InfoHub Logo

Түркістан облысында Өзбекстан азаматы кәмелетке толмағанды зорлағаны үшін өмір бойына сотталды

ТҮРКІСТАН ОБЛЫСЫ. Келес аудандық сотында 37 жастағы Өзбекстан азаматына қатысты үкім шықты. Ол 14 жастағы мектеп оқушысын бірнеше рет зорлағаны үшін кінәлі деп танылып, өмір бойына бас бостандығынан айырылды.

Тергеу материалдарына сәйкес, айыпталушы жәбірленушінің көршісінің үйінде қара жұмыс істеп жүрген. Үйде ата-анасы жоқ кезде жасөспірімге бірнеше мәрте сексуалдық сипаттағы зорлық әрекеттерін жасаған.

Жәбірленушінің анасы қызының жүктілігін байқап, дәрігерге көрсеткеннен кейін қылмыс әшкереленді. Сараптама нәтижелері мен жиналған дәлелдер сотта толықтай расталды.

Айыпталушы сотта өз кінәсін мойындаған жоқ. Дегенмен, прокуратура ұсынған айғақтар оның айыбын дәлелдеді.

Сот үкімі заңды күшіне енген жоқ.