InfoHub Logo

Taqyryby: «Taýsylmaıtyn áńgime: Mahabbat – máńgi ertegi»

Maqsaty: Joǵary synyp oqýshylarynyń tústen keıingi bos ýaqyttaryn tıimdi ótkizý. Konserttik baǵdarlamalar arqyly balalardy uıymshyldyqqa, shyǵarmashylyqqa baýlý.

Kórnekilikteri: Plakat, sharlar, slaıd.

Barysy:
İ júrgizýshi: Mahabbat qyrdyń qyzyl túlkisi der,
Mahabbat bireýlerdiń kúlkisi der.
Mahabbat júrekterdi jaýlap alǵan,
Mahabbatty ómirde kim túsiner?

İİ júrgizýshi: Qurmetti, jıylǵan qaýym!
Búgin bizdiń mektepte dúbirli toı,
Den qoıyp tyńdańyzdar kóńildi qoı.
Jyrdan shashý shashylsyn, kúı kúmbirlep,
Qosh keldińiz, kórermen, sergisin boı.

«Taýsylmaıtyn áńgime: Mahabbat – máńgi ertegi» atty saýyq keshimizge kelgen, kórermender, armysyzdar?!

İ júrgizýshi: Keshegi kún jalǵasyp búginmenen,
Ýaqyt zyrlap barady dúbirmenen.
Dúbirdiń dúmpýimen dúnıedegi,
Bul ómirdiń ótkeni bilinbegen.

İİ júrgizýshi: Bolmasań da maǵan serik, maǵan jar,
Seni oılap kóńil ár kez alańdar.
Aı betine saldym appaq beıneńdi
Taptap ketip júrmesin dep tabandar.

Bı: Qadyrova Dınaranyń oryndaýyndaǵy úndi bıin qabyl alyńyzdar

İ júrgizýshi: Qus bop ushyp joǵalsam ne eter ediń?
İİ júrgizýshi: Seni izdeýmen máńgilik óter edim!
İ júrgizýshi: Buldyrasam saǵymdaı ne eter ediń?
İİ júrgizýshi: Jel bop qýyp, aqyry jeter edim!
İ júrgizýshi: Otqa túsip órtensem ne eter ediń?
İİ júrgizýshi: Kúl bop birge sońyńnan keter edim!
İ júrgizýshi: Qaıǵy ákelsem basyńa ne eter ediń?
İİ júrgizýshi: Qoıshy, sáýlem, bárin de kóteremin!!!
İ júrgizýshi: O, mahabbat, sen áli tiri me ediń?
Kózimnen ǵaıyp bolǵan kúnim ediń.
Gúlim ediń,
Eltigen túnim ediń,
O, mahabbat, sen áli tiri me ediń???
İİ júrgizýshi: Iá, mahabbat – bireýge qýanysh, ekinshisine jubanysh bolǵan uly sezim ǵoı, shirkin...
İ júrgizýshi: Mahabbat demekshi, Aınaz, men saǵan osy taqyrypta bir jańalyq aıtyp bersem...
İİ júrgizýshi: Iá... Iá...

İ júrgizýshi: Ven Chanlın men Chjan Fen alǵash ret Ven qyzdyń naýqas ákesine kútim jasap júrgende tanys bolatyn. Ol Qytaı derevnásyndaǵy tanymal emshi edi. Ol kezde onyń jasy 60 - ta, al Chjan 15 - te ǵana bolǵan.

İİ júrgizýshi: Emshi qyzdyń ákesin emdep júrgen kezde qyzǵa qandaı da bir qyzyǵýshylyq tanytqan emes, únemi alystan sóılesetin. Al ákesi qaıtys bolysymen boıjetken Venge óziniń ǵashyq ekenin jetkizip, úıleneıik dep jalynyp jalbarynady.

İ júrgizýshi: Ol kezde boıjetken 27 - de, bolashaq kúıeý 72 - de edi. Kóp oılanbastan Ven kelisim beredi. Bul juptyń Tıan esimdi uldary dúnıege kelipti jýyrda...

İİ júrgizýshi: Chjan men Ven bir - birin shyn jaqsy kórip, baqytty ómir súrýde desedi.

İ júrgizýshi: Iááá... Tylsym dúnıeniń ǵajaıyptary taýsylǵan ba?! Jaratqanda ult joq, mahabbatta shek joq degen bar emes pe?!

Mýzykalyq úzilis: _______________________________________________

İ júrgizýshi: Mahabbat – bıik shyńy sezimderdiń,
Men búgin túni boıy kóz ilmedim.
Mahabbat pa, balalyq pa, bilmedim,
Bir ýys júregimmen sezingenim.

İİ júrgizýshi: Balaıdy bireýleri ótpelige,
Rasymen de sezimim ótpeli me?
Bálkim bul balalyqtyń legi bolar,
Nemese meniń de boı jetkenim be?

İ júrgizýshi: «Ǵashyǵyńmen bir bıleshi» - deıdi dosym,
Kórip alyp úndilerdiń kınosyn.
Ázildeýin doǵarmas osy adamdar,
Jaǵdaı ornap jatsa - daǵy bir tosyn.

İİ júrgizýshi: Taǵy da bir tanysyma júgindim:
«Bir kezderi abaısyzda súrindim.
Ańdap basqaı ár qadamdy, bolmasa
Keıinderi ókindirer burynǵyń...»

İ júrgizýshi: Tanysymnyń tamasha bul jaýaby,
Jaqsy isterdiń mol bolady saýaby.
Shynymen de ǵashyq bolyp qalsam men,
Jas júregim anyq ishten tynary.

İİ júrgizýshi: Qyzdyń joly jińishke ǵoı qashan da,
Jetkize almaı jan syrymdy sol janǵa.
Tynarym haq ishimnen, ıa bolmasa,
Taǵdyr basqa salǵanynan qasham ba?!

Án: _______________________________________________________

KVN:

İ – oıynshy: Bir qyz árýaqtardan qatty qorqady eken. Bir kúni dıskotekadan qaıtyp kele jatyp, túnde zırattardyń ortasymen ótip kele jatsa, bir jigit shyǵyp:

Qaryndas, renjimeseńiz men sizdi ótkizip jibereıin, - depti. Qyz kelisedi. Jigit zırattardan ótkenshe qyzǵa neshe túrli anekdottar aıtyp kúldirip, qoryqqanyn umyttyryp jiberipti. Ótip bolǵan soń qyz:

Rahmet sizge! Qoryqqanymdy umyttyrdyńyz, ózińiz bir komık kisi ekensiz, - dese jigit:

Oı bul eshteńe emes qoı... Men tiri kezimde voobshe komık bolǵam,- depti...

İİ – oıynshy: Bir kúni ańdar jınalysy bolyp jatsa, bir tyshqan q - a - sh - y - ń - d - a - r, q - a - sh - y - ń - d - a - r dep aıǵaılap júgirip kele jatsa, ańdar qashyp ketipti. Namysqa tyrysyp, arystan qoryqqannan dir - dir etip:

Ne boldy? – dep surasa,

Papam mas, ustap alsa óltiredi, - depti...

İİİ – oıynshy: Asabalarymyz aptalap úıge qonbaı ketedi eken. Sondaı bir asabanyń kishkene balasy bir kúni anasyna:

Mama, bizdiń úıdegi dombyra shertetin aǵaı qaıda ketken? – degen eken...

Mýzykalyq úzilis: ____________________________________________

İ júrgizýshi: Qymbatty, dostar! Kelesi kezekti logıkalyq suraqtarǵa bersek...
İİ júrgizýshi: Qoıylǵan suraqtarǵa kimde - kim durys jaýap berse, syı - syıapatymyz bar...
İ júrgizýshi: Sonymen, alǵashqy suraǵymyz: Qazaqstan men Qytaıdyń arasynda ne bar? (men)
İİ júrgizýshi: Tı desem tımeıdi, tıme desem tıedi... (qyrsyq qyzdar)
İ júrgizýshi: Qashsań qýady, qýsań qashady... (kándek ıtter)
İİ júrgizýshi: Neniń kóleńkesi bolmaıdy? (kóleńkeniń)
İ júrgizýshi: Qap - qara, tórtburyshty. Ol ne? (jumyrtqa)
Nege qap - qara, tórtburyshty dep oılaıtyn shyǵarsyzdar... Óıtkeni, men áppaq, sopaq desem birden taýyp alar edińizder ǵoı...
İİ júrgizýshi: Rýsalka balyq pa, qyz ba? (bas jaǵy qyz, aıaq jaǵy balyq)
İ júrgizýshi: Taýyq birinshi paıda boldy ma, jumyrtqa ma? (onyń jaýabyn eshkim tappaǵan eken)

Mýzykalyq úzilis: ____________________________________________

İİ júrgizýshi: Demeńizder ónerin aıap qaldy,
Ýaqyt ta biraz jerge taıap qaldy.
Jıylǵan jurt, ruqsat bolsa eger,
Konsertimiz osymen aıaqtaldy.

İ júrgizýshi: Ýaqyt bólip, keshimizge qonaq bolǵandaryńyz úshin alǵys bildiremiz. Sońynan bı keshi...