Sońǵy jańartý

(Ózgertilgen ýaqyty 2 saǵat buryn)
Aıaýly kúz, Altyn kúz
Qazaly aýdany, Qazaly aýyly
№100 orta mektebiniń tálimgeri
Pshanova Aıgúl Ábýbákirqyzy

Taqyryby: Aıaýly kúz, Altyn kúz
1 - júrgizýshi: Kók aspanym móldirep,
Shýaqty kózim eljirep
Asyr salyp júretin
Sary kóılegim jelbirep,
Aıtshy Nurtýǵan
Bul qaı mezgildiń kelgeni.

2 - júrgizýshi: Jaıdary kúz, jarqyn kúz
Aıaýly kúz, altyn kúz
Dánge toly en dalam
Darıadaı shalqar kúz
Aqbota bul Altyn kúzdiń kelgeni.

1 - júrgizýshi:
- Armysyzdar Qymbatty myrzalar men hanymdar!
2 - júrgizýshi:
- Qaıyrly kún, Ulaǵatty ustazdar, jalyndy da jigerli jas dostarym. Berekeli de merekeli Altyn kúz merekelerińiz qutty bolsyn!
1 - júrgizýshi: - Qurmetti halaıyq búgingi ótkizgeli otyrǵan baıqaýymyzdyń negizgi maqsaty jańa ǵasyrdyń uly kóshi de egemendigi eńselene túsken Táýelsiz Qazaqstanda turyp tárbıelenip jatqan jastarymyzdyń rýhyn kóterip, estetıkalyq talǵamyn arttyrý arqyly ónerge sezimtaldyqqa, adaldyqqa, eńbekqorlyqqa tárbıeleý bolyp tabylady.

2 - júrgizýshi: Olaı bolsa, búgingi «Aıaýly kúz, Altyn kúz» atty baıqaýymyzǵa qatysatyn úmitkerlerdi qoshemetpen ortamyzǵa shaqyramyz.
1 - júrgizýshi: Qarsy alyńyzdar! Balymyzdyń úmitker hanzadalary men hanshaıymdary
1 - jup 3 – jup 5 - jup
2 - jup 4 - jup

2 - júrgizýshi: « Aıaýly kúz, Altyn kúz - 2013»baıqaýynyń úmitkerlerine aq jol tilep qoshemet kórseteıik, qurmetti kópshilik.

1 - júrgizýshi:
Ádilqazy, aq qazyǵa bir sálem
Ádildikke bas ıedi kúlli álem
Júırik ozar saıystarda neshe bir
Sarapqa sal ádildikpen sheshe bil, - deı kele búgingi saıysymyzǵa qazylyq jasaıtyn ádilqazylar alqasymen tanys bolyńyzdar!
2 - júrgizýshi; Endeshe búgingi keshimizdiń baǵdarlamasymen tanys bolyńyzdar
Baǵdarlamamyz 6 kezeńnen turady.
1 - kezeń: «Kel tanysaıyq» (úmitkerlerdi jeke - jeke tanystyrady)
2 - kezeń Sıtýasıalyq suraqtar
3 - kezeń. Óner saıysy (ekeýiniń de óneri tamashalanady)
4 - kezeń. «Juptasý» oıyny
5 - kezeń. Sán úlgisi (jarasymdy kıim úlgilerin kópshilikke usynady)
6 - kezeń. Bal bıi (úmitkerlerdiń juptasyp bıleý mánerleri baǵalanady)

Eskertý: Ádilqazylar alqasy úmitkerlerimizdiń baǵasyn jeke - jeke shyǵarady. Iaǵnı arýlarǵa bólek, jigitterge bólek baǵa qoıylady. Eń tómengi bal - 3, eń joǵary bal - 5.

1 - júrgizýshi:
Qurmetti kópshilik kórermenim
Jaqsylyqqa árdaıym artqan senim
Aqjol tilep úkili úmitterge
Tanystyrý shartyna kezek berdim.
2 - júrgizýshi: Endeshe birinshi shartymyz «Kel tanysaıyq» úmitkerlerimizdiń ózderin tanystyrýy.

1 - júrgizýshi:
Kúz keldi, han men hanshaıym
Ótkizdi kúzgi bal aıyn
Aǵyzar sóılep sóz maıyn
Al hanymyz aqyldy
Barsha jurtty shaqyrdy
Bı de bılep án aıtty.
Qýanyshtan shalqydy.
Hanzadaralymyz ben hanshaıymymyzdy tanyp bilsek saıysymyzdyń ekinshi bólimi «Sıtýasıalyq suraqtarǵa» kezek bereıik.

júrgizýshi:
Qańǵalaqtap quldılaıdy japyraq,
Sarǵysh tartyp mynaý dala, atyrap.
Kún shýaǵyn jınaı almaı turǵandaı
Qatar - qatar shómelege shashyp ap.

1 - júrgizýshi:
Barshaǵa óner súıer jar salamyz,
Úkili úmitterdi qarsy alamyz
Kúıge eneıik barshamyz erekshe bir
Sizder úshin bı bılep, án salamyz.

Qurmetti kórermender endigi kezekte úmitkerlerimizdiń daıyndap kelgen ónerleriniń kýási bolýǵa shaqyramyz.
júrgizýshi:
Óz ónerin kórsetetin birinshi jubymyz.........................
Qalǵan úmitkerlerdi sahnanyń syrtynda habarlap otyrady.

1 - júrgizýshi: «Jastar bıi» oryndaıtyn:
2 - júrgizýshi: Jigitter men arýlarymyzdyń ónerlerine kóp rahmet aıta otyryp, kelesi kezegimizge óteıik.
«Juptasý» oıyny ıaǵnı «Sıam egizderi» dep atalady

1 - júrgizýshi:
Tabıǵattan babamyz ala bergen sekildi,
Darhandyqty qazaqqa dala bergen sekildi.
Erkelikti, erlikti jelden salǵan sekildi,
Móldirlikti kógildir kólden alǵan sekildi - dep Qadir Myrzalıev aǵamyz jarlaǵandaı ánge kezek bereıik.
Án:
júrgizýshi:
Bar sulýlyq quıylǵan bir basyna,
Jarasyp - aq tur bári sulbasyna,
Betin shymshyp jaýratyp kúz salqyny
Erkeleıdi eriksiz syrlasyna
Endigi kezekte juptarymyzdyń sán úlgisin tamashalańyzdar. Birinshi jupty qoshemetpen ortaǵa shaqyraıyq!
Án:
júrgizýshi:
Kórkińmenen jaz jadyrap kúlip kúz
Sulýlyqty kórgenge úmittimiz
Qýanysh syılaı bershi bal tatyǵan
Bıimen aınalady qylyqty qyz.
Endi ádemi sharttarymyzdyń biri «Bal bıi»
Úmitkerlerimiz ádemi áýenmen yrǵaqty bılep, ózderin búgingi baldyń naǵyz hanzadasy men hanshaıymy ekenderin kórsete bilýleri tıis.

2 - júrgizýshi: Sonymen Qymbatty kórermender jan dúnıesi, rýhanı álemi taza, adam balasynyń eń tamasha qasıetteriniń barlyǵyn boıyna sińirgen arystandaı aıbatty, jolbarystaı júrekti er minezdi naǵyz hanzadaǵa laıyqty jigitterimizben
1 - júrgizýshi: Sypaıy da meıirbandy, aq mańdaı ashyq júzdi, aıdaı sulý jyly júzderinen kúnniń nury tógilgen naǵyz hanshaıymǵa laıyqty, aqyldy da parasatty qyzdarymyzdy anyqtaıtyn kezge kelip jettik.
Án:
1 - júrgizýshi
Jeńister men jeńilisten turatyn
Ómir kúres, jetkize me muratyn
Jeńbedim, jeńildim dep renjimegin
Qatysý da bar jeńis, bolsań eger uǵatyn.
1 - Júrgizýshi:
Keleshekte ári talaı saıystar bar,
Ónerleriń shyńdalsyn qalyspańdar
Ónerliler kóbeısin kúnnen – kúnge
Ómir kúres áli talaı jarystyrar - deı otyryp, «Aıaýly kúz, Altyn kúz - 2013» baıqaýynyń naǵyz hanzadasy men hanshasyn jarıalaý úshin ortaǵa ádil qazylar alqasyn shaqyramyz.
2 - júrgizýshi:
Qymbatty kórermender!
Jeńimpazdarymyzǵa bıik shyńdardy baǵyndyryp, qonar tuǵyrlary bıikteı bersin deı otyryp, keshimizdi osymen aıaqtaımyz?
1 - júrgizýshi:
Jeńisti kúnderde kezdeskenshe dostar!

You Might Also Like

Jańalyqtar

Jarnama