InfoHub Logo

قازاقستاننىڭ تاۋەلسىز ەل رەتىندە جاساعان العاشقى قادامدارىنىڭ ءبىرى، بۇل الەمدەگى قۋاتى تۇرعىسىنان 4ء-شى يادرولىق قارۋدان باس تارتۋى بولدى. 1991 جىلى ەلباسىنىڭ ارنايى جارلىعىمەن ەلىمىزدەگى سەمەي اتوم سىناق الاڭى جابىلدى.

قازاقستاننىڭ تاۋەلسىز ەل رەتىندە جاساعان العاشقى قادامدارىنىڭ ءبىرى، بۇل الەمدەگى قۋاتى تۇرعىسىنان 4ء-شى يادرولىق قارۋدان باس تارتۋى بولدى. 1991 جىلى ەلباسىنىڭ ارنايى جارلىعىمەن ەلىمىزدەگى سەمەي اتوم سىناق الاڭى جابىلدى.  ۆاشينگتون قالاسىندا وتكەن سامميتتە ەل كوشباسشىسى نۇرسۇلتان نازاربايەۆ قازاقستاننىڭ يادرولىق قارۋسىز ايماقتار سانىن ارتتىرۋدى قولدايتىنىن الەمگە كەزەكتى رەت پاش ەتتى. 

يادرولىق قارۋ – ادامزاتتىڭ قاس جاۋى، -دەيدى تاريح عىلىمدارىنىڭ دوكتورى، پروفەسسور تاحير مۇحامادەيەۆ. ونىڭ پىكىرىنشە، قازاقستان – اتومدىق قارۋسىز ساياساتتى تاڭداي وتىرىپ، حالىقارالىق ارەناداعى ەلىمىزدىڭ بەدەلىن ارتتىرا ءتۇستى.  

تاحير مۋحامادەيەۆ، تاريح عىلىمدارىنىڭ دوكتورى، پروفەسسور:

- قازاقستان ۇلتتىق قاۋىپسىزدىكتى يادرولىق قارۋسىز-اق ساقتاۋعا بولاتىنىن الەمگە پاش ەتىپ وتىر. ويتكەنى، يادرولىق قارۋ – قاۋىپسىزدىك كەپىلى ەمەس. بۇل قازاق ەلى پرەزيدەنتىنىڭ بەيبىت، ءارى كوپباعىتتى ساياساتى. بۇل 21 عاسىردا اتوم قارۋى سوعىسى جانە ەل مەن حالىققا ءقاۋىپ توندىرەتىن باسقا دا قاتەرلەردى بولدىرماۋدىڭ نەگىزى. 

يادرولىق قارۋدان باس تارتۋ تەرروريزمدىك ارەكەتتەر ورىن الىپ جاتقان زاماندا وتە وزەكتى بولىپ وتىر. سوندىقتان اقمولالىق جاستار قازاقستان پرەزيدەنتىنىڭ بۇل باعىتتاعى ساياساتىن تولىعىمەن قولدايتىندىقتارىن بىلدىرۋدە. 

الماس ساتپايەۆ، جوعارى وقۋ ورنىنىڭ 3 كۋرس ستۋدەنتى:

- ۆاشينگتوندا وتكەن سامميت بۇگىنگى تاڭدا وتە ماڭىزدى ساياسي وقيعالاردىڭ ءبىرى. سوندىقتان اقمولالىق جاستار ەلباسىنىڭ سامميتكە ايتقان سوزدەرىنە تولىعىمەن قوسىلىپ، ونىڭ باستامالارىن قولدايدى. قازاقستان يادرولىق قارۋدان باس تارتقان ەلدەردىڭ ءبىرى رەتىندە ۇلگى بولارلىق، تاجىريبەسىمەن بولىسە الارلىق مەملەكەت. بۇل قازاقستاننىڭ الەمدىك دەڭگەيدەگى مارتەبەسىن تاعى ءبىر مارتە كوتەرىپ تاستادى.  

---