InfoHub Logo

Сабақтың тақырыбы: Осы шақ
Білімділік мақсаты: Оқушыларға етістіктің осы шағының негізін меңгерту.
Дамытушылық мақсаты: Жаттығу жұмыстары арқылы оқушылардың таным
қабілетін дамыту, қорытынды жасай білуге дағдыландыру.
Өзіндік ой - пікірін қалыптастыру.
Тәрбиелік мақсаты: Етістіктің шақтарын ажырата білуге үйрете отырып, сабақ мазмұны арқылы патриоттыққа, адамгершілікке, тапқырлыққа тәрбиелеу.
Сабақтың түрі: Аралас сабақ
Әдістері: түсіндіру, сұрақ - жауап, баяндау
Көрнекілігі: Слайдтар топтамасы, глобус, сауалнама, тірек сызба, Семантикалық карта

Сабақ барысы:
І. Ұйымдастыру
1. Қазақ тілі - бал тілім.
Өзің барда шалқыдым.
Тіліммен бірге самалмын,
Тіліме кім тағар мін?!
2. Сабақтың кезеңдерімен таныстыру.
1 - кезең. Өткенге шолу немесе сөз сыры
2 - кезең. Білгенге маржан.
3 - кезең. Ізден, тап
4 - кезең. Не білдім? Не үйрендім?

ІІ. Өткенді пысықтау (1 - кезең. Өткенге шолу немесе сөз сыры)
- 24 - жаттығу
«Біз бейбітшілікті сүйеміз» тақырыбында әңгіме құрау
Сұрақ:- Қазақстанда қандай ұлт өкілдері тұрады екен?
- Біз қандай мемлекетпіз?
- Елбасымыз өз жолдауында: «Біз өткенімізді ұмытпай, келешегімізді ойлауымыз керек. Бүгінімізді бағдарлап, жастарымызға өнегелі тәрбие мен сапалы білім беруіміз керек»деген еді. Осы сөздегі өткеніміз, келешегіміз, бүгінгіміз деп қай кезеңдерді айтып отыр?

ІІІ. Жаңа сабақ:
Осы шақ оның түрлері (2 - кезең. Білгенге маржан)
Етістіктің осы шағы қимыл мен іс - әрекеттің қазір болып жатқанын білдіреді: көріп отыр, өсіп тұр.
Осы шақ етістіктер не істеп отырмын (жатырмын, тұрмын, жүрмін)?, не істеп отырсың (жатырсың, тұрсың, жүрсің)?, не істеп отыр(жатыр, тұр, жүр)? деген сұрақтарға жауап береді.
Мысалы:
Мен достарыммен тәуелсіздік монументінің қасында тұрмын.(Нақ осы шақ)
Біз, қазақ жастары, өміріміздің жақсы болатынына сенеміз.(Ауыспалы осы шақ)

3 - кезең. «Ізден, тап»
1) Көркем жазу
Мен тәуелсіз мемлекетте өмір сүріп жатырмын.
2) Жатқа жазу 25 - жаттығу
Қайрат қайрақ қайрап отыр.
Қайрақпен балта қайрап отыр
- Етістіктің астын сыз, оларға сұрақ қой
- Етістікті үш жақта жекеше, көпше түрде жікте
- Бұлар қашан болған істі білдіріп тұрғанын айт
(Жұптық тексеру.)

3) Ойлан, тап. 26 - жаттығу
- Берілген сөздерді пайдаланып, сөйлем құрап оқы
- Етістіктерді тап, оларға сұрақ қой
Балалар, сендер бұл кезең бойынша да өз білімдеріңді көрсете білдіңдер. «Іздеген жетер мұратқа»дегендей әрқашан ізденуден шаршамаңдар.

4) Сергіту сәті
Кез - келген жан - жануарды, табиғат құбылыстарын осы шақтағы қимыл іс - әрекет арқылы бейнелеу.

5) Топтық жұмыс 27 - жаттығу
Берілген сызбаға сәйкес сөйлемдер құрастырып жаз.
І қатар
______ ______ ______ ойнап жүр.
ІІ қатар
______ ______ ______ _______ жинап жатырмын.
ІІІ қатар
______ ______ ______ жаттап отыр.

6) Көру диктанты 28 - жаттығу
Сөйлемдерді көшіріп жаз.

Қыс. Қатты жел соғып тұр. Әкем малды ыққа байлап жатыр. Асқар оған көмектесіп жүр. Әжем сиыр сауып отыр.

- Сөйлем мүшесіне талда. Баяндауыштың осы шақта тұрғанын дәлелде.
7) Кім жылдам? 29 - жаттығу
- Жұмбақты оқып, шешуін тап

Көк қарбызым қойған жерде биік тұр,
Сол қарбызға бүкіл әлем сиып тұр.
- Етістіктің қай шақта тұрғанын айт.
8) Шығармашылық тапсырма.

Глобус дегеніміз...
Глобус дегеніміз - Жердің дәл үлгісі. Яғни Жердің барынша кішірейтіліп жасалған дәл үлгісі глобус деп аталады. Глобус - латын тілінде шар деген сөз. Глобуста Жер шары ондаған миллион есе кішірейтіліп алынады.
Глобус ХV ғасырдан бастап шығарыла басталған.