InfoHub Logo

تاقىرىبى: ۆۆ دىبىسى مەن ءارپى
 ماقساتى:
1. ۆ دىبىسى جانە ونىڭ ءارىپ تاڭباسىمەن تانىستىرا كەلىپ،
بالالاردى ۆ دىبىسى بار ءسوز، سويلەم ويلاپ تابۋىنا كوڭىل ءبولۋ، بايلانىستىرىپ سويلەۋگە ۇيرەتۋ.
2. ديداكتيكالىق ماتەريالداردى پايدالانىپ بالالاردىڭ ويلاۋ قابىلەتىن، قيالىن، زەيىنىن دامىتۋ.
3. شىدامدىلىققا، ەپتىلىككە، ۇعىمتالدىققا تاربيەلەۋ.
ءتۇرى: جاڭا ساباق
ءادىسى: ستو، ءتۇسىندىرۋ، سۇراق - جاۋاپ، ويىن، ەرتەگى رەتىندە.
كورنەكىلىگى: ۆ دىبىسىنىڭ باسپا جانە جازبا ءتۇرى، ءارىپ كاسساسى، ارىپتەر،
سۋرەتتەر، ەرتەگىگە قاتىستى سۋرەتتەر
 بارىسى:
ۇيىمداستىرۋ كەزەڭى:
اسپان ءتۇردى تۇندىگىن،
جەرگە ساۋلە جايىلدى.
نەتكەن اشىق كۇن بۇگىن،
قايىرلى كۇن، قايىرلى!
- بالالار ءقازىر جىلدىڭ قاي مەزگىلى؟
- قىس مەزگىلىنىڭ ايلارىن اتا.
- ءبىر اپتادا نەشە كۇن بار، بۇگىن قاي كۇن؟
- دىبىس نەشەگە بولىنەدى؟
- داۋىستى جانە داۋىسسىز دىبىستار قالاي ايتىلادى؟
- دىبىستى – ەستيمىز، ءارىپتى – جازامىز، كورەمىز، وقيمىز.
 ساباقتى ەرتەگى رەتىندە وتكىزۋ.
- بالالار مىنا تاقتادا كورىپ تۇرعان قانداي ەرتەگى؟
- شالقان ەرتەگىسىن كىم ايتىپ بەرەدى؟
- ەندەشە ءبىز مىنا شالقاندى باقشادان الۋعا كومەكتەسەمىز بە؟ ول ءۇشىن سەندەر ولاردىڭ تاپسىرمالارىن ورىنداۋلارىڭ كەرەك.
اتانىڭ تاپسىرماسى. وتكەندى قايتالاۋ.
- وتكەن ساباقتا قانداي دىبىسپەن تانىستىڭدار؟
- ھ
- ھ دىبىسى قانداي دىبىس؟
- داۋىسسىز دىبىس.
- ھ دىبىسى كەزدەسەتىن ءسوز ايتامىز
- جيھاز، ايداھار، قاھارمان (بۋىنعا ءبولۋ)
- ھ دىبىسى ءسوزدىڭ قاي جەرلەرىندە كەزدەسەدى؟
مىنا بۋىنداردان ءسوز قۇراپ وقىڭدار.
ا – نا، تا، عا، يۋ، سىق.
با – لا، عا، تىر، ۋىر، لىق.
- سەندەر اتانىڭ تاپسىرماسىن دۇرىس ورىندادىڭدار، ەندەشە اتانى شالقانعا اپارامىز. اتا شالقاندى باقشادان سۋىرىپ الا ما؟
- ەندەشە كومەككە كىمدى شاقىرامىز؟
 اجەنىڭ تاپسىرماسى. جۇمباقتار شەشۋ:
تەمىر تايىم،
تەبىنسەم توقتامايدى.
مىنسەم دايىن،
تاماقتى ەش جوقتامايدى. (ۆەلوسيپەد)
ءۇي ىشىندە بولمە،
بولمە ءىشى كولدە.
ءتۇرلى ۇساق بالىق،
ءجۇزدى سايران سالىپ. (اكۆاريۋم)
ۆەلوسيپەد، اكۆاريۋم سوزدەرىن بۋىنعا ءبولۋ.
- بالالار مىناۋ نەنىڭ سۋرەتى؟
- ۆازا، ۆاگون بۋىنعا ءبولۋ
- وسى سوزدەردە بىزگە تانىس ەمەس قانداي دىبىس ەستىلىپ تۇر؟
- ۆ دىبىسى – داۋىسسىز دىبىس، كوك ءتۇستى تەكشەمەن بەلگىلەيمىز. (تاقتاعا ۆ دىبىسىنىڭ كورنەكىلىگىن ءىلۋ)
- باسپا ءتۇرى قاي جەردە كەزدەسەدى؟ ال جازبا شە؟
- ۆ دىبىسى 3 ەلەمەنتتەن تۇرادى. ۆ دىبىسى ءسوزدىڭ باسىندا جانە ورتاسىندا كەزدەسەدى.
نەمەرەسىنىڭ تاپسىرماسى.
- ۆاگون، ۆوكزال سوزدەرىنە دىبىستىق تالداۋ جاسا.
سەرگىتۋ ءساتى.
 ۇزىن قۇلاق سۇل قويان...
ءيتتىڭ تاپسىرماسى. وقۋلىقپەن جۇمىس.
بالالارعا وقۋلىقتاعى سوزدەردى وقىتۋ.
داپتەرمەن جۇمىس.
داپتەرىمىزدى اشامىز،
قولعا قالام الامىز.
كولبەۋ قويىپ داپتەردى،
ادەمى ەتىپ جازامىز.
- كانە بالالار ۆ ءارپىن ءبىرىنشى اۋادا جازىپ كورەيىك.
 - ال ەندى داپتەرىمىزگە جازامىز. (داپتەرمەن جۇمىس ەرەجەرىن ايتۋ)
مىسىقتىڭ تاپسىرماسى.
 مىنا سۋرەتتەرگە سويلەم قۇراۋ. (ۆازا، اكۆاريۋم، ۆەلوسيپەد)
تىشقاننىڭ تاپسىرماسى. ويىن: بالاپانداردى ۇياسىنا اپارۋ.
ۆ دىبىسى قانداي دىبىس؟
ۆوكزال ءسوزىن بۋىنعا ءبول.
ۆاگون سوزىنە سويلەم قۇرا.
ۆ ءارپىن تاقتاعا جاز.
قورىتىندى.
- بالالار بۇگىن قانداي دىبىسپەن تانىستىڭدار؟
- ۆ دىبىسى (كاسساداعى ارىپتەردى وقىتقىزۋ)
 - بالالار سەندەر اتا جانە ونىڭ وتباسىنا شالقاندى باقشادان الۋعا كومەكتەستىڭدەر، ولار سەندەرگە راحمەت ايتىپ، ريزا بولىپ، مىناداي جۇلدىزشالار تاراتۋدى تاپسىردى.

​تولىق نۇسقاسىن جۇكتەپ الۋ​​​