حاكىم اتا
حاكىم اتا قارا تورى، ال ءانۋار انا بولسا اپپاق جانە سۇلۋ بولاتىن. ءبىر كۇنى حاكىم اتا جۋىنىپ جاتقان كەزدە، ءانۋار انا توسەككە جاتادى. وعان قاراپ جاتىپ، كەزىندە بوعرا حاننىڭ قىزى بولىپ، ەندى مىناۋ قارا ادامعا ۇيلەنگەنىن ويلاپ كەتەدى. حاكىم اتا بۇل ويىن ءتۇسىنىپ قويادى. «سەن مەنى ۇناتپايسىڭ، ءبىراق مەنەن كەيىن تىسىنەن باسقا اق جەرى جوق، مەنەن دە وتكەن قارا ادامعا تۇرمىسقا شىعاسىڭ»، — دەيدى. ءانۋار انا وكىنىپ، جىلايدى. ءبىراق بولار ءىس بولعان ەدى. حاكىم اتا دۇنيەدەن كوشەتىن كەزى جاقىنداعاندا حورەزمدەگى ۇلدارىن شاقىرتتى جانە ولارعا: «ولىمىمنەن كەيىن قىرىق كۇنىن وتكىزگەن كەزدە كۇن شىعىسى مەن قاعبا تۇرعىنىنان قىرىق ابدال كەلەدى. سولاردىڭ اراسىندا كوزى جاقسى كورمەيتىن، ءبىر اياعى ءامىر ءبىر قاپ-قارا ابدال دا بولادى. انالارىڭدى ۇيلەنۋى ءۇشىن كۇتۋى كەرەك مەرزىمى بىتىسىمەن، سول اداممەن نەكەلەستىرىڭدەر!» شىندىعىندا دا، حاكىم اتا قايتىس بولعاننان كەيىن قىرىق كۇن وتكەن سوڭ ابدالدار كەلەدى. ءبىراق ولاردىڭ اراسىندا قارا ابدال بولماي شىعادى. بالالار ونى سۇرايدى. ونىڭ ارتتا قالعانىن ەستىگەننەن كەيىن، شاقىرتىپ الادى. ونىڭ اتى زەڭگى بولاتىن. اكەلەرىنىڭ وسيەتى بويىنشا، انالارىن زەڭگىمەن نەكەلەستىرەدى. بۇل زەڭگىنىڭ اۋليەلىگىن ول كەزدە ەشكىم بىلمەيتىن. زەڭگى اتا ايەلىن الىپ، ءوز ەلىنە كەتىپ قالادى. ءانۋار انا بۇرىنعى كۇيەۋىنەن قالعان كەرەمەتتىڭ زاردابىنان زەڭگىدەن كوپ قيىندىق كورەدى. ءبىراق شىدامدىلىق تانىتادى جانە باسقا ايەلدەرگە بۇل جونىندە ۇگىت-ناسيحات، اقىل بەرەدى.
You Might Also Like
-
سادىر اتا — قوجا احمەت ياساۋيدىڭ اعاسى، ول اۋليە ادام بولعان ەكەن. قوجا احمەت ءياساۋيدىڭ بالاسى جاس بولسا دا، اڭعا قۇمار بولىپتى. ءقاراسۇيىر تاۋىن جايلاعان ءبىر رۋلى ەلمەن قاسەن شايىق اۋلەتى تاۋ ءو...
