InfoHub Logo

Ózbekstannyń Tashkent oblysynda jas kelinniń jumbaq ólimi jurtshylyqty alańdatty. Turmysqa shyqqanyna nebári úsh kún bolǵan boıjetkenniń qazasy qoǵamda qyzý talqylanyp jatyr.

Bul týraly Infohub.kz aqparat agenttigi habarlaıdy.

Anasy qyzynyń ólimine kúdik keltiredi

Marqumnyń anasy telebaǵdarlamada suhbat berip, qyzynyń ólimine qatysty kúdigi baryn aıtty. Onyń aıtýynsha, jalǵyz qyzyn Keles qalasyna turmysqa bergen. Kúıeý jigittiń otbasy baı-qýatty ekenin aıtyp, qudalyqqa kelisken.

«Bul meniń jalǵyz qyzym edi. Kúıeýim qaıtys bolǵan soń, barymdy salyp, jaqsy toı jasaǵym keldi. Alaıda, toıdan úsh kún ótken soń maǵan «Qyzyńnyń súıegin alyp ket» degen habar keldi. Mundaı sózdi estý óte aýyr», – dep kúızelisin jetkizdi anasy.

Oqıǵa 6 sáýir kúni keshkisin bolǵan. Anasynyń sózinshe, qyzy turmysqa shyqqannan keıin ózin baqytty sezingenin aıtyp, vıdeo arqyly jaqyndaryna qýanyshyn bildirip júrgen.

«Onyń óz-ózine qol jumsaýy múmkin emes», – dep senimdi túrde aıtty marqumnyń anasy.

Enesiniń jaýaby

Al kelinniń enesi bul jaǵdaıǵa eshkimniń qatysy joq ekenin alǵa tartty. Onyń aıtýynsha, is jabylyp tastaǵan.

«Sol kúni úıde eshkim bolǵan joq. Túskenine úsh kún bolǵan kelindi óltirý múmkin emes», – dedi enesi.

Marqumnyń otbasy jergilikti jerde syıly bolǵany, al anasy eki balasyn jalǵyz tárbıelep ósirgeni aıtylady.

Resmı tekserý nátıjesi

Bas prokýratýra júrgizgen tekserý qorytyndysy boıynsha, marqumnyń denesinen tunshyǵý belgileri anyqtalmaǵan. Tergeýge deıingi tekserý barysynda qylmys quramynyń joqtyǵyna baılanysty qylmystyq is qozǵaýdan bas tartylǵan.