InfoHub Logo

Sabaqtyń taqyryby: Abaı: «Sabyrsyz, arsyz, erinshek»
Ana tili
Sabaqtyń maqsaty: 1. Uly aqyn A. Qunanbaevtyń shyǵarmashylyǵymen tanystyra otyryp, óleńniń negizgi ıdeıasyn ashýǵa úıretý.
2. Adam boıyndaǵy jaǵymsyz qasıetterden boıyn aýlaq ustaýǵa baýlý.
3. Kórkem mátinmen jumys isteı alý daǵdysyn jetildirý, oqyp túıgenderi týraly oı qorytyndysyn aıtqyzyp jattyqtyrý.
Sabaqtyń túri: aralas sabaq.
Ádis – tásilderi: taldaý, áńgimeleý, suraq – jaýap, qorytyndylaý.

Sabaqty uıymdastyrý.
Balalardyń nazaryn sabaqqa aýdarý.
Biz búgin Abaı aýylyna saıahat jasaımyz, úsh topqa bólinip, ár túrli tapsyrmalar oryndaımyz. Ol úshin aldymen úı tapsyrmasyn pysyqtap alaıyq.
Test jumystaryn taratý, oqýshylar oryndaǵan soń ózderine teksertip, qorytyndysyn baǵalaý.

Jańa sabaq.
Synypty 3 topqa bólý.
1. «Abaıdyń óleńderi» 2. «Abaıdyń qarasózderi» 3.«Abaıdyń ánderi»
Balalarǵa aldyn ala A. Qunanbaev týraly qosymsha derekter taýyp kelýge tapsyrmalar beriledi.
1 tapsyrma boıynsha 3 top ózderine berilgen tapsyrmalardy oryndaıdy.
Interaktıvti taqtaǵa:
«… Talap, eńbek, tereń oı,
Qanaǵat, raqym, oılap qoı,
Bes asyl is – kónseńiz»
degen Abaıdyń «Ǵylym tappaı maqtanba» óleńinen úzindi jazylyp qoıylady.
Baǵdarlaý – motıvasıalyq kezeń:
Balalarǵa mynadaı suraqtar qoıylady:
- Bul kimniń óleńi?
– Úzindi Abaıdyń qaı óleńinen alynǵan?
- Bul óleńdi kimder jatqa biledi?
- Abaıdyń taǵy qandaı shyǵarmalary bar?
A. Qunanbaev jaıly ne bilesińder? – degen suraqtar qoıa otyryp, jańa sabaqpen baılanys jasaý.
Taqtanyń ortasyna «Abaı Qunanbaev» dep jazylyp, oǵan qatysty oqýshylardyń ózi taýyp kelgen derekterdi top ishinde ortaǵa salyp, toptama qurastyrý.

Abaı
Abaı Qunanbaev jaıly qosymsha málimet: óleńderinen basqa 3 poemasy, 45 qarasózi bar. Abaıdyń alǵashqy óleńderin Kókbaı Janataevtyń atymen jarıalaǵan. Qazaqstannyń barlyq qalalarynda Abaı eskertkishteri, Abaı kóshesi, Almatyda Abaı atyndaǵy ýnıversıtet, İle Alataýy jotalarynda Abaı shyńy dep atalatyn jer, bizdiń Semeı qalasynda Abaı mýzeıi, Abaı atyndaǵy teatr bar. Abaıdyń anasynyń aty – Uljan, ájesiniń aty – Zere. Abaı kishkentaıynan ájesi Zereniń aıtqan qyzyqty ertegilerin tyńdap ósedi.
– Endeshe, búgin biz Abaıdyń bizge tanys emes jańa óleńimen tanysamyz. Ol «Sabyrsyz, arsyz, erinshek» dep atalady.
– Óleńdi mánerlep oqyp berý, mazmunyn túsindirý.
– Óleńdi oqýshylarǵa tizbektep oqytý.
– Mátindegi aqynnyń aıtyp otyrǵan negizgi oıyn anyqtaý.

Refleksıalyq – baǵalaý kezeńi.
2 – tapsyrma boıynsha eki óleńdi salystyra otyryp, óleńdegi sózderdi paıdalanyp, kesteni toltyrý.
Adamnyń minez – qylyqtary:
Jaǵymdy -------
Jaǵymsyz ---------
Kestege ótilgen jańa sabaq boıynsha «Sabyrsyz, arsyz, erinshek» dep atalatyn óleń men «Ǵylym tappaı maqtanba» óleńin salystyra otyryp, adamnyń jaqsy, jaman qylyqtaryn toptap jazady.
- Dáptermen jumys.
Oqýshylarǵa shyǵarmashylyq tapsyrmalar berý.
– «Jaqsylyq pen jamandyq» taqyrybyna baılanysty úsh topqa tapsyrmalar beriledi.
1 – top Shaǵyn áńgime qurastyrý.
2 – top Óleń qurastyrý.
3 - top Sýret salý.
– Sabaǵymyzdy qorytyndylaý maqsatynda 4 - tapsyrma boıynsha adamnyń minez qylyǵyna baılanysty maqal – mátelder aıtý.
- Búgingi sabaqtan qandaı áser aldyńdar?
- Aqyn bul óleńde adam boıyndaǵy qandaı jaǵymsyz qylyqtardy synaıdy?
- Men búgingi sabaqta neni úırendim?, Keleshekte neni bilgim keledi? degen suraqtarǵa jaýap paraqtaryna jaýap jazý.
– Jarys qorytyndysyn shyǵarý.
- Úıge tapsyrma berý. 112 - 113 bettegi óleńdi jattap kelý.
- Oqýshylardyń bilimin baǵalaý.

K. I. Sátbaev atyndaǵy orta mektep - gımnazıa
bastaýysh synyp muǵalimi Týmarbekova D. J.