InfoHub Logo

Ata - anamen júrgizilgen trenıń
Taqyryby: “Ananyń alaqany - balaǵa aıdyndy qonys”
Maqsaty: qazirgi kezdegi balanyń damýyna, jeke tulǵa bolyp qalyptasýyna ata - ana tárbıesiniń ádis - tásilderin jetildire otyryp, qarym - qatynas ornatý.
Mindetteri: ata - analardyń balabaqshamen, tárbıeshimen tyǵyz baılanysyn arttyrý, balalardyń bilimge, meıirimdilikke, ustamdylyqqa tárbıeleýdiń joldaryn kórsetý. Bala tárbıeleý sapasynyń az da bolsa joǵarlaýyna yqpal etý.
Formasy: ata - analar arasynda trenıń
Kórnekiligi: ınteraktıvti taqta, júrek sýreti, jumsaq oıynshyq, qalam, túrli - túsi konvert

İ. Kirispe bólim:
- Sálemetsizder me, qurmetti ata – analar! Biz sizderdi kórgenimizge qýanyshtymyz. Búgin sizdermen ótkizilgeli turǵan trenıńtiń taqyryby: «Ananyń alaqany – balaǵa aıdyndy qonys» dep atalady. Otbasy - ómirdi kemeline keltiredi, baqyt ákeledi. Otbasy – adam ómiriniń tamasha jaqtary júzege asatyn.... adamnyń eń basty shattyǵy bolyp sanalatyn, balanyń ósip, ómir súretin orny. Eki adamnyń nekelesýi tolyq otbasyn quramaıdy. Dúnıege shyr etip náreste kelgende ǵana otbasy tolyq otbasy sanalady. Qazirgi tańda ata – ananyń birinshi maqsaty – qarajat tabý, balalaryn esh nárseden muqtaj etpeý bolyp qaldy. Bala – shaǵanyń qamymen júrgen ata – ana bala tárbıesine de kóńil bóle almaı qaldy. Al bala tárbıesi otbasynan bastalady, qalyptasady. «Balapan uıada ne kórse, ushqanda sony iledi» demekshi jaqsy – jaman ádetterdi bala otbasynda úırenedi. Otbasyndaǵy kıkiljiń urystar balanyń psıhıkasyna áser etedi. Balanyń meıirimdi, eńbekqor, ádepti bolyp ósýi – otbasynda jaıly, jaqsy klımattyń bolýy. Balamyz ómirden óz ornyn taýyp, baqytty ómir súrsin desek, bala tárbıesine kóńil bólýdi eshqashan esten shyǵarmaıyq.
A. S. Makarenko «Siz ulyńyzdy nemese qyzyńyzdy tek qana ózińiz ata – analyq qýanyshyńyz úshin ǵana dúnıege ákelip, tárbıelep jatqan joqsyz. Sizdiń otbasyńyzda bolashaq azamat, bolashaq qaıratker, bolashaq kúresker ósip keledi» degen eken.

«Tanysý» jattyǵýy
Qolymdaǵy dopty bir - birimizge berý arqyly esimderin atatqyza otyryp óz boıyndaǵy úsh qasıetin kezekpen aıtý.

«Meniń otbasym»
Ózimizdiń otbasymyzdy gúl beınesimen sýrettep salyp, taldap óteıik.

Oı - qozǵaý
“Bala degen kim?” týraly árbir ata - ana oı qozǵaý jazady.

Suraq - jaýap
Siz balańyzdy tańerteńgi uıqydan qalaı oıatasyz?
Balańyzǵa rızashylyǵyńyzdy qalaı bildiresiz?
Balańyzdyń tátti qylyqtary
Balańyz sizge qandaı kómek kórsetedi?

Boı sergitý sáti
«Tamasha, tamasha, sha, sha, sha. Grısa, grısa, sa, sa, sa»

Bala – ata – ananyń úmiti, ómiriniń jalǵasy. «Balamnyń tabanyna kirgen shóńge meniń mańdaıyma kirsin» - dep perzentin álpeshtep ósirgen ata – ananyń jatsa – tursa tileıtini - balasynyń aldyńǵy qatarly azamat bolyp óskeni.
Endeshe siz balańyzdyń boıynan qandaı qasıetterdi kórgińiz keledi?

● Jaǵymsyz qylyq----------
● Jaqsy qasıetter------------

S ı t ý a s ı ıa l y q s u r a q t a r
1 – suraq
«Balańyz balabaqshadan shaǵym aıtyp keldi. Tárbıeshi urysqanyn, endi balabaqshaǵa barǵysy kelmeıtinin aıtty. Siz qandaı áreket etesiz?»
2 – suraq
«Balańyz uıaly telefon alyp ber dep jylady. Siz: «Shamaly shydaı tur, ýaqytynda alyp beremin» - dedińiz. Balańyz tyńdamaı qoımastan jylaı bastady. Sizdiń áreketińiz?»
3 – suraq
Siz tárbıeli otbasysyz. Biraq, balańyzdyń jat áreketterge boı aldyryp bara jatqanyn baıqadyńyz, balańyzdy qalaı qorǵap qalasyz.
4 – suraq
Quttyqtaımyz! syılyq aldyńyz
«Ómir aǵashy»
Sizderdiń aldaryńyzdaǵy japyraq – balalaryńyz, endi osy japyraqqa ózińizdiń balańyzǵa nemese otbasyńyzǵa jyly tilekterińizdi jazasyz. Tamyrlaryńyz tereńge jaıylyp, japyraqtaryńyz jaıqalyp, saıaly báıterekke aınalyńyzdar.

Qorytyndy sóz
Ata - ananyń jeke basynyń áseri balaǵa kún sáýlesimen birdeı, muny basqa eshbir nársemen aýystyrý múmkin emes. Qurmetti ata - analar, sizderden baladan júrek jylýyn aıamaı balaǵa bir sát bolsa da, bala kózimen qarańyz deı otyryp búgingi trenıńke qatysqandaryńyzǵa kóp - kóp rahmet aıtamyz!

Qyzylqoǵa aýdany, Mıaly selosy
MKQK «Jasulan» balalar baqshasy tárbıeshisi
Aıtjanova Áıgerim Kádirbekqyzy