InfoHub Logo

بويداقتىق قالدى قىنجىلما،
تاعدىرىڭ تەلىپ ءبىر قىزعا.
قۇرمەتپەن قارا، جان دوسىم،
قولىڭا قونعان جۇلدىزعا.

كۇن ءوتتى شالقىپ جەلپىنگەن،
بۇعاۋعا ءتۇستىڭ ەركىڭمەن.
«سۇيەمىن!» دەدىڭ جارىڭا،
تايماعىن سول ءبىر سەرتىڭنەن.

ازامات دەيدى سەنى جۇرت،
باسىڭنان كەشتىڭ سەرىلىك،
اكە دە ءالى بولاسىڭ،
جارىڭدى سۇيگىن بەرىلىپ.
ۇلدارىن بولسىن تۇلىمدى،
قىزدارىن بولسىن بۇرىمدى.
قوساعىڭمەن قوسىلا ايت،
ماحاببات اتتى جىرىڭدى.

*** *** *** ***

قۇتتى بولسىن نەكە قيعان ءساتتى كۇن،
ەكى جۇرەك بىرگە سوققان ءتاتتى كۇن.
جاڭا ومىرگە باتىل قادام باسىڭدار،
بيىك ۇستاپ ادالدىقتىڭ اق تۋىن.
 
قوس اققۋداي ءبىر جۇزىڭدەر كوك كولدە،
قول ۇستاسىپ ءبىر شىعىڭدار كوك بەلگە.
جازىلماسىن جۇپتارىڭىز ماڭگىلىك،
قوس جۇلدىز بوپ جارقىراڭدار كوكتەمدە.

---