InfoHub Logo

سادىر اتا — قوجا احمەت ياساۋيدىڭ اعاسى، ول اۋليە ادام بولعان ەكەن. قوجا احمەت ءياساۋيدىڭ بالاسى جاس بولسا دا، اڭعا قۇمار بولىپتى. ءقاراسۇيىر تاۋىن جايلاعان ءبىر رۋلى ەلمەن قاسەن شايىق اۋلەتى تاۋ وزەنىنىڭ سۋىن ۇشكە تەڭ ءبولىپ، ەگىن ەگىپ كۇن كورىپ ءجۇرىپتى. بىردە ازىرەت سۇلتاننىڭ بالاسى ساداقپەن اڭ اۋلاپ جۇرگەندە، ونىڭ ساداعىنىڭ ەكى جەبەسى ءقاراسۇيىر رۋىنىڭ قۇلاق ارىعىنا قادالىپ، سۋعا بوگەت بولىپتى. ءقاراسۇيىر رۋىنىڭ سۋشىسى نەگە سۋ بولماي قالدى دەپ كەلسە، ساعادان ەكى ساداق وعىن كورەدى. تومەنگى جاعىندا ساداقپەن اڭ اۋلاپ جۇرگەن ازىرەت سۇلتاننىڭ بالاسىنا كەلىپ:

— مىناۋ نە؟ — دەپتى. بالا:

— مەن بىلمەيمىن، — دەگەندە، الگى سۋشى قولىنداعى كەتپەنمەن بالانىڭ باسىن شاۋىپ، دەنەسىن سوندا تاستايدى. باسىن لەگەنگە سالىپ، بەتىنە اق شۇبەرەك جاۋىپ، ازىرەت سۇلتانعا:

— مىناۋ ءبىزدىڭ ءقاراسۇيىر ادامدارىنان ساۋعا، — دەپ الدىنا قويادى.

— ەي، بەيادەپ، پىسپەي ۇزىپسىندەر، — دەيدى ازىرەت سۇلتان.

سوندا سادىر شايىق قىلىشىن سۋىرىپ، تۇرا ۇمتىلعاندا، ازىرەت سۇلتان ونى توقتاتىپ.

— مەن دۋا ەتەمىن، بارساڭ ريزا ەمەسپىن، قىلىش جۇمساما! — دەيدى. بۇعان سادىر شايىق وكپەلەپ، قويلاقى اتا جاققا كەتەدى.

— ەگىنىڭ جۇلما بولسىن، قاۋىنىڭ الما بولسىن، كوتەنىڭە قۇيرىق شىقسىن، تۇقىمىڭ ءسويتىپ قۇرىسىن! — دەپ ازىرەت سۇلتان ءقاراسۇيىر اۋلەتىنە قارعىس ايتقان ەكەن. سودان ولار ازىپ-توزىپ كەتكەن.

---