ۇزاق ۋاقىت سۋدا بولعاندا ساۋساقتارىمىز بەن بارماقتارىمىز نەگە جيىرىلادى
ۆاننادا ۇزاق ۋاقىت بولعان كەزىڭىزدە ساۋساقتارىڭىز بەن بارماقتارىڭىزدىڭ تەرىسى نەلىكتەن جيىرىلىپ قالاتىنى جايلى ويلاندىڭىز با؟
عالىمدار باستاپقى كەزدە مۇنىڭ سەبەبى دەپ تەرىنىڭ بەتكى قاباتىنىڭ ءىسىنۋىن اتاعان ەدى. تەرىنىڭ بەتكى قاباتىنا سۋ كىرگەننەن كەيىن ول ايتارلىقتاي وسەدى، ءبىراق ول تەرىنىڭ كەڭەيەتىن قاسيەتى جوق استىڭعى قاباتىمەن بايلانىسىپ تۇرعاندىقتان، تەرىنىڭ سىرتقى قاباتىنا ءاجىم تۇسەدى، وسىلايشا ول ءوزىنىڭ سوزىلاتىن قاسيەتىن كورسەتەدى.
الايدا 1935 جىلى كەيبىر دارىگەرلەر جۇيكەسىنە زاقىم كەلگەن ناۋقاستاردىڭ ساۋساقتارىنىڭ تەرىسى جيىرىلمايتىنىن بايقاپتى. ءسويتىپ، ولار ساۋساق تەرىلەرىنىڭ جيىرىلۋ سەبەبى دەپ جۇيكە جۇيەسىنىڭ سۋدا ۇزاق ۋاقىتتا بولۋىنا اسەرى دەپ كورسەتتى.
نەيرولوگتار اعزانىڭ جوعارى ىلعال دەڭگەيىندە زاتتارمەن جانە سىرتقى بەتىمەن جاقسىراق ارەكەتتەسۋىن قامتاماسىز ەتەدى دەپ ەسەپتەدى. 2013 جىلى عالىمدار زەرتتەۋ جۇرگىزەدى. وندا ساۋساقتارى اجىمدەلگەن جانە ءاجىم تۇسپەگەن ادامداردىڭ ىلعالدى جانە قۇرعاق ءتۇرلى زاتتاردى كوتەرۋى كەرەك بولدى. سويتسە، ساۋساقتارى جيىرىلعان ناۋقاستار ىلعالدى زاتتاردى 12 پايىزعا جىلدامىراق كوتەرگەن.
ساۋساقتىڭ ءاجىم تۇسكەن تەرىسى اۆتوموبيل دوڭگەلەكتەرىنىڭ پروتەكتورلارى سەكىلدى قىزمەت ەتەدى، سول ارقىلى ءبىز زاتتاردى جاقسى ۇستاي بىلەمىز جانە جىلدامىراق قوزعالامىز.
You Might Also Like
-
ەگەر اسپاندا اق ءىز قالسا، دەمەك، ۇشاق ۇشىپ ءوتتى: مۇنى ءتىپتى بالالار دا بىلەدى. ءبىراق ول نەگە تۇزەلەدى جانە نەدەن تۇراتىنى جايلى ويلانىپ كوردىڭىز بە؟
-
ى.التىنسارين اتىنداعى ارقالىق مەملەكەتتىك پەداگوگيكالىق ينستيتۋتى ستۋدەنت: ەسەنتۋروۆا ايدانا عىلىمي جەتەكشىسى: اناپين ەلتاي حاكيم ۇلى
