InfoHub Logo

29 тамыз күні Алматы халықаралық әуежайында төтенше жағдай тіркелді. «Алматы – Астана» рейсінің жолаушысы әуежай дәретханасында бөтелке сынығымен өзін бауыздаған.

Қан жоғалтып жатқан ер адамды әуежай қызметкерлерінің бірі байқап, дереу жедел жәрдем шақырған. Қазір ол ауруханада ем қабылдап жатыр. Дәрігерлердің айтуынша, оның өміріне қауіп жоқ.

Белгілі болғандай, жолаушы рейсіне отырмай, төрт сағат бойы күту залында және әуежай кафесінде отырған. Кейін дәретханаға кіріп, өзіне қол салуға әрекет жасаған. Оның мұндай қадамға бару себебі анықталып жатыр.

Айта кетейік, жуырда ғана Алматы әуежайында өзін-өзі өртеп жіберген ер адамға қатысты жағдай да қоғамда үлкен резонанс тудырған болатын.