InfoHub Logo

بارلىق ۆەربالدى ىمدى تۇسىنۋگە تىرىسۋدىڭ قاجەتى شامالى، سەبەبى ولاردىڭ كەيبىرى ادامنىڭ باسىم بولىگىنە ەمەس، تەك جەكە ادامعا ءتان دارا قيمىل-قوزعالىستار بولۋى  دا مۇمكىن. ءبىز ادامداردىڭ كوبى قولداناتىن، ەموسيونالدىق ءمانى بويىنشا ۇقساستارىنا توقتالا كەتۋدى ءجون سانادىق.

جالپى ىم نەنى بىلدىرەدى؟

ىمدى بەلسەندى قولدانۋ — كوبىنە ەموسيالاردىڭ وڭ سپەكترىنە جاتادى جانە اڭگىمەلەسۋشىلەر ونى دوستىق قارىم-قاتىناستى كورسەتۋ ءتاسىلى رەتىندە قابىلدايدى.

ىمدى تىم بەلسەندى قولدانۋ — ادامدى بىردەڭە مازالاعاندا سەزىمدەرىن قيمىل ارقىلى بىلدىرەدى نەمەسە قيمىلداردى شامادان تىس پايدالانۋ — وزىنە دەگەن سەنىمسىزدىگىن كورسەتەدى.

باسقالاردىڭ ىمدارىن تالداۋ كەزىندەگى ەڭ باستى ەرەكشەلىك، ولاردىڭ ىمدارىن سانالى جانە سانالى ەمەس دەپ ءبولىڭىز، ويتكەنى سانالى (ادەيى) جاسالعان ىس-ارەكەتتەر ادامنىڭ جاي-كۇيى تۋرالى اقپارات بەرە المايدى.

ىمداردىڭ نەنى بىلدىرەتىنىن ناقتى مىسالداردىڭ كومەگىمەن قاراستىرايىق   

الاقانى اشىق جانە سىزگە باعىتتالعان — وپپونەنتتىڭ سوزىنە سەنۋگە بولادى، ونىڭ كوڭىلى پاك.

جۇدىرىق ءتۇيۋ — ءقاۋىپتى قيمىل، ادام قاتتى تولقىنىستا، نەمەسە اگرەسسيۆتى كۇيدە ەكەنىن بىلدىرەدى (جۇدىرىقتىڭ بۇلشىقەتى نەعۇرلىم   جيىرىلعان سايىن، ەموسياسى دا سوعۇرلىم كۇشەيە تۇسەدى) 

سويلەۋ بارىسىندا اۋىزدى بوكالمەن نەمەسە قولمەن قالقالاۋ — بۇل قيمىلعا بايلانىستى قاراما-قايشى قورىتىندىلار جاساۋعا بولادى، جاعىمدى تۇسى — سويلەۋشىنىڭ سىزگە «قۇپيا» اقپاراتتى سەنىپ ايتۋى، بەيتاراپ تۇسى — تاڭدانۋ، ال جاعىمىسز جاعىنان — ادام ايتقان سوزىنە سەنىمدى ەمەس نەمەسە مۇلدەم وتىرىك ايتاتىنىن بىلدىرەدى. ال سوڭعى نۇسقا، ادام ەرىنگە قاراپ وقيتىنداردان ايتقان ءسوزىن جاسىرىپ قالۋ ماقساتىندا اۋزىن قالقالاۋى دا مۇمكىن.

ساۋساقتارىن مۇرنىنا تيگىزۋ نەمەسە جاي عانا مۇرىندى قاسۋ — اقپاراتقا بايلانىستى قانداي دا ءبىر كۇمانىنىڭ بولۋىن (وزىنەن نەمەسە سۇحباتتاسۋشىدان شىعاتىن)، ءسوزىنىڭ جالعان بولۋىن، نەمەسە داۋ بارىسىندا جاڭا ءبىر دالەلدەر تۋرالى ويلاۋىن مەڭزەيدى. 

قاباقتى ساۋساقپەن ءسۇرتۋ — وتىرىكتى بىلدىرەدى، ءبىراق كەي جاعدايلاردا ارىپتەسىنىڭ سوزدەرىنە كۇماندانۋدىڭ بەلگىسى جانە سۇحباتتاسۋشى جالعان سويلەگەنىن سەزۋىن بىلدىرەدى.

باستى قاسۋ (قۇلاق، جاق، ماڭداي، ساماي) — بۇل ارەكەت اڭگىمەلەسۋشىنىڭ سەنىمسىز پوزيسياسىن، قوبالجۋىن نەمەسە ۇيالۋىن كورسەتەدى.

يەكتى سيپاۋ — وپپونەنت ماسەلەدەگى سوڭعى شەشىمىن انىقتاپ جاتىر.

قولدىڭ تىنىم تاپپاۋى (ۇنەمى كيىمگە جاناسۋ، قالامداردى ارى-بەرى اينالدىرۋ) — بۇلار دا ۋايىمدى، قورقۋدى نەمەسە مازاسىز ءحالدى بىلدىرەتىن ىمدار، ەگەر بۇل كۇي ءسىزدىڭ ماقساتىڭىز بولماسا، اڭگىمەنى باسقا جاققا بۇرعان ءجون بولار.

تىرناعىن اۋىزىنا اپارۋ — ادامنىڭ ءبىر نارسە الاڭداۋلى ەكەنىن كورسەتەدى.

الاقاندى شىمشۋ پروسەسى — وپپونەنت اگرەسسيۆتى شابۋىلعا وتۋگە دايىن.

دەنەگە كولدەنەڭ، قولمەن جاسالعان ءار ءتۇرلى قوزعالىستار (جەڭىلگەكتى، مانجەتتەردەگى تۇيمەنى ۇستاۋ، ساعاتتى قوزعالتۋ) — اڭگىمەلەسۋشى ءوزىنىڭ مازاسىزدىعىن جاسىرۋعا تىرىسادى.

كەنەتتەن كيىمنىڭ تۇگىن تەرۋ — وپپونەنت ءسىزدى جاراتپاۋىن، جاقتىرماۋىن بىلدىرەدى.

كەدەرگى كەلتىرە باستاعان كويلەكتىڭ جاعاسىن مويىننان تارتۋ — ءبىر جاعىنان، اڭگىمەلەسۋشى ءوزىنىڭ وتىرىگى اشىلدى دەپ كۇدىكتەنۋى مۇمكىن، ال ەكىنشى جاعىنان، اڭگىمەلەسۋشىنى اشۋ كەرنەپ، وتتەگىنىڭ جەتىسپەۋىن سەزىنگەنىن ءبىلدىرۋى مۇمكىن.

كوزىلدىرىكتىڭ يمەگىن اۋىزعا اپارۋ نەمەسە اينەكتەرىن ءسۇرتۋ — ويلانۋعا بىرەر مينۋت بەرۋدى، اڭگىمەنى ءسال كىدىرۋدى ءۇنسىز ءوتىنۋ.

كوزىلدىرىكتى بىردەن شەشۋ جانە ولاردى قاتتى بەتتىڭ ۇستىنە تاستاۋ (مىسالى، ۇستەلگە) — جاعدايدىڭ تىم شيەلەنىسۋى، سۇحباتتاسۋشى ءۇشىن اڭگىمە  جاعىمسىز، سايكەسىنشە اراداعى ديالوگ وتە قيىن ءارى اۋىر ەكەندىگىن كورسەتەتىن ىم.

تەمەكىنى شەتكە قويۋ نەمەسە ونى ءسوندىرۋ — سۇحباتتاسۋشىڭىز ءۇشىن اسا ءبىر قيىن، قىم-قۋىت ءسات.

كۇلدى تۇراقتى تۇردە جانە تىم ءجيى قاعىپ تاستاۋ — ىشكى مازاسىزدىقتى، جاعدايىڭ قيىندىعىن بىلدىرەدى.

باستى شەتكە نەمەسە جانىنا قاراي قارقىندى يۋ — ءسىزدىڭ سۇحباتتاسۋشىڭىزدىڭ ايتارى بار.

ماڭدايعا تۇسكەن كەدەرگى كەلتىرەتىن-مىس شاشتى ۇنەمى ارتقا قايتارۋ — وپپونەنتتىڭ جالپى مازاسىزىق جاعدايىن كورسەتەدى.

قورشاعان جيھازداردان تىرەكتى تابۋعا دەگەن نيەت — سۇحباتتاسىڭىز ءۇشىن اڭگىمەلەسۋدىڭ جاعىمسىز ءارى قيىن ءساتى، ادام جاعدايدان قالاي شىعۋ كەرەكتىگىن بىلمەيدى (اڭگىمەلەسۋشى وزىنە دەگەن سەنىمدىلىكتى ارتتىرۋ ءۇشىن سانالى تۇردە اينالاسىنان تىرەكتى ىزدەي باستايدى).

وقۋعا كەڭەس بەرەمىز:

ەموسيونالدىق ينتەللەكت دەڭگەيىنىڭ تومەندىگىن قالاي انىقتاۋعا بولادى

تارتىمدىلىعىڭىزدى ارتتىرۋعا كومەكتەسەتىن 11 پايدالى كەڭەس

---