Photo: Visit Almaty (https://www.pexels.com/@visitalmaty) / Pexels
«Qurbylaryn qutqarmaq boldy»: BQO-da sýǵa ketken úsh túlektiń qazasyna qatysty tyń derekter aıtyldy
Batys Qazaqstan oblysynyń Jańaqala aýdanyndaǵy Kishi Ózen ózeninde sýǵa ketken úsh mektep túleginiń qazasyna qatysty jańa málimetter shyqty.
Bul týraly Infohub.kz aqparat agenttigi habarlaıdy.
Aldyn ala derekterge súıensek, 17 jastaǵy Uldana Rafıh, 16 jastaǵy Gúlhan Turash jáne 16 jastaǵy Nurtas Joldyǵalı qorytyndy emtıhandardy aıaqtaǵan soń tabıǵat aıasyna demalýǵa shyqqan. Ózen jaǵasynda barlyǵy bes jasóspirim bolǵan.
Qurbysyn qutqarý áreketi
Qaıǵyly oqıǵa kezinde jaqyn mańdaǵy jasóspirimder kómekke umtylǵan. Olar sýǵa ketkenderdiń birin qutqara alǵanymen, qalǵan úsheýin aman alyp qalý múmkin bolmady. Jergilikti turǵyndardyń aıtýynsha, qyzdardyń biri qurbysyn qutqarýǵa tyrysyp, ózi de sýǵa ketken. Onymen birge bolǵan jigit te qaza tapty. Bul oqıǵa búkil aýyl úshin úlken qasiret boldy.
Oqıǵanyń sebepteri men kýágerler
Aýyl turǵynynyń aıtýynsha, qaza tapqandar sabaqty jaqsy oqyǵan. Olardyń synybynda barlyǵy toǵyz túlek bolǵan. Beseýi úılerine jaqyn ózenge demalýǵa barǵan. Jasóspirimderdi tanystary «Niva» kóligimen demalys ornyna aparyp tastaǵan. Júrgizýshi olardyń sýǵa túsetinin bilmegen.
Qutqarýshylar ekinshi máıitti saǵat 19:25-te, al úshinshi máıitti 19:42-de sýdan shyǵardy. Qaza tapqandardyń biri – júrgizýshiniń týǵan qaryndasy ekeni aıtyldy. Sondaı-aq, qaza bolǵan qyzdardyń biri aýyldyq ýchaskelik polısıa ınspektorynyń qyzy bolǵan.
Qazirgi ýaqytta qaıǵyly oqıǵanyń barlyq mán-jaıy anyqtalyp, tergeý jalǵasýda.
-
Legendarnaıa aktrısa Merýert Ýtekeshova ıspolnıt rol Aıganym, babýshkı Shokana Ýalıhanova, v hýdojestvenno-dokýmentalnoı drame. Fılm rasskajet o formırovanıı velıkogo ýchenogo.
-
Three high school graduates drowned in the Kishi Uzen River in West Kazakhstan region after one attempted to rescue a friend, sparking a local investigation.
