InfoHub Logo

Түркіменстанда семіз әртістерге сахнаға шығуға тыйым салынды

Түркіменстан билігі мәдениет саласындағы әртістерге қатаң талап қойды. Енді қарыны бар әншілер мен актерлер 27 қыркүйек – Тәуелсіздік күніне дейін арықтап, сымбатты қалыпқа келуге тиіс. Әйтпесе, сахнаға шығуына шектеу қойылады.

Жаңа ережеге сәйкес, бұл талап барлығына ортақ: тіпті еңбек сіңірген халық әртістеріне де жеңілдік қарастырылмаған.

Жергілікті өнер иелерінің айтуынша, мұндай талапты орындау оңайға түспейді.
– «Ет пен көкөністің бағасы қымбаттап кеткен. Жаттығу залына жазылу 1000 манат тұрады. Ал біздің орташа айлық жалақымыз небәрі 3000 манат», – дейді есімін атамауды сұраған әртістердің бірі.

Ресми органдар мұндай шектеудің себебін түсіндірмеді. Дегенмен қоғамда бұл бастама әртістердің сыртқы келбетін қатаң бақылауға алу әрекеті ретінде бағаланып отыр.