InfoHub Logo

Sabaqtyń taqyryby: Ana tilim – qanatym.
Sabaqtyń maqsaty: Oqýshylardyń til týraly bilimderin jetildirý, óz ana tiliniń qadir qasıetin bilip, tildiń kórkemdigin sezinip, sóz qudiretin túsinip, onyń adam ómirindegi mańyzyn uǵýǵa úıretý. Til mádenıetin saqtaı bilýge, ana tiline degen súıispenshiligin, yntasyn arttyrý, ana tilin qurmetteýge baýlý.
Kórnekiligi: Synyp saǵatynyń taqyryby, naqyl sózder jazylǵan plakattar.
Sabaqtyń barysy:
Muǵalim: Bizdiń Otanymyz baıtaqta baı el. Elimizde kóptegen ult ókilderi turady. Ár halyqtyń óz ana tili bar. Ana tili adam balasynyń boıyna ana sútimen kirip, boıǵa taraıdy. Ana sútimen boıymyzǵa daryǵan qazaq tiliniń Qudirettiligi kórkemdigi órliginde, orasan zor baılyǵynda.
Týǵan tilim - tirligimniń aıǵaǵy
Tilim barda aıtylar syr oıdaǵy
Ósse tilim, mende birge ósemin
Óshse tilim, mende birge óshemin!
Búgingi: «Ana tilim - qanatym» atty tárbıe saǵatymyzdy bastaımyz.

«Ana tilim - qanatym» atty tárbıe saǵatymyzdy bastaımyz.
1 - oqýshy Týǵan tilim
Týǵan tilim – babam tili – óz tilim!
Týǵan tilim - anam tilim - óz tilim!
Týǵan tilim - dalam tili – óz tilim!
Týǵan tilim - dalam tili – óz tilim
2 - oqýshy.
Týǵan tilde syry tereń janym bar,
Týǵan tilde ánim menen sánim bar.
Týǵan tilim til bolýdan qalsa eger,
Júregimdi sýyryp - aq alyńdar.
3 - oqýshy.
Súıemin týǵan tildi, ana tilin.
Besikte jatqanda - aq bergen bilim.
Shyr etip jerge túsken mınýtymnan
Qulaǵyma sińirgen tanys únin:
4 - oqýshy.
Týǵan tilde syry tereń janym bar,
Týǵan tilde ánim menen sánim bar.
Týǵan tilim til bolýdan qalsa eger,
Júregimdi sýyryp - aq alyńdar.
5 - oqýshy
Ana tili – bala shaǵym, órkenim.
Ana tilim - bolashaǵym, erteńim,
Ana tilim - saıyn dalam, jer kógim,
Ana tilim - arman atym, órnegim.
6 - oqýshy
Ana tildi bilmesem,
Shat - shadyman kúlmes em.
Jer betinde saırańdap,
Qazaq bolyp júrmes em!
7 - oqýshy
Tilim meniń!
Tilim úshin myń ólip, myń tirildi elim.
Aralymmen, arymmen qatar qoıyp,
Tildi qorǵaý – paryzym búgin meniń
2 - bólim:
Án «Ananyń tili»
Uıqasyn tap oıyny: Maqal - mátelderdiń jalǵasyn tabý
Kishkene paraqshalardaǵy maqal - mátelderdiń uıqasyn tabý
Ana tilin bilmeıtin adam............... (Nadan)
Bal tamǵan tilden........... ( ý da tamady)
Til tas jarady........... (tas jarmasa bas jarady)
Til - aqyldyń........... (ólshemi)
Az aıtyp suıyltyp........... (kóp aıtyp qoıyltary joq)
Aqynnyń tili qylyshtan ótkir........... (qyldan názik)
Ana tilim -........... (dana tilim)
At júırigi aıyrady,
Til júırigi........... (qaıyrady)
At tuıaǵy altyn - alysqa alyp baratyn.
Adam tili altyn - (alysty surap tabatyn).

3 - bólim
«Maqal - mátelder» aıtysy
Kórinis: (sahnada kıiz úıdiń ishki kórinisi)
İshke bala kiredi
- Sálemetsiz be ata? Kórgen jerde aýyl bar dep kelip qaldyq.
- «Alystan alty jasar bala kelgende, alpystaǵy qarıa sálem beredi» degen, qalyńyz qalaı?
- «Kelgenshe qonaq uıalady, kelgennen soń úı ıesi uıalady degen», tórge shyǵyńyz.
- «Jylqy kisinegenshe, adam sóıleskenshe», «Bir kórgen tanys, eki kórgen bilis», «myńnyń túrin bilgenshe birdiń atyn bil» degen, tanysyp otyraıyq.
- «Qonaqqa kel demek bar da ket demek joq», «Qyryqtyń biri Qydyr» degen kelip turyńyz.
- «Qýys úıden qur shyqpa» degen, alyńyz.
- «Qonaǵyńnan altyn alma alǵys al» degen, qane bata berińiz.
Bata:
- Týǵan tilim qandaı ásem,
Tas bulaqtaı tazalyǵyń.
Asqaqtaı ber, Ana tilim,
Uıtqysy bop, barlyq tildiń!
Án: «Ana tilim»
Qorytyndy:
– Til baılyǵymyz, tarıhymyz, mádenıetimiz, ádebıetimiz.
– Til bizdiń ulttyq namysymyz, arymyz, barymyz. Til mereıi - el mereıi.
– Ana tilimizdiń mereıi ústem bolsyn!
Osymen synyp saǵatymyzdy aıaqtaımyz.