InfoHub Logo

Сабақтың тақырыбы: Ж дыбысы мен әрпі
Сабақтың мақсаты: Ж дыбысы мен әрпі туралы түсінік беру дұрыс оқуға, дұрыс дыбыстауға жаттықтыру. Адамгершілік қасиеттерді, рухани байлықты қалыптастыру. Оқушылардың тілін ой - өрісін дамыту.
Сабақтың көрнекілігі: кеспе әріп, кеспе буын, суреттер.
Пән байланыс: бейнелеу, математика, дүниетану.
Оқыту әдісі: көрсету, түсіндіру.

Сабақтың барысы:
1. Ұйымдастыру: Сабаққа зейінін аудару.
2. Мақсат қою: тақырыбын, мақсатын хабарлау.
3. Өткен сабақтан алған білімдерін тексеру:
а) Буынды пысықтау.
ә) Сөз құрап оқу.
б) Тізбектей оқыту.
- Ж қандай дыбыс?
- Қандай түске саламыз?
Ж дыбысынан келетін қандай сөздерді үйрендік?
в) Сөйлем құрату.
«Ж» дегенім жемістер
Жасыл бақтан жеміс тер.
Жүзім, жидек көп өнсін,
Жиын - терін көбейсін.
«Ж» дыбысынан келетін қандай сөздер бар?
г) Тақтамен жұмыс:
Жапырақ - Жүзім - Жолбарыс
- Өткен сабақта қандай мәтінмен таныстық?
- Жусан. (Оқушыларға тізбектей оқыту.)
ғ)«Ой қозғау»
Жусан не екен?
Қандай өсімдік?
Жусаннан не жасалады?
4. Жаңа сабақ:
а) Жаңа сөздерді тақтадан оқытып, мағынасын түсіндіру.
1 – қатар 2 - қатар 3 – қатар
ә) Суретпен жұмыс: Жарыс туралы. Оқып беру.
б) Сөздерге дыбыстық талдау жасау.
Жарыс, Жусан, Олжас, Жарас.
в) Сергіту сәті:
Шаршадыңдар ма балалар? Олай болса Ақтау қаласына саяхатқа шығып, биік - биік ғимараттарды, зәулім үйлерді, теңізді тамашалайық. Өйткені биыл Ақтау қаласына 50 – жыл, Маңғыстау облысына 40 – жыл болады. ( Ақтау қаласы және Маңғыстау өңірі туралы бейнематериалдарды тамашалау)
г) Жұмбақты шешу:
Бос жер қалмай аспаннан,
Түнде шашып тасталған.
Моншақтың аты не? (Жұлдыз)
«Кім жылдам?» Шашылған жұлдыздардан (буындардан) сөз құрастыру. Қандай сөздер шықты? Оқимыз.
Дәптермен жұмыс: Ж ж дыбысын жаздыру.(ауада, дәптерге)

5. Сабақты қорыту:
Біз қандай әріппен таныстық?
Бүгін сабақта не үйрендік?
- Тақтамен жұмыс жасап, буынға бөліп оқыдық, жұмбақ шештік, жоғалған буынды таптық, көркемдеп жазу жаздық.
Сабаққа белсенді қатысқан оқушыларды мадақтау