقا تىلەيتىنىمىز: قاتار ۇشقان اققۋداي جۇپتارىڭ جازىلماي، ءاردايىم بىرگە بولىڭدار. شاڭىراقتارىن بيىك، كەرەگەلەرىڭ كەڭ، بوساعالارىڭ بەرىك بولسىن. باقىتتى بولىڭدار!
*** *** *** ***
جاڭا تانىپ بىلسەڭ وڭ مەن سولىندى،
جاقسىلارعا سوزا بەرگىن قولىڭدى.
جاقسى جۇرگەن جەردە قىدىر بولادى،
جاقسىلىققا وڭعاراتىن جولىندى.
جاقسى ءسوز ايت، جاكسىعا ويىڭ بۇرىلسىن،
جۇرەگىڭنەن كوپ ىزگىلىك ءتىرىلسىن.
جاقسى جەرگە جاتقان جاقسى ءتۇس كورەر،
جاقسىلاردان جەتكەن سەن دە جۇرىنسىڭ.
جاقسى ءسوز ايت، جاقسى تىلەك تىلەگىن،
جاقسى ءسوز دە — جارىم ىرىس، تىرەگىڭ.
جاس-وتاۋىڭ — باس-وتاۋعا اينالسىن،
وركەن جايعان جاپىراعىم، جۇرەگىم!
You Might Also Like
-
ءدىن — ادام مەن قوعام ومىرىندە، حالىقتىڭ مادەنيەتى مەن داستۇرىندە تاريح قاتپارلارىمەن جالعاسىپ، ءالى كۇنگە دەيىن وركەنيەتتى ادامزات الەۋمەتىندە قاسيەتتى رۋحاني قۇبىلىس بولىپ وتىر.
-
ءبىزدىڭ ۇيدە توي بوپ جاتىر – .......... - ............ وتاۋ تىكتى باس قوسىپ، جۇرەگىمىز ءتىل تابىستى دوس دەسىپ. اعايىن-جۇرت جەكجات، جورا، ناعاشى، ءبىزدىڭ ۇيدە توي بوپ جاتىر - كەشكە اسىق!
