InfoHub Logo

Пәні: ана тілі (1 - сынып)
Сабақтың тақырыбы: О, қорқайын мен неге? Жуан және жіңішке жұп дауыстылар.
Сабақтың мақсаты: а) Жуан және жіңішке дауысты дыбыстар бойынша білімдерін пысықтау, туыстық атаулар туралы түсініктерін қалыптастыру ә) Оқушылардың сабақ барысында оқу, ролге еніп оқу, жазу дағдыларын, сөздік қорын дамыту; б) Адамгершілікке, ұйымшылдыққа тәрбиелеу
Сабақтың түрі: аралас сабақ
Сабақта пайдаланатын көрнекті - құралдар:
Пайдаланатын әдіс - тәсілдер; сұрақ - жауап,
Сабақтың барысы:
Ұйымдастыру кезеңі: Оқушылармен сәлемдесу, Мемлекеттік Әнұранды орындау, түгелдеу, класс бөлмесінің тазалығына көңіл бөлу, сабаққа дайындау.

І. Мотвациялық - бағдарлау кезеңі
♦ Үйге берілген тапсырманы еске түсіріп пысықтау (Көкемнің ақылы өлеңін тізбектей, тұтас оқытамын)
♦ Сұрақ - жауап:
- Қазақ тілінде дыбыс нешеге бөлінеді?
- Дауысты дыбыстар қалай айтылады? Қандай түрлері болады? Атайық
- Қар ұлпаларында орналасқан дауысты дыбыстарды жұптастырайық.

- Осы жұп дауыстыларға мысалдар келтірейік.
- Балалар, бүгін біз сіздермен жуан, жіңішке дауысты дыбыстар туралы білімімізді пысықтап, жақсы бір өлеңмен танысамыз.

IІ. Операциялық - орындаушылық кезең
♦ Кім үлкенді тыңдаса,
Кім үлкенді сыйласа,
Үлкен болған кезінде,
Сыйлы болмақ өзі де. С. Мәуленов

53 - жаттығу 1. Көп нүктенің орнына берілген жуан дауыстылардың жіңішке сыңарларын тауып жазу.
Жуан дауыстылар: а, о, ы, ұ
Жіңішке дауыстылар:...,....,....,.....,

2. Жуан және жіңішке дауыстыларға қатысты сөздер тауып айту.
Сергіту сәті: Аппақ - аппақ жапалақтап,
Қар жауады тынбастан.
Қалың орман, қар жамылған,
Маужырайды түнгі аспан.

54 - жаттығу Сөздердің дыбысталуын салыстырып оқу (тақтаға ілінеді)
Ыс – іс
Тыс – тіс
Ыз – із
Сыз – сіз
ыстық – істік
қиық – киік
жық - жік
қыр – кір
- Жұптастырылып берілген сөздердегі ы, і дауысты дыбыстарының өзара ұқсас дыбысталуын аңғарыңдар.
- Сөздерді жуан және жіңішке етіп тұрған дауысты дыбыстарды атайық.

♦ Әдеби мәтін тапсырмасы
- Ата деп кімді айтамыз?
- Нағашы ата деп ше?
- Сендер аталарыңа кім боласыңдар?
- Жиен деген кім?
«О, қорқайын мен неге?» өлеңін оқып беремін. – Өлеңде не туралы айтылған?
Рольге бөліп оқытамын.
О, қорқайын мен неге?
Нағашы атасы:
- Шам жақпаған үйде сен
Қалмайды дейді.
Қараңғы бөлмеге кір десе,
Бармайды дейді.
Осы рас па?
Жиені:
- О, қорқайын мен неге?
Нанбасаңыз,
Сол қараңғы бөлмеге
Менімен бірге жүріңіз
Менімен бірге кіріңіз
Нағашы атасы:
- Мен жаңылып айтып жатыр екем ғой.
Менің жиенім батыр екен ғой...( М. Әлімбаев)

ІІI. Рефлекциялық - бағалау кезеңі
♦ Графикалық тест аламын
1. Жуан дауысты дыбыстарды тап.
O. ә, е, і, ү, и □. а, о, ы, ұ
2. Жұп дауыстыны белгіле.
O. а – ә □. ы – ұ
3. Тыс сөзіне ұқсас дыбысталатын сөзді тап
O. тіс □. тас
4. Анаңның әкесі –
O. ата □. нағашы ата
5. Дауысты дыбыстар қалай айтылады?
O. созылып □. созылмай

ІV. Үйге тапсырма, бағалау Өлеңді мәнерлеп оқып келу. 3. «Нағашы ата» туралы әңгіме жазыңдар
Резерв
♦ Топтық жұмыс. Көп нүктенің орнына сәйкес дауысты дыбысты қой.
І топ ар -... р... т – өт
ІІ топ сан – с... н он -... н
ІІІ топ ыс -... с тол – т... л