InfoHub Logo

Ana – asa qymbatty jan
Maqsaty: - merekelik kóńil - kúıin qurý;
- án jáne qozǵalys oryndaýshylyq daǵdylaryn qalyptastyrý;
- balalardyń nazaryn jalpy árekette qatysý tilegin qalyptastyrýǵa emosıalyq qabyldaýyn yntalandyrý;
- óziniń jaqyn adamdaryn qýanta bilýge, meıirimdilikke tárbıeleý.
Keıipkerler: Júrgizýshi, «Kámpıt - Hanshaıym»
Erteńgilik ótkizýge qajetti qural - jabdyqtar: Bezendirilgen ásem zal, gúlder, qumyra, syılyqtar, ásem ánder jazylǵan úntaspa, t. b

Erteńgiliktiń barysy:
Balalar zalǵa qol ustasyp, juptasyp ádemi áýende váls yrǵaǵynda aınalyp, bılep ótedi. ( «Táttim - aý» áýenimen)
Tárbıeshi: - Qurmetti analar, ájeler sizderdi áıel janymen baılanysty tamasha kóktem merekesi – 8 Naýryzben shyn júrekten quttyqtaımyz! Alǵashqy kóktem merekesi Jer betine ómir syılaýshy názik, aqyldy, symbatty, meıirimdi jandarǵa arnalǵany qandaı tamasha mereke! Álemdegi eń asyl jan ol – Ana desek, júregimizde súıikti janǵa degen mahabbat sezimi oıanady. Ana bul aıaýly da meıirimdi jan. Balanyń tili shyqqannan – aq birinshi sózin «Ana» dep aıtady. Ómirdiń esigin ashqannan soń osy ómirdegi ózińniń jan anańdy kóresiń. Osy bir «ANA» degen úsh áriptiń aıasynda adamzat balasyn qýanysh syılar qanshalyqty qasıet bar deseńshi! Arý - ana, Arý - asyl jar, Arý – kóńildiń gúli, Arý - ómirdiń jyry, tipti aıta berseń sóz jetpeıdi. Olaı bolsa, búgingi analarǵa, ájelerimizge arnalǵan 0«a» synybynyń búldirshinderiniń «Ana - asa qymbat jan!» erteńgiligine qosh keldińizder!
Barlyq balalar hormen: Quttyqtaımyz anashym, 8 - shi Naýryzben!

Tárbıeshi:
Toı perdesin ashaıyq,
Toıǵa shashý shashaıyq.
Analardy qurmettep,
Án marjanyn shashaıyq.
Hor: «Aq mamam»
Tárbıeshi: - «Ananyń árbir sózi jylylyqqa toly. Ananyń kóz nury tastaı muzy da jibitedi»- demekshi, balalarymyzdyń analaryna arnaǵan taqpaqtaryn qabyl alyńyzdar!
Temirhan
Anam bolsa qasymda
Basqa baqyt ne kerek.
Anashymnyń júregi,
Meıirimdi ǵoı keremet
Aıym
Senen ósken balalar,
Batyrlar men danalar,
Quttyqtaımyn merekeńmen,
Qurmetti Analar!
K. Kamıla
Naýryzdyń segizi,
Sulýlyqtyń negizi.
Ádemi sóz balanyń,
Anaǵa aıtar lebizi.
Z. Kamıla
Analardy súıemiz
Aqylyn oıǵa túzemiz
Ájeni de ardaqtap
Ádeppen bas ıemiz.
Janel
Bárimizge anamyz
Biz úshin kún bop janasyń
Qutty bolsyn merekeń
Quttyqtaımyn anashym!
Tárbıeshi:
Analar aq tilekti, sóz kóp deıin,
Jylytar júregińdi kóz kóp deıin
Analar aq jaýlyqty bul sizderge
Qol soǵyp qarsy alaıyq «Mamochka bıin»
Bı: «Mamochka»
Tárbıeshi: - Balalar týǵan kúnde, merekelerde analarymyz dastarhanǵa qandaı tátti taǵamdar salady.
- Durys aıtasyńdar, kámpıtti balalar da, úlkender de jaqsy kóredi. Kámpıtsiz dastarhannyń sáni kirmeıdi. (ásem áýenmen zalǵa «Kámpıt – Hanshaıym» kiredi)

- Kámpıt - Hanshaıym: (kirip bıleıdi)
Men táttimin,
Balalardyń súıikti dámimin,
Merekeniń sánimin,
Dastarhannyń árimin.
- Sálemetsińder me, balalar, meni tanydyńdar ma? Men, «Kámpıt - Hanshaıymmyn»
Balalar sender ónerlerińmen, bilimderińdi, úlgili tártipterińdi kórsetińder. Ol úshin meniń myna ydystaǵy úlken kámpıtter bar, onda ártúrli tapsyrmalar berilgen. Sol tapsyrmalardy ashyp oryndasaq qaıtedi. Tapsyrmalardy túgeldeı oryndasańdar mereke sońynda ákelgen syılyǵymdy úlestiremin. ( bir balaǵa ydystyǵy kámpıtti ashtyrady, tapsyrmany barlyq bala oryndaıdy).
Tárbıeshi: - Rasynda da, bizge tátti «Kámpıt - Hanshaıym» qonaqqa kelipti. Qarańdarshy, kámpıtteri kóp eken, tátti dese tátti eken. Qane ónerimizdi kórseteıik, tapsyrmalardy oryndaıyq.
1 - kámpıttegi tapsyrma:
Oıyn: «Qaǵaz kıim» (analar uldarymen)
Oıyn jarys túrinde ótedi. Uldarymyzdyń analary ortaǵa shyǵyp saıysqa túsedi.

Batys Qazaqstan oblysy, Bórli aýdany,
Aqsaı qalasynyń №3 JOBBM KMM
Daıyndaǵan: A. J. Gapýova

Ana – asa qymbatty jan. júkteý