«ۇزدىك پەداگوگ» بايقاۋىنا ءوتىنىم قابىلداۋ باستالدى
ۇستازدار كۇنى قارساڭىندا «ۇزدىك پەداگوگ» بايقاۋىنا وتىنىمدەر قابىلداۋ باستالدى.
ق ر وقۋ-اعارتۋ مينيسترلىگىنەن ءمالىم ەتكەندەي، جەڭىمپازدارعا 3 ملن تەڭگە كولەمىندە سىياقى بەرىلەدى. بىلتىر ەلىمىزدىڭ ءار وڭىرىنەن 64 ءمۇعالىم 3 ملن تەڭگەدەن العان بولاتىن.
كونكۋرسقا مەكتەپكە دەيىنگى، ورتا، تەحنيكالىق جانە كاسىپتىك ءبىلىم بەرۋ ۇيىمدارىنىڭ شتاتتاعى پەداگوگتەرى قاتىسا الادى. بيىل سيفرلاندىرۋ باعىتىندا ۇلكەن جۇمىس اتقارىلدى. بايقاۋدىڭ بارلىق كەزەڭى، ناقتىراق ايتقاندا، قاتىسۋشىلاردى تىركەۋدەن باستاپ رەسپۋبليكالىق كەزەڭنىڭ قورىتىندىسىن شىعارۋعا دەيىن تولىعىمەن سيفرلاندىرىلعان.
قۇجاتتاردى قابىلداۋ 12 قىركۇيەكتە باستالىپ، 2022 جىلعى 22 قىركۇيەككە دەيىن جالعاسادى. بايقاۋ تۋرالى اقپارات ەلىمىزدىڭ بارلىق 380 مىڭ ءمۇعالىمى پايدالاناتىن kundelik.kz جۇيەسىندە ورنالاستىرىلادى.
سونداي-اق بايقاۋ تاريحىندا العاش رەت بارلىق كەزەڭ، ياعني قاتىسۋعا وتىنىمدەردى قابىلداۋ، تىركەۋ، كونكۋرس قۇجاتتارىن تاپسىرۋ، باعالاۋ https://teachercontest.iac.kz/ ۆەب-پورتالىندا جۇزەگە اسىرىلادى.
«بۇل بايقاۋدىڭ ماڭىزى زور، ويتكەنى ول ۇزدىكتەردىڭ ىشىندەگى ونداعان ۇزدىك پەداگوگتىڭ ەڭبەگىن تانۋعا مۇمكىندىك بەرەدى. جۇلدە قورىن ۇلعايتتىق جانە بۇل مىقتى مامانداردىڭ ماماندىققا كەلۋىنە تۇرتكى بولىپ، وسى كاسىپتە ونداعان جىلدار بويى ەڭبەك ەتىپ كەلە جاتقان ماماندارعا كورسەتىلگەن قۇرمەت بولادى دەپ سەنەمىز.
«ۇزدىك پەداگوگ» اتاعىنا ءبىلىم بەرۋ ۇيىمدارىندا جۇمىس ىستەيتىن جانە قۇجاتتاردى تاپسىرۋ كەزىندە كەمىندە بەس جىل ۇزدىكسىز پەداگوگيكالىق ءوتىلى بار پەداگوگتەر ۇمىتكەر بولا الادى. بۇل – بالاباقشا، مەكتەپ، كوللەدج مۇعالىمدەرى. بايقاۋ اياسىندا ءمۇعالىمنىڭ ءبىلىم سالاسىن دامىتۋعا قوسقان ۇلەسى، ۇستاز قىزمەتىنىڭ تيىمدىلىگى مەن ونىڭ كاسىبي شەبەرلىگى ەسكەرىلەدى»، – دەپ ءتۇسىندىردى ق ر وقۋ-اعارتۋ مينيسترلىگى ورتا ءبىلىم بەرۋ كوميتەتىنىڭ ءتوراعاسى گۇلميرا كارىموۆا
بايقاۋ ءۇش كەزەڭنەن تۇرادى:
– I كەزەڭ – اۋداندىق، قالالىق دەڭگەي؛
– II كەزەڭ – وبلىستىق دەڭگەي؛
– III كەزەڭ – رەسپۋبليكالىق دەڭگەي.
ەكى بايقاۋدىڭ قورىتىندىسى بويىنشا ەڭ جوعارى بالل جيناعان پەداگوگتەر رەسپۋبليكالىق كەزەڭگە وتەدى.
ايتا كەتەيىك، «ۇزدىك پەداگوگ» رەسپۋبليكالىق بايقاۋى 2012 جىلدان بەرى وتكىزىلىپ كەلەدى. بۇگىنگە دەيىن 600-گە جۋىق ۇزدىك ۇستاز انىقتالدى.
بايقاۋ ەرەجەلەرى تۋرالى قوسىمشا اقپارات وقۋ-اعارتۋ مينيسترلىگىنىڭ سايتىندا ورنالاستىرىلعان.
You Might Also Like
-
ۇزاتىلىپ بارادى .................، قارىنداس، ءسىڭلى، قۇربى، قاراعىمىز. .................. باقىتتىڭ باقشاسى بوپ، جۇرۋگە جاراي السا ءدان ريزامىز.
-
ءومىردىڭ ورلەپ شىقسىن بەلەسىنە، مۇحيتقا جەتسىن ءجۇزىپ كەمەسى دە، ءبىر ءۇيدىڭ الپەشتەگەن ەركەسى ەكەن، اتا مەنەن سىيلى بولسىن ەنەسىنە. ۇلكەندى قادىرلەۋدەن جالىقپاسىن جارقىلدا جارىڭنىڭ دا تاۋ...
