مۇعالىمدەر ءوز ايلىعىن ەلەكتروندى پورتفوليوداعى كالكۋلياتور ارقىلى ەسەپتەيتىن بولادى
ق ر وقۋ-اعارتۋ ءمينيسترىلىنىڭ اپپارات ماجىلىسىندە پەداگوگتىڭ جەكە ەلەكتورندىق پورتفوليوسىنىڭ ديزاينى تانىستىرىلدى.
«بۇل جۇيە – وتە قاجەتتى جۇيە. جىل اياعىنا دەيىن تولىعىمەن اياقتاۋىمىز كەرەك. ءبىراق ىشىندەگى بارلىق تەتىكتەرى دايىن بولعانىن كۇتىپ وتىرمايمىز، بىرتىندەپ ىسكە قوسا بەرەمىز. بۇل جۇيە مەكتەپتە ىستەيتىن پەداگوگتەرگە عانا ەمەس، كوللەدج مۇعالىمدەرىنە، بالاباقشاداعى ارىپتەستەرىمىزدىڭ بارىنە تيەسىلى ءارى قاجەت جۇيە بولادى. پەداگوگ استتەستاسياسى دا تولىعىمەن ەلەكتروندىق جۇيە ارقىلى وتەدى. ءار پەداگوگتىڭ جەكە پورتفوليوسى، ءبىلىمى، ساناتى، تاجىريبەسى، جەتىستىكتەرى، ديپلومى، بىلىكتىلىك كۋرستارى تۋرالى سەرتيفيكاتتارى، ءبارى وسى جۇيەدە بولادى»، - دەدى وقۋ-اعارتۋ ءمينيسترى اسحات ايماعامبەتوۆ.
ونىڭ ايتۋىنا قاراعاندا، ەلەكتروندىق پورتفوليو تولىق ىسكە قوسىلعاندا مۇعالىمدەر قاعاز جۇزىندە قۇجات تاپسىرۋدان تولىق قۇتىلادى.
«اتتەستاسيا بولسىن، كونكۋرس بولسىن، ديرەكتورلىق لاۋازىمعا قۇجات ءوتىزۋ قاجەت بولسىن، كۋرسقا جازىلسا دا، ءتۇرلى سايىستارعا قاتىسسا دا ەلەكتروندىق پورتفوليوسى بويىنشا ءبىر كنوپكانى عانا باسىپ، قاجەتتى اقپاراتتى تىكەلەي جىبەرە سالۋعا مۇمكىندىك الادى»، - دەدى ۆەدومستۆو باسشىسى.
سونداي-اق، ول اتالعان قۇرال ارقىلى مۇعالىمدەردىڭ شاعىمدانۋ پروسەسى دە جەڭىلدەتۋ كوزدەلگەنىن اتاپ ءوتتى.
«بۇعان تاعى ءبىر قوسىمشا ەنگىزىپ جاتىرمىز. قاعازباستىلىق بولسا، پەداگوگتىڭ قۇقىقتارى بۇزىلسا، ارنايى فۋكنسيا ارقىلى ەلەكتروندى پورتفليوعا كىرىپ-اق تىكەلەي شاعىم تۇسىرۋگە مۇمكىندىك بەرەمىز. ەشقايدا بارىپ جاتپاي، باسقا قوسىمشا سەرۆسيتەرگە، اقپاراتتىق جۇيەلەرگە سۇيەنبەي، وسى جەردەن-اق، مىسالى ءبىزدىڭ №130 بۇيرىقتا قاراستىرىلماعان ەسەپتەر بولسا، وزىنە ءتان ەمەس جۇمىسقا ماجبۇرلەسە، باسقا دا جاعدايلاردا ءمۇعالىم ءوزىنىڭ جەكە ەلەكتروندىق پورتفوليوسىنان ءتيىستى اقپاراتتى تىكەلەي جىبەرە الادى. ول اقپارات بىردەن ءبىزدىڭ جەرگىلىكتى دەپارتامەنتتەرگەتۇسەدى. ولار اتالعان اقپاراتپەن دەرەۋ جۇمىس ىستەۋگە مىندەتتى بولادى. كورپوراتيۆتىك پوشتاسى دا بولادى. جاڭالىقتار دا، ساۋالنامالار دا، مۇعالىمگە كەرەك بارلىق نومالار، اقپاراتتار وسى جەرگە ورنالاستىرىلىپ، بىزدىڭارىپتەستەرىمىزگە ىڭعايلى بولادى دەپ ەسەپتەيمىن»، - دەدى اسحات ايماعامبەتوۆ.
مينيسترلىككە قاراستى اقپاراتتىق-تالداۋ ورتالىعىنىڭ باسقارما ءتوراعاسى ماعجان امانعازىنىڭ ايتۋىنشا، پورتفوليودا پەداگوگتىڭ وزىنە تيەسىلى ايلىعىن ەسەپتەيتىن قوسىمشا دا ورناتىلماق.
«ءمۇعالىمنىڭ جالاقىسىن ەسەپتەۋگە ارنالعان كالكۋلياتور، بىلىكتىلىكتى ارتتىرۋ كۋرسىنا قاجەتتى قۇجات تاپسىرۋ، ۇلتتىق بىلىكتىلىك تەستىنە قاتىسۋعا ءوتىنىم بەرۋ سياقتى كوپتەگەن قىزمەتتەردى قاراستىرامىز. ءبارى بىردەن ەمەس، رەت-رەتىمەن ەنگىزىلەدى»، - دەدى ورتالىق باسشىسى.
You Might Also Like
-
قىمباتتى جاس جۇبايلار .... — .........! سىزدەردى بۇگىنگى نەكەگە وتىرۋ سالتاناتىمەن شىن جۇرەكتەن قۇتتىقتايمىن! حالقىمىزدا «وتان وتباسىنان باستالادى» دەگەن ءسوز بار. سىزدەر بۇگىن مەم...
-
كوتەرىپ قاينىم بۇگىن ناردىڭ جۇگىن، ءوزىنىڭ تاپقان ەكەن جار-جۇلدىزىن. گۇل بولىپ جايناي بەرسىن ءار كوكتەمىڭ، جەمىسكە تولى بولسىن ءاربىر كۇزىڭ. شۋاعىن، توگە بەرسىن، ءتاڭىر نۇرىن. جارىڭا سەن...
