InfoHub Logo

دانالىق،اقىندىق،شەبەرلىك دەگەن ۇعىمداردى ەستىسەم،كوز الدىما اباي دەگەن ۇلى تۇلعا كەلە قالادى.تالانتىمەن تالايدى تاڭقالدىرعان تارلانىم-ابايىم...وسىنشا ماقتاۋعا،وسىنشا ماداققا يە بولعان قاسيەتتى قالامگەرىم سىزدەي بولۋ  - مەن ءۇشىن ەڭ بيىك ارمان.ءار ءتۇرلى عىلىمىدى مەڭگەرىپ، «حاكىم اباي» اتانعان ،پوەزيادا،مۋزىكادا وشپەس-ولمەس شىعارمالار قالدىرعان دانىشپان دا ءبىر ءوزىڭىز...قازاق ەلىنىڭ مادەنيەتى مەن ادەبيەتىن قالىپتاستىرۋدا ويىپ تۇرىپ ورىن الاتىن وزىندىك اسىل تۇلعامىز – ءسىز.ءسىزدى بىلمەيتىن ادام كەمدە – كەم بولار.شىنايى جۇرەگىڭىزدەن شىققان ،بوياۋى قانىق تۋىندىلارىڭىز وقىرماننىڭ جۇرەگىنىڭ تورىنەن ورىن تاپقان.شىعارمالارىن وقىعان كەزدە وي تەڭىزىندە جۇرگەندەي شابىتتانا ءجۇزىپ ،قۇستاي قالىقتاپ ۇشىرىپ اكەتەتىنى ءوز الدىنا ءبىر بولەك.سىنشىلدىق پەن شىنشىلدىقتى كەيىنگى ۇرپاققا قالاي اسەرلى ەتىپ دارىپتەگەن .حاكىم ابايدىڭ تولعاماعان،جىرلاماعان تاقىرىبى جوق شىعار،بالكىم...مۇحتار اعامىزدىڭ «حاكىم اباي» تۋرالى ايتقان «قازاقتىڭ باس اقىنى» دەگەن قاناتتى سوزىنە قوسىلماي بولمايدى.كەيىنگىلەرگە باس بولا بىلگەن،قالامىن سىلتەپ،اقىندىقتىڭ اتىنا مىنگەن ءورشىل ۇرپاققا جول كورسەتكەن ابايىم،ءار ىسىڭە ءتانتىمىن.

اباي پوەزياسى – حالىق تاڭداۋى ،ول ماڭگى جاسايدى،ولمەيدى،وشپەيدى.زامانىمىزداعى جايتتاردى ولەڭمەن ورگەن،سۋرەتىن سوزبەن سالعان-ابايداي اسىلدىڭ قايتالانباس تۋىندىلارى –بايلىعىمىز،باعا جەتپەس مۇرامىز دەپ بىلەمىن.الەمگە ايگىلى بولعان اباي حالقىنىڭ جاناشىرى بولا ءبىلدى.اباي ءسوزى –حالىق ءسوزى.جاي ءسوز ەمەس،اسەرلى،وتكىر،اشەكەيلى ءسوز.بىردە ولەڭ،بىردە اڭگىمە،بىردە قارا ءسوز بولعان شىنايى ءسوز.تابيعاتپەن دە تىلدەسكەن،ماحابباتتى دا بەيجاي قالدىرماعان،سەگىز قىرلى،ءبىر سىرلى اباي – مەنىڭ ءپىرىم، «حاكىم اباي» دەگەن ءسوزدىڭ ناعىز يەسى.اباي حالىق قورعانى.وعان قاراپ حالىق بوي تۇزەدى.قازاق حالقىن تانۋ ءۇشىن ابايدى ءبىلۋ كەرەك.ءسىز ارقىلى وزگەلەرگە بولمىسىمىزدى بىلگىزدىك،تۇرمىس-تىرشىلىگىمىزدى تانىتتىق.دانا بولساڭ،اقىن بولساڭ،كەمەڭگەر بولساڭ ۇلى ابايداي بول.قارا سوزدەرىڭىزدىڭ قۇدىرەتىن قانىما،بويىما سىڭىرە وقيمىن،وت الامىن،ۇلگى الامىن.سىزدەي قايتالانباس تۇلعانىڭ تاربيە تۇنعان تۋىندىلارىن تولىق تۇسىنەتىن،باعىشتايتىن مەن دە ءبىر قازاقتىڭ قالامدى قولىنا العان قىزدارىنىڭ ءبىرىمىن.حاكىم ابايدى كوكتەن ىزدەيمىن،جۇلدىزداردىڭ جانىنان جارقىراتامىن،اسقاق تۇلعانى جەردەگى پەندەدەن بيىك قويامىن.قۇدىرەتتى قالامىن سيقىرشى تاياعىنداي باعالايمىن.قازاقتىڭ ماڭدايىنا بىتكەن دارا تۇلعا – ابايىم،باعىمىزدىڭ بەس ەلى ەكەنىن ءسىز ارقىلى تاعى ءبىر ماقتانا ايتامىن.ۇلىلاردىڭ ۇلىسى الاش ەلىنىڭ تىنىسى بولعان دانام وسىنداي كۇش-قۋاتتى قايدان الدىڭىز؟!ءسىزدى ومىرگە اكەلگەن اناڭىزعا باس يەم،انانىڭ عانا ەمەس،حالىقتىڭ بالاسى بولعان ءسىزدىڭ اقىندىق جولىڭىزدى ارداقتايمىن.حاكىمدىكتىڭ تاعىنان تۇسپەڭىز...

---