InfoHub Logo

Taqyryby: Ákemmen, anammen
Maqsaty: 1. Salaýatty ómir saltyn nasıhattaı otyryp, ata – anamen bala densaýlyǵyn nyǵaıtý.
2. Sportshylar arasyndaǵy dostyq qarym – qatynasty qalyptastyrý.
Balalarǵa densaýlyqtyń qadirin, baǵaly ekenin túsindirý jáne ony saqtaýdy basty balyq ekenin uǵyndyrý.
3. Senimdilikke, qaısarlyqqa, belsendilikke, shapshańdyqqa tárbıeleý.
Júrgizýshi: Qurmetti qonaqtar, jarysqa qatysýshylar, jankúıerler. Búgingi ótkiziletin «Ákemmen, anammen» atty estafetalyq jarysyna qosh keldińizder!

Salaýatty ómir saltyn qoldaımyz,
Jamandyqtan janymyzdy qorǵaımyz.
Densaýlyqty janymyzǵa serik qyp,
Bolashaqqa amanat qyp joldaımyz! – deı otyryp ortaǵa qatysýshy komandalardy shaqyramyz.
1. «Juldyzdar» toby
2. «Tulpar» toby
3. «Balapan» toby
4. «Botaqan toby» toby
Al endi sport zańy boıynsha qazylar alqasymen tanystyryp óteıin:
1. Balabaqsha dırektory: Týrganbaeva Nursaýle Turaqbaıqyzy
2. Balabaqsha ádiskeri: Alıbekova Zarına Álibekqyzy
3. Balabaqsha medbıkesi: Tlegenova Aqshagúl
4. Balabaqsha sharýashylyq meńgerýshisi: Izbasarova Sabına Serikqyzy

Saıys kezeńderimen tanystyryp óteıin:
1. «Tanystyrý» (toptyń aty, urany, emblemasy)
2. «Kim jyldam» (kedergilerden ótý)
3. «Kengýrý» (qappen sekirý)
4. «Mergen» (dopty dáldep qursaýǵa salý)
5. «Arqan tartý» (qazaq halqynyń ulttyq oıyny)

Júrgizýshi: Al, qurmetti halaıyq,
Jarysty endi kórińder.
Ádilqazy alqasy,
Ádil baǵa berińder
1. Kezeń «Tanystyrý»
Sharty: ár komanda tobynyń atyn, uranyn aıtyp, emblemasyn taǵyp shyǵýy kerek.
Júrgizýshi: Ýa, halqym, nazar aýdar densaýlyqqa.
Ómirde baqyttysyń deniń saýda,
«Densaýlyq – tereń baqyt» degen sózdi
Qur aıtpaǵan uly Abaı danamyzda – deı otyryp, saıysymyzdyń 2 – shi kezeńine kezek bereıik.

2. «Kim jyldam»
Sharty: qolymyzda dop, kedergiler arasynan múdirmeı ótip, dopty kelesi oıynshyǵa beremiz. Oıyn osylaısha qaıtalanady.

Júrgizýshi: Deniń saýda kúshtisiń bul álemde,
Deniń saýda sulýsyń jer betinde.
Sol myqty densaýlyqtyń arqasynda,
Jetersiń áli talaı jeńisterge
Úshinshi kezeń

3. «Kengýrý»
Sharty: qapty kıip keglıdiń arasymen ırek jasaı júrip, aınalyp kelý.
Júrgizýshi: Jatyp isher bop jalqaý,
Sen bolmashy erinshek.
Aınalysyp sportpen,
Talaptan da, eńbek et – deı otyryp kelesi kezeńge óteıik.

4. «Mergen»
Sharty: qolymyzdaǵy dopty qursaýǵa dál salýymyz kerek.
Júrgizýshi: Shynyǵamyz biz kúnde,
Tynyǵýdy bilmeımiz.
Sharshamaımyz biz múlde,
Oıyn oınap ár kúnde.
Besinshi kezeńge de jettik.

5. «Arqan tartý»
Sharty: eki komandadan birigip tartyp, utqan komanda kelesi toptyń jeńimpazymen arqan tartysyp ári qaraı jalǵastyrady.
Júrgizýshi: Ónerge bıik senińiz,
Dýmandatyp júrińiz.
Ádilqazy el sengen,
Ónerge baǵa berińiz
Qurmetti ádil qazylar sóz kezegi ózderińizde.
Júrgizýshi: Qurmetti sportshylar, ata – analar júldelerińiz qutty bolsyn!
Búgingi «Ákemmen, anammen» atty sporttyq estafetalyq jarysymyz óz máresine jetti. Kelesi kezdeskenshe saý bolyńyzdar!