InfoHub Logo

Ana – ómirdiń shýaǵy
Júrgizýshi: Qurmetti asyl analar, ájeler men qyzdar! Sizderdi kóktemniń alǵashqy aıynda elimizdiń barlyq jerinde toılanatyn 8 - naýryz ájeler, analar, qyzdar meıramymen shyn júrekten quttyqtaımyz. Ananyń tilegi, ananyń júregi, ananyń mahabbaty, ananyń ystyq qushaǵynan qasıetti eshteńe joq. Eń ystyq kúnniń nury da, ananyń shapaǵat meıirimine jetpeıdi. Búgingi 8 - naýryz – analar merekesine arnalǵan «Ana - ómirdiń shýaǵy» atty merekelik keshimizdi ashyq dep jarıalaýǵa ruqsat etińizder! Barlyq ónerimiz analar sizder úshin.
Ortaǵa MAD 0 «V» synyp balalaryn qarsy alyńyzdar.
Muhammed:
Mereke, mereke!
Mereke de kelip qaldy.
Bizde bári daıyn ba?
Qonaqtarda kelip qapty.
Aslan:
Aıttym ǵoı men senderge,
Úlgermeımiz qazir dep.
Bárine qyzdar kináli,
Óleń aıtyp bolǵany.
Saıat:
Uldar, uldar uryspańdar.
Áne, ózderi de kelip tur,
Kóńildirek qarsy alaıyq
Bizdiń qyzdar kelip tur. (qyzdar ortaǵa shyǵady)
Júrgizýshi: Bıshiler bar bizde qyzdar men uldar toby,
Merekege ónerimen kelgen búgin.
Tań qaldyryp, qanekeı bı bıleshi,
Qol soǵyp, demeý berse kórermender!
Bı: «Anashym» qabyl alyńyzdar.
Júrgizýshi: Bala, bala, bala dep,
Túnde shoshyp oıanǵan
Tún uıqysyn tórt bólip,
Túnde besik taıanǵan.
Ózendi kóldeı shalqytqan.
Qolyn qatty tıgizbeı,
Iisin jupar ańqytqan
Bul kim?
Balalar: Ana, ana, ana!
Júrgizýshi: Búgingi meıramda kóktemdeı kóńil syılaıtyn balalarymyzdyń analarǵa arnalǵan óleń shýmaqtaryn qabyl alyńyzdar. (Baljan, Nuraıym, Gúlsezim, Marıam, Gúldana, Gúlaı)
1. Gúldana
Ana degen aqylshyń,
Anań barda batyrsyń.
Qasyńda kim bolsa da,
Tek anańa jaqynsyń.
2. Nuraıym
Ár sózimdi jattaǵan,
Júregimde saqtaǵan,
Anashym dep maqtanam,
Aınalaıyn aq mamam.
3. Gúlsezim
Ana deımiz bárimiz de ańqyldap.
Ana deıdi jas sábı de jarqyldap.
Ana degen – báıteregi ómirdiń
Ana degen – altyn qazyq, altyn baq.
4. Marıam
Shashymdy órip taraǵan,
Qabaǵyma qaraǵan
Úlken kishi demeıdi,
Syılaıdy ony bar adam.
5. Gúlaı
Aq anashym, appaǵym,
Óziń jaıly taqpaǵym,
Óziń jaıly ánim de,
Arnadym saǵan bárin de.
6. Baljan
Ana desem sheshek ashyp janary,
Ómirimniń bastaý alar janary.
Ana degen tirshilikke pana bop,
Árbir úıde juldyz bolyp janady.
Júrgizýshi: Qulaqtan kirip, boıdy alar,
Ásem án men tátti kúı.
Kóńilge túrli oı salar,
Ándi súıseń, menińshe súı, – dep, Abaı atamyz aıtqandaı balalardyń oryndaýyndaǵy «Aq mamam» ánin, qabyl alyńyzdar.
Án «Aq mamam»
Júrgizýshi: Ana ol bizdiń elde ardaqty adam,
Kishisi de, úlkeni de ardaqtaǵan.
Óziniń aıaýlysyn da Otanyn da,
«Ana» dep bizdiń halyq tekke aıtpaǵan, – kezekti óleń shýmaqtaryna beremiz. (Muhammed, Aman, Baǵlan, Erkebulan)
1. Muhammed
Aq qabaqty anashym,
Kún sáýleli anashym.
Álpeshtegen balasyn,
Aınalaıyn anashym

2. Baǵlan
Aqyl quıǵan sanama,
Kúnnen artyq, rasynda.
Kún alysta, al anam,
Ylǵı meniń qasymda.
3. Aman
Anamdy men jaqsy kórem,
Aıtqan tilin alyp júrem.
Qasymda anam júrgende
Shattanyp oınap kúlem.
4.. Erkebulan
Senen ósken balalar,
Batyrlar men danalar
Quttyqtaımyz meırammen
Qurmetti analar.
Júrgizýshi: Merekege arnalady búgin bıler.
Kóterilsin, qanekeı, kóńil kúıler.
Aldaryńyzda qyzdar bıi,
Tań qaldyryp qanekeı bı bıleńder, – demekshi, endigi kezekte qyzdardyń oryndaýynda «Kempirqosaq bıi», qabyl alyńyzdar!
Júrgizýshi: Oıyn «Kir jaıý» (3 ana, 3 ul bala qatysady)
Sharty: Analar shelekten jýylǵan bet oramaldardy alyp berip turady, al uldary jipke iledi. Birinshi bolǵan top shelekterin qoldaryna alyp oryndyqqa otyrady.
Júrgizýshi: Búgingi mereke kúni ájelerimizdi de merekelerimen quttyqtaımyz. «Qarıasy bar úıdiń, qazynasy bar» dep beker aıtylmaǵan. Kelesi quttyqtaýlarymyz sizderge arnalady qurmetti ájeler. (Dosmuhan, Ajarlym, Shuǵyla, Asel, Saıat)
Taqpaqtar:
1. Dosmuhan
Meniń ájem meıirban,
Meni jaqsy kóredi.
Qajetine jarasam,
Jas balasha kúledi.
2. Ajarlym
Meni jaqsy kóredi,
Kúndeı kúlip júredi,
Kóp ertegi biledi,
Maǵan aıtyp beredi.
3. Shuǵyla
Áje degen kóp shyǵar,
Ájemdeı joq shyǵar.
Meıirimdi bul kisi,
Qandaı ǵajap kúlkisi.
4. Asel
Qoıa ǵoı, qarǵam, kúnim dep,
Aınalar jandy jylytyp.
Qarasa ájem kúlimdep,
Ketemiz bárin umytyp.
5. Saıat
Ájem meniń asyl jan
Jaqsylyqqa úıretip,
Jamandyqtan shekteıdi.
Ájeme eshkim jetpeıdi!
Júrgizýshi: án: «Saǵyndym áje»
Júrgizýshi: Dostyqty biz oılaımyz,
Birge kúlip oınaımyz.
Qyzdardy da quttyqtap,
Merekesiń toılaımyz - deı otyryp, bizdiń toptyń er jigitteri qyzdardy quttyqtap bı bıleıdi. Bı: «Jentlmender»
Júrgizýshi: Oıyn «Jyly sózder». Analar óz balalaryna berilgen áripterden bastalatyn jyly sózder aıtady.
Júrgizýshi: Jan anam, quttyqtaımyn mereke kúnińmen,
Kóktemniń qulpyra ber nart gúlimen.
Órlesin eldiń bergen baqyt baǵy,
Jazbasyn shat kóńilin aq kúnińmen, – dep, endigi kezekte balalardyń quttyqtaýyna bereıik.
1. Ádilbek: Qymbatty ájeler, analar, apalar, qyzdar!
Sizderdi 8naýryz merekesimen quttyqtaımyz.
Sizderge zor densaýlyq, mol baqyt tileımiz.
Merekelerińiz qutty bolsyn!
2. Dosmuhan: Mılye mamy, dorogıe babýshkı, ývajaemye vospıtatelı!
Ot vseı dýshı pozdravláem vas s vesennım prazdnıkom 8marta.
Jelaem vam zdorová, schastá ı ýspehov vo vsem!
3. Baǵlan: Dear Mummy, Dear Granny!
I want you to be happy!
On the eights of March
I love Mummy, I love Granny
I wish them health
I wish them wealth!
Júrgizýshi: Ustaz bolý – júrektiń batyrlyǵy
Ustaz bolý – sezimniń aqyndyǵy
Ustaz bolý – minezdiń kún shýaǵy
Azbaıtuǵyn adamnyń altyndyǵy.
Kezekti dırektordyń bastaýysh synyptar boıynsha oqý - isiniń meńgerýshisi Jasymbekova Núrzıa Aqmoldaqyzyna sóz beremiz.
Júrgizýshi: Ata - analarǵa quttyqtaý sóz kezegin beremiz.
Júrgizýshi: Súıkimdi ǵoı balalar
Ónerli ǵoı barshasy
Mine, osyndaı qoıylym
Kórsetti MAD «V» synyby
Qurmetti analar men ájeler! Sizderdi 0 «v» synyp balalarynyń atynan shyn júrekten quttyqtaımyn. Aıaýly analarymyz, ardaqty ájelerimiz, súıkimdi balalarymyz árqashan aman bolsyn! Búgingi «Ana – ómirdiń shýaǵy» atty erteńgiligimiz osymen aıaqtaldy. Kórip tamashalaǵandaryńyzǵa rahmet!

OQO, Qazyǵurt aýdany,
T. Rysqulov mektep - lıseıi
Bastaýysh synyp muǵalimi
Kablanova Jazıra

Tolyq nusqasyn júkteý