«ۇزدىك پەداگوگ» كونكۋرسىنىڭ ەرەجەلەرى مەن وتكىزۋ مەرزىمى وزگەرمەك
«ۇزدىك پەداگوگ» كونكۋرسىنىڭ ەرەجەلەرى مەن وتكىزۋ مەرزىمى وزگەرۋى مۇمكىن. وقۋ-اعارتۋ مينيسترلىگى «اشىق» نقا پورتالىندا جاريالاعان ءتيىستى بۇيرىقتا جاڭا تارتىپتەر جازىلعان.
«كونكۋرستىڭ ءى كەزەڭىن وتكىزۋ تۋرالى حابارلاندىرۋدى ءبىلىم بەرۋ سالاسىنىڭ ۋاكىلەتتى ورگانى ونى وتكىزۋ باستالعانعا دەيىن كەمىندە كۇنتىزبەلىك 30 كۇن بۇرىن مينيسترلىكتىڭ اقپاراتتىق جۇيەسىنە ورنالاستىرادى. اۋدان، قالانىڭ (وبلىستىق، رەسپۋبليكالىق ماڭىزى بار قالالاردىڭ) ءبىلىم ءبولىمى اۋدان (قالا) اۋماعىندا تاراتىلاتىن بۇقارالىق اقپارات قۇرالدارىندا جاريالايدى، سونداي-اق ءبولىمنىڭ ينتەرنەت-رەسۋرسىندا ورنالاستىرادى»، - دەلىنگەن جاڭا رەداكسيادا.
سونىمەن قوسا، كونكۋرستىڭ العاشقى كەزەڭى بيىل مامىردا باستالادى. بۇرىن پەداگوگتەردەن وتىنمدەردى قابىلداۋ قىركۇيەك ايىندا جۇرگىزىلەتىن. ال كونكۋرستىڭ II كەزەڭى تامىزدا، فينالى قىركۇيەكتە ۇيىمداستىرىلماق. ەسكى ەرەجە مەرزىمى بويىنشا سايىستىڭ قورىتىندىسى قاراشا ايىندا شىعارىلاتىن.
«25 قازان رەسپۋبليكا كۇنى جانە 5 قازان - ءمۇعالىم كۇنى بولىپ ەنگىزىلۋىنە بايلانىستى كونكۋرستى وتكىزۋ داتاسى وزگەردى. وسىعان بايلانىستى اتالعان نورمادا I كەزەڭدى وتكىزۋ مەرزىمى قىركۇيەكتەن مامىرعا اۋىستىرىلدى»، - دەپ تۇسىندىرمە بەرىلگەن بۇيرىققا.
بۇعان قوسا، ءى جانە ءىى كەزەڭدەردە قاتىسۋشاردى باعالاۋ ءتارتىبى دە وزگەرۋى مۇمكىن. اتاپ ايتقاندا، ەندى ۇمىتكەرلەرگە وڭىرلىك كوميسسيا مۇشەلەرى ۇپاي بەرەدى. سونىڭ نەگىزىندە جەڭىمپاز انىقتالادى.
«وڭىرلىك كوميسسيا شەشىمىنىڭ قورىتىندىلارى بويىنشا 100 بالدىڭ كەمىندە 80 بالىن جيناعان 10-عا دەيىنگى كونكۋرسقا قاتىسۋشى كونكۋرستىڭ ءى جانە ءىى كەزەڭىنىڭ جەڭىمپازدارى بولادى. كونكۋرستىڭ III كەزەڭى اعىمداعى جىلعى قىركۇيەكتە وتكىزىلەدى. وندا كونكۋرستىڭ جەڭىمپازدارى انىقتالادى»، - دەپ جازىلعان وزگەرىس ماتىنىندە.
بۇيرىق 13 ساۋىرگە دەيىن كوپشىلىك تالقىلاۋدا بولادى.
You Might Also Like
-
جاس اعاشتار ەڭ كارى قاراتال اعاشىنا بالتانى شاعىمدانىپ: «مىنا بالتا ءبىزدىڭ ءناسىلىمىزدى جويىپ بىتىرەتىن بولدى» دەيدى.
-
جازعى دەمالىس كەزىندە بالالار قاۋىپسىزدىگى تۋرالى اتا-انالار ءۇشىن جادىناما.
