قازاقستان-دانيا
فۋتبولدان ءبىزدىن ۇلتتىق قۇرامامىز تاريحي جەتىستىككە جەتتى، 2021 جىلى وتكەن ەۋرو-2020 تۋرنيرىندە جارتىلاي-فينالعا جەتكەن دانيا ۇلتتىق قۇراماسىن، استانادا 3:2 ەسەبىمەن جەڭدى. بۇل شىنىمەن دە قازاق فۋتبولى تاريحىنداعى ەڭ جارىق كەزدەسۋلەزدىڭ ءبىرى. كەزدەسۋدىڭ 73 مينۋتىنا دەيىڭ 0:2 ەسەبىمەن ۇتىلىپ، ءبىزدىڭ جىگىتتەر ويىننىڭ ناتيجەسىن 16 مينۋتتا توڭكەرىپ جىبەردى.
ءبىرىنشى تايمدا راسمۋس حويلۋند، يتاليالىق اتالانتانىڭ جاس ويىنشىسى جوق جەردەن 2 ءدال سوققى جاساپ، ءبىزدىن قۇرامامىزدىڭ ءۇمىتىن ءتۇسىردى. ءبىراق ويىننىڭ 2ء-شى جارتىسىنا قازاقستان قۇراماسى جىگەرلەنىپ، دانيا قاقپاسىنا كوپتەگەن شابۋىل جاساپ باستادى. ءبىراق سوققىلاردىڭ كوبىسى تۋرا كاسپەر شمەيحەلدىڭ قولدارىنا ۇشىپ، ناتيجە اكەلمەدى. ويىننىڭ 70 مينۋتىندا ابزال بەيسەبەكوۆ قارسىلاستىڭ ايىپ الانىڭدا ەكى قورعاۋشىنى الداپ، قاقپاعا سوققى جاسادى، بۇل سوققى دا دانيالىق قاقپاشىنىڭ ولجاسىنا اينالدى. بۇل ءسات مەنىڭ ويىمشا قازاق ويىنشىلارىن جىگەرلەندىرىپ، ەرلىككە شاقىردى.
ءۇش مينۋتتان كەيىن باحتيەر زاينۋتدينوۆ ەسەپ ايىرماسىن پەنالتيدەن قىسقارتتى. ال كەزدەسۋدىڭ 86 مينۋتىندا، ناعىز كاپيتان، اسحات تاعىبەرگەن، 30 مەتردەن، دوپتى تۋرا قاقپانىڭ ۇستىنگى بۇرىشىنا جىبەردى. بۇل ساتتە استانا ارەناداعى جانكۇيەرلەر، ءوزىنىڭ قۋانىشىنا شەك تاپپادى، بۇكىل ەل تويلاۋعا كىرىستى. ءبىراق وسىمەن سەنساسيالار بىتپەدى، 89 مينۋتتا باۋىرجان يسلامحان مەن يان ۆوروگوۆسكيي ەكەۋى، الاننىڭ سول جاعىندا پاسپەن ويناپ، دوپتى ابات ايىمبەتوۆكە جەتكىزدى، ال ابات بولسا، دوپتى قاقپاعا كىرگىزدى.
وسىلايشا قازاق جىگىتتەرى، الەمدىك جۇلدىزدارمەن كەزدەسۋدە، رۋح جانە جىگەر كورسەتىپ، جەڭىسكە قول جەتكىزدى. وسى جەڭىس ارينە ءبىزدىن فۋتبولدىن تاريحىندا، ەسىمىزدە ۇزاققا ساقتالادى. ەۋرو-2024 ىرىكتەۋ كەزەنىڭدە جاعداي وسىلاي جاقسارا بەرگەنىڭ قالاپ، ۇلتتىق قۇرامامىزعا ساتتىلىك تىلەيىك.
You Might Also Like
-
1. قوي، ەشكى، سيىر جانە تۇيەنى قۇرباندىققا شالۋعا بولادى. باسقا جانۋارلاردان قۇرباندىق شالۋعا بولمايدى.
-
سۇلتان ماحمۇد عازناۋي زامانىندا اۋىلدان شىققان اياز ەسىمدى جاس جىگىت زەرەكتىگى، ەڭبەكقورلىعى جانە ادالدىعىنىڭ ارقاسىندا باس ۋازىرلىك دارەجەسىنە دەيىن كوتەرىلەدى. ايازدىڭ داڭقىنىڭ ارتۋى، وعان پاتشا تا...
