InfoHub Logo

Memleket basshysynyń Jarlyǵymen Roman Sklár Qazaqstan Respýblıkasy Prezıdenti Ákimshiliginiń basshysy bolyp taǵaıyndaldy. Buǵan deıingi qyzmetinen bosatyldy.

Bul týraly Infohub.kz aqparat agenttigi habarlaıdy.

Roman Sklár kim?

Roman Vasılevıch Sklár Pavlodar memlekettik ýnıversıtetin «ınjener-qurylysshy» mamandyǵy boıynsha, Máskeý zamanaýı bıznes ınstıtýtyn «ekonomıs» mamandyǵy boıynsha jáne Qazaq quqyqtaný jáne halyqaralyq qatynastar ınstıtýtyn «zańger» mamandyǵy boıynsha bitirgen.

Eńbek jolyn 1989 jyly «Ekibastuzkómiravtomatıka» tresinde slesar-montajshy bolyp bastaǵan. 1990-2002 jyldary aralyǵynda Pavlodar qalasyndaǵy ártúrli kompanıalarda jumys istedi. 2002 jyly Qarjy mınıstrliginiń Pavlodar oblysy boıynsha óndiriske jatpaıtyn boryshkerlermen jumys komıteti basqarmasynyń bólim bastyǵy boldy. 2003-2006 jyldary Pavlodar qalasy men oblysy ákimdikterinde ártúrli laýazymdardy atqardy.

2006 jyly Astana qalasy ákimdiginde qyzmet ete bastady. 2008 jyly Pavlodar oblysy ákiminiń orynbasary boldy. 2011 jyly Kólik jáne komýnıkasıalar vıse-mınıstri qyzmetine taǵaıyndaldy. 2014 jyly «Qazaqstan temir joly» UK» AQ vıse-prezıdenti laýazymyn ıelendi.

2016 jyly Májilis depýtaty bolyp saılanyp, onda Ekonomıkalyq reforma jáne óńirlik damý komıtetin basqardy.

2016 jyldyń mamyr aıynan bastap – Ulttyq ekonomıka vıse-mınıstri. 2019 jyldyń aqpan-qyrkúıek aılarynda Indýstrıa jáne ınfraqurylymdyq damý mınıstri qyzmetin atqardy.

Burynǵy qyzmetteri

2019 jyldyń 18 qyrkúıeginde Memleket basshysynyń Jarlyǵymen Roman Sklár Premer-mınıstrdiń orynbasary bolyp taǵaıyndaldy. 2022 jylǵy 11 qańtarda Úkimet basshysynyń birinshi orynbasary boldy.

Bul laýazymda Roman Sklár ekonomıkany jedel basqarý, kólik ınfraqurylymy jáne logıstıka, qurylys, elektr energetıkasy, ıadrolyq energetıka, jańartylatyn energıa kózderi, kómir jáne atom ónerkásibi máselelerin úılestirdi.

Sondaı-aq, ol ónerkásip, ınovasıa, geologıa, jer qoınaýyn paıdalaný jáne eksporttyq baqylaý, qorshaǵan ortany qorǵaý, tabıǵı resýrstardy paıdalaný, orman sharýashylyǵy jáne janýarlar dúnıesi máselelerine jaýapty boldy. Onyń ishinde, ol maqsatty jumystardy uıymdastyrý, jylytý maýsymdaryn daıyndaý jáne ótkizý, arnaıy ekonomıkalyq jáne ındýstrıaldy aımaqtardy damytý, munaı-gaz sektory jáne munaı hımıasy, baılanys, ǵarysh qyzmeti jáne «Baıqońyr» kesheni, qorǵanys ónerkásibi máselelerin qadaǵalady.

Eske sala keteıik, búgin Memleket basshysy Aıbek Dádebaevty basqa jumysqa aýysýyna baılanysty Prezıdent Ákimshiliginiń basshysy qyzmetinen bosatty.