InfoHub Logo

Биология пәніндегі ақпаратты технология

Қазіргі уақытта есептік техника адамның интеллектуалды әрекетінің сапасына кіреді, ғылыми техникалық прогрестің қарқынды дамуының шешуші факторы болып келеді. Табиғат пен қоғамды бөліп тануда есеп техникасының рөлі өсуде.
Қ. Р. Президенті Н. Назарбаевтың «Жаңа әлемдегі жаңа Қазақстан» атты Қазақстан халқына Жолдауында атап көрсетілгендей, ақпараттық технологиялар мен ақпаратты таратудың жаңа нысандарына бағдарланған мамандандырылған білім беру бағыттарын құру міндеті де алдымызда тұр.

Сонымен ақпарат дегеніміз – айналадағы ортадан қабылдайтын, айналадағы ортаға беретін немесе кейбір жүйелердің ішінде сақталатын мәліметтердің жиынтығын айтамыз. Ақпараттандырудың негізгі бағыты ХХІ ғасырдың талабына сай қоғамды ақпараттандыра отырып жаңа білім стратегиясына көшу болып табылады. Қазіргі кезеңдегі заманауи білім беру жүйесінің ерекшелігі – оның ілгерілігі, алдын алу сипаты және осыларға қол жеткізу мүмкіндіктері болады.

Яғни қоғамды ақпараттандыру дегеніміз – бұл глобальды әлеуметтік үрдіс, оның ерекшелігі – қоғамдық өндірістік аясында ақпараттарды жинақтау, өңдеу, сақтау, алып беру және қолдану болып табылады. Олардың микропроцессорлы және есептеу технологиялары қазіргі замандағы амалдардың негізінде және ақпараттық алмасудың әртүрлі амалдары базасында жүзеге асады.

Қазіргі уақытта қоғамның кейбір сфераларының қолы жететін, көлемді барлық ақпараттарды қолдануға есептелген ашық ақпараттық технологияларды қолдану қоғамды басқару механизмінің жетілуіне мүмкіндік береді, қоғамды гуманизациялауға және демократизациялануына себеп болады. Ақпараттандыру қоғамы мен байланыста жүретін процестер ғылыми - техникалық прогресті жеделдетуіне себеп болып ғана қоймайды, сонымен қатар адам әрекетінің барлық түрлерінің ойшылдығына сапалы және ақпаратты ортаны жасауға, жеке тұлғаның потенциалды шығармашылығының дамуын қамтамасыз етуге себеп болды.

Орта білім беру жүйесін ақпараттандыру – ол оқушылардың ақпараттық мәдениетін қалыптастыру болып табылады. Оқыту үрдісінде ақпараттық технологияны пайдаланып білім берудің әр түрлі аспектілерін дамытуға болады. Олар: ақпаратты өңдеудің когнитивтік аспектілері, оқытудың мотивациялық аспектілері және оқытудың коммуникациялық аспектілері және танымдық аспектілері. Мәселен, электронды оқулықпен жұмыс жасағанда, компьютерлік бағдарламада таңдап алған тараудың барлық тақырыптардың теориялық материалдары, есеп шығару үлгілері, өз беттерімен жұмыс істеуге арналған жаттығулар, әр тақырып бойынша орындалатын зертханалық жұмыс тапсырмалары, оқушылардың білім сапасын тексеруге арналған тест тапсырмалары беріледі және сынып оқушыларының әрқайсысына жеке - жеке нұсқаулар бойынша жұмыс жүргізуге қолайлы. Бұндай бағдарламалардың ерекшелігі сол, әрі уақытты да үнемдейді, әрі мұғалімнің де жұмысын жеңілдетеді. Осылайша ақпараттық технологияларды пайдаланып оқыту мынадай нәтижелерге қол жеткізеді:
- оқу материалын терең түсінуге;
- оқу мотивациясының артуына;
- алған білімнің ұзақ уақыт есте сақталуына;
- білім беруге жұмсалатын шығынның азаюына, т. б