InfoHub Logo

Ádebıettik oqý 4 - synyp
Shesheniń balalaryn súıýi. Mirjaqyp Dýlatov
Maqsaty: Oqýshylardy aqyn ómirbaıanymen tanystyra otyryp, berilgen óleńiniń taqyryby men ıdeıasyn ashý.
Ananyń qudireti men qasıeti týraly derek berý. Oqýshylardyń oı - órisin, til baılyǵyn, júıeli sóıleýge, óz oıyn aıta bilýge baýlý.
Qazaqtyń uly adamdaryna súıispenshilikpen, maqtanyshpen, qurmetpen qaraý sezimderin tárbıeleý.
Sabaqtyń túri: Aralas sabaq.
Sabaqtyń ádis - tásili: syzbamen jumys, suraq - jaýap, óleń shyǵarý, esse jazý.
Sabaqtyń kórnekiligi: flıpchart, mýzyka
Pánaralyq baılanys: qazaq tili.

İ Motıvasıalyq - baǵdarlaý kezeńi
Psıhologıalyq daıyndyq.
Senderge tabys tileımin,
Jaryq pen jylý, densaýlyq!
Birińe - biriń sender de,
Tileńder biraz jaqsylyq - dep balalar, biz bir - birimizge búgingi sabaqta sáttilik tileıik. Ol úshin birimizge - birimizge qarap, jymıǵanymyz durys.
- Bizder keshegi sabaqta Ahmet Baıtursynovtyń «Aqkól jaǵasynda» áńgimesin ótken bolatynbyz. (2 - 3 oqýshydan suraý)
- Ahmet Baıtursynov kim?
- Iá, durys aıtasyńdar, ol bes arystyń biri. Olaı bolsa, bes arystyń músheleri:
Bes arys
↓
Sh. Qudaıberdiuly
M. Jumabaev
J. Aımaýytov
A. Baıtursynov
M. Dýlatov

Búgin biz M. Dýlatov týraly biletin bolamyz. M. Dýlatov kim? (Oqýshylar taqtaǵa ózderi jazady)
M. Dýlatov
↓
Aqyn, jazýshy, Alash qaıratkeri, aýdarmashy, dramatýrg

Mirjaqyp Dýlatuly 1885 jylǵy 25 qarashada burynǵy Torǵaı oblysy, Jankeldın aýdanyndaǵy Qyzylbel eldi mekeninde dúnıege kelgen.
1935 jyly 50 jasqa 1 aı qalǵanda «Aq teńiz - Baltyq» kanalynyń boıyndaǵy Sosnoves stansıasyndaǵy túrme aýrýhanasynda aýyr naýqastan qaıtys boldy.
Mirjaqyp «Oıan, qazaq» kitabynda uran salyp halqyn óner - bilimge shaqyrǵan. Qazaq eliniń basqa jurtpen terezesi teńelip, irgeli el bolýyn kóksegen.

Mirjaqyp shyǵarmalary
Óleńderi:
Alashqa
Zar zaman
Mektepke
Elim - aı
Jas qazaq, qaıdasyń?
Shesheniń balalaryn súıýi t. b

Áńgimeleri:
Jazǵy kesh.
Oqymysty bala.
Kúz.
Qasqyr qysty qalaı ótkizedi?
Shaldyń úsh balasy.
Eshkimge jaýyzdyq qylma. t. b.

Roman:
Baqytsyz Jamal

Aýdarmasy:
A. S. Pýshkınnen
Abý Fıras Shıller.
Lermontovtan t. b.

Olaı bolsa, balalar, búgin biz osy óleńderdiń ishinen ózimizge eń jaqyn adam ana týraly, anasy balalaryn qalaı jaqsy kóretindigi týraly «Shesheniń balalaryn súıýi» dep atalatyn óleńimen tanysamyz.
Anaǵa balanyń alalyǵy joq - demekshi ár ana óz balasyn jaqsy kóredi. Senderdi árdaıym oılap, úlgili, ádepti, bilimdi bolǵandaryńdy qalaıdy.

İİ Operasıalyq - oryndaýshylyq kezeń
«Shesheniń balalaryn súıýi» óleńin mánerlep oqý. Maǵynasyn túsindirý. Oqýshylarǵa oqytý.
Óleńniń ishinen suraq - jaýap úlgisinde jazylǵanyna nazar aýdar.
Bala dúnıege shyr etip kelgennen bastap, anasynyń qasynda bolady. Biz ana týraly óz oıymyzdy aıtaıyqshy.
- Eń jaqyn adam
- Eń qymbat adam
- Tilekshi
- Qamqorshy
- Jaryq ómir syılaýshy.
Sózdikpen jumys.
Kóz jasyn kóldetý - qatty jylaý.
Tóbesi kókke jetý - qýaný.
Shyǵarmashylyq jumys. «Anashym» áni oryndalyp turady.
1 - qatar. Ana týraly esse jazý
2 - qatar. Ana týraly maqal - mátel jazý
3 - qatar. Ana týraly óleń qurastyrý.
------------------ danasyń,
------------------ panasyń.
------------------ balasyn
------------------ anashym.

İİİ Refleksıalyq - baǵalaý kezeńi
Ana ómir shyraǵy,
Ana ómir tiregi.
Ana – degen jyly esim,
Jan terbeter uly esim.
- Balalar, anamyzdy bizder ózimizdiń jaqsy qylyǵymyzben, jaqsy sózderimizben qýanta alamyz. Olaı bolsa qazir jyldyń qys mezgili bolǵanymen taqtada turǵan qushaq jaıǵan ananyń sýretine gúldi jyly tilek aıtý arqyly kóńilderin jaz eteıik.
Úıge tapsyrma. (Óleńdi jattap kelý)
Baǵalaý