InfoHub Logo

سىنىپ: 6
ساباقتىڭ تاقىرىبى: «ينفورماتيكا ءپانىنىڭ تاپقىرلارى»
سىنىبى: 6 ا، ءا، ب سىنىپتارى
ساباقتىڭ ماقساتى:
بىلىمدىلىك: وقۋشىلاردىڭ ينفورماتيكا پانىنەن العان بىلىمدەرىن جيناقتاۋ، ولاردىڭ ينفورماتيكا پانىنەن العان بىلىمدەرىن باقىلاپ، باعالاۋ.
دامىتۋشىلىق: وقۋشىلاردىڭ ويلاۋىن، كومپيۋتەرلىك ساۋاتتىلىعى مەن ىسكەرلىگىن، تانىمدىق قابىلەتىن، لوگيكالىق ساۋاتتىلىعىن دامىتا وتىرىپ، ولاردىڭ پانگە دەگەن قىزىعۋشىلىعىن، بەلسەندىلىگىن ارتتىرۋ.
تاربيەلىك: پانگە، بىلىمگە، شىعارماشىلىققا، ويىن ەركىن جەتكىزە بىلۋگە، توپتا بىرلەسە جۇمىس ىستەۋگە، تارتىپتىلىككە، سابىرلىلىققا، ەڭبەك سۇيگىشتىككە، ۇقىپتىلىققا تاربيەلەۋ، ۇشقىر ويلى، شىعارماشىلىق قابىلەتى بار جەكە تۇلعانى قالىپتاستىرۋ.
ساباقتىڭ ءتۇرى: سايىس ساباق
ساباقتىڭ ءتيپى: سىنىپتان تىس
ساباقتىڭ ءادىسى: سۇراق – جاۋاپ، پراكتيكۋم، كورسەتە بايانداۋ، توپپەن جانە جەكە جۇمىس.
ساباقتىڭ كورنەكىلىگى: ا
- ينتەراكتيۆتى تاقتا (ويىن پرەزەنتاسياسىن كورسەتۋگە ارنالادى).

ساباقتىڭ بارىسى:
1. ۇيىمداستىرۋ كەزەڭى. ۇيىمداستىرۋ كەزەڭىندە تورتار ءوز ورىندارىنا وتىرعىزىلادى. ءار توپتا 5 وقۋشىدان بولادى جانە ونىڭ ىشىندە ءبىرى توپ باسشىسى رەتىندە سايلانادى.
بارلىقتارىڭىزدى بىزبەن بىرگە قىزىقتى «ينفورماتيكا تاپقىرلارى» سايىس ساباعىن تاماشالاۋعا شاقىرامىز. وزدەرىڭىزبەن بىرگە ويلاۋ جىلدامدىعىن، تاپقىرلىقتى، كۇلكىنى، شاپشاڭدىقتى الىپ ءجۇرۋدى ۇمىتپاڭىزدار.
سايىسىمىزعا 6ا، 6ءا، 6ب سىنىپتارىنان قۇرالعان ءۇش توپ «ينفورماتيكا ءپانىنىڭ تاپقىرلارى» سايىسۋعا كەلىپ وتىر. ءبىزدىڭ بۇگىنگى وتكىزىلگەلى وتىرعان سايىس ساباعىمىز 6 - سىنىپ وقۋشىلارىنىڭ جىل باسىنان وتكەن بىلىمدەرىمەن بايلانىستى. سەبەبى، وقۋشىنىڭ جىل بويى العان ءبىلىمىن ويىن ەلەمەنتتەرى ارقىلى تەكسەرەمىز. وزدەرىڭىز كورىپ وتىرعانداي ءار توبىمىز 5 وقۋشىدان قۇرالعان جانە ونىڭ ىشىندە ءبىرى توپ كاپيتانى. ءار توپ وزدەرىنە قويىلعان تاپسىرمالاردى بىرلەسىپ، اقىلداسىپ شەشۋلەرىنە مۇمكىندىكتەرى بار.
بۇگىن سايىسىمىزدىڭ ءادىل قازىلار القاسىمەن تانىستىرىپ وتەيىن:
ءادىل قازىلار القاسىنىڭ ءتورايىمى:
-
مۇشەلەرى:
1. ناليبايەۆا س. ا.
2. ەلعونوۆا گ. ا.

كوڭىلدى تاپقىشتار، بىلگىشتەر
بار ونەرىن سالادى،
كىم ءبىلىمدى، كوپ وقىعان بولسا ەگەر،
بۇگىنگى كۇن جەڭىمپازى بولادى،- دەپ بۇگىنگى ويىنىمىزدى اشۋعا رۇقسات ەتىڭىزدەر.
بۇل ويىن مىنا بولىمدەر بويىنشا بولادى:
1 - ءبولىم «تانىستىرۋ»
2 - ءبولىم «قۇپيا الاڭ»
3 - ءبولىم «شەشىمىن تاپ»
4 - ءبولىم «بايگە»
5 - ءبولىم «ءسوز تاپقانعا قولقا جوق»
6 - ءبولىم «كىم ەپتى، ەركىن ويلى؟»
7 - ءبولىم « ماقال – ءسوز مايەگى»
8 - ءبولىم «پوليگلوت»
9 - ءبولىم «بايقاعىشتىعىڭدى بايقات»
10 - ءبولىم «لوگيكالىق تاپسىرمالار»

ءار بولىمنەن كەيىن ءادىل - قازىلار القاسى توپتاردىڭ جيناعان ۇپايلارىنىڭ قورىتىندىسىن ايتىپ وتىرادى.

اسىپ استە ساسپايىق،
سايىس قىزىعىن ەي دوستار.
وسىلايشا شابىتپەن،
قانە ەندى باستايىق
1 - ءبولىم - «تانىستىرۋ». بۇل بولىمدە ءار توپتىڭ باسشىلارى ءوز توبىن تانىستىرادى.
1 - توپ «كومپيۋتەر»
ءبىلىمدى ۇرپاق – ەلىمىزدىڭ تىرەگى!
جەر بەتىندە ادام ءومىر وتكىزەر،
بار نارسەگە بىلىممەن قول جەتكىزەر.
بار ىزگىلىك تەك بىلىمنەن الىنار،
بىلىممەنەن اسپانعا جول سالىنار.
ديەۆيزى: «تاپقىرلىق تانىتۋ ماقساتىمىز،
بىلىممەن شىقسىن تەك جاقسى اتىمىز»
2 - توپ «اقپارات»
سالەمدەسۋ - يگى ءداستۇر كيەلى،
سوزبەن قاراپ، كەيدە شەشەر شيەنى.
جاقسى سوزگە جان سەمىرەر قاشاندا
جولدانادى سايىسكەرلەر سالەمى.
ديەۆيزى: «اساۋ تۇلپار جەلدەي ەسكەن ارىندى،
وقۋ مەنەن ەڭبەككە سال بارىڭدى»
3 - توپ «ينتەرنەت»
بىرەۋ وزسا سايىستا، بىرەۋ ارتتا قالادى،
رەنجىمەي تاراسا، وزباعاندار جارادى.
جارىس زاڭى ەجەلدەن – جەڭىمپازدى انىقتاۋ،
وزات بولۋ شارتى سول – ەڭبەكتەنۋ، جالىقپاۋ.
ديەۆيزى: «بولاشاقتىڭ ۇرپاعىمىز ءبىلىمدى،
كورسەتپەكپىز مەكتەپتە العان ءبىلىمدى»
مىنەكەي 3 توپتىڭ تانىستىرۋىن تىڭدادىق بۇل بولىمگە ۇپاي بەرىلمەيدى.
( ءادىل - قازىلار القاسى توپتاردىڭ اتاۋلارىن جازىپ الادى).
كورەرمەن جينالعان بۇل تاماشاعا،
قۇر قاراپ، جىم وتىرۋ جاراسا ما؟
تۋىس، دوسقا، سىنىپتاس، تانىسقا ەمەس،
سوق قولىڭدى ءبىلىمدى جاس تالانتقا. – دەپ