InfoHub Logo

توپتاماداعى ساباق ءتىزىمى
1. قازىرگى زامانعى دەربەس كومپيۋتەر مەن ونىڭ قۇرامداس بولىكتەرىنىڭ تۇرلەرى
2. قورىتىندى ساباق. ينفورماتيكا ەلىنە ساياحات
3. Windows وپەراسيالىق جۇيەسى. جۇمىس ىستەۋدىڭ باستاماسى.

ساباقتىڭ تاقىرىبى: Windows وپەراسيالىق جۇيەسى. جۇمىس ىستەۋدىڭ باستاماسى
Windows وبەكتىلەرى.
ساباقتىڭ ماقساتى:
بىلىمدىلىك: Windows ورتاسىنىڭ ەرەكشەلىكتەرىمەن، جۇمىس ۇستەلىمەن، وبەكتىلەر مەن باسقارۋ ەلەمەنتتەرىمەن تانىستىرۋ
دامىتۋشىلىق: ەستە ساقتاۋ، ويلاۋ قابىلەتىن جانە جۇمىس ىستەۋ قابىلەتتەرىن دامىتۋ.
تاربيەلىك: ادامگەرشىلىككە، ىزگىلىككە، كومپيۋتەرلىك ساۋاتتىلىققا تاربيەلەۋ.

ساباقتىڭ بارىسى:
ءى. ۇيىمداستىرۋ كەزەڭى
ءىى. "بەتپە بەت" (ءۇي تاپسىرماسى)
ءىىى. "ماعىنانى اجىراتۋ" (جاڭا ساباق)
ءىV. "ميعا شابۋىل" (ساباقتى بەكىتۋ)
(ەلەكتروندىق وقۋلىقپەن تاپسىرما)
V. " ب ب ۇ" كەستەسى. قورىتىندىلاۋ.
Vءى. باعالاۋ. ۇيگە تاپسىرما.

ءى. ۇيىمداستىرۋ. سىنىپپەن امانداسىپ، ساباققا دايىندىقتارىن تەكسەرۋ.
ءىى. ءۇي تاپسىرماسىن. «بەتپە – بەت» ويىنى ارقىلى بالالار ءبىر بىرىنە سۇراق قويادى.
1. كومپيۋتەر جادى قانداي تۇرلەرگە بولىنەدى؟
2. ىشكى جادى نەدەن تۇرادى؟
3. سىرتقى جادىنىڭ قانداي قۇرىلعىلارى بار؟
4. وپتيكالىق ديسكىنىڭ قانداي تۇرلەرىن بىلەسىڭدەر؟
5. كومپيۋتەردىڭ پروگراممالىق جابدىقتاماسىنا نە جاتادى؟
6. درايۆەرلەردىڭ ءرولى نەدە؟
7. وپەراسيالىق جۇيە دەگەنىمىز نە؟
8. ينتەرفەيس دەگەنىمىز نە؟
9. قولدانبالى پروگراممالار قالاي جىكتەلەدى؟
10. پروگراممالاۋ جۇيەسى نە ءۇشىن قاجەت؟

وپەراسيالىق جۇيە – كەز كەلگەن كومپيۋتەردىڭ ەڭ قاجەت قۇرامداس بولىگى جانە ول كومپيۋتەردى باسقارۋعا، اقپاراتتى ساقتاۋعا، وعان قوسىلعان بارلىق قۇرىلعىلاردىڭ جۇمىسىن ۇيىمداستىرۋعا ارنالعان پروگراممالاردىڭ جيىنى.
وپەراسيالىق جۇيە – ادام مەن كومپيۋتەردىڭ ءوزارا بايلانىسىن قامتاماسىز ەتەدى.
Windows XP – بۇل وپەراسيالىق جۇيە، تەرەزەلەر مەن تاڭباشالار تۇرىندە بەينەلەنەتىن نەگىزگى وبەكتىلەر.
Windows وبەكتىلەرىن باسقارۋدى، نەگىزگىسى تىشقان بولىپ سانالاتىن، ءار ءتۇرلى قۇرىلعىلارمەن جۇزەگە اسىرۋعا بولادى.
جۇمىس ىستەۋدىڭ باستاماسى
كومپيۋتەردىڭ جۇيەلىك بلوگىنىڭ الدىڭعى بەتىندە ورنالاسقان Power دەپ اتالاتىن قوسۋ/ءوشىرۋ باتىرماسىن باسىپ، ونى ىسكە قوسىڭدار.