InfoHub Logo

Qoǵam belsendisi Azamat Erǵalı áleýmettik jelidegi jazbasynda kópten beri jurt nazaryn aýdaryp júrgen "Maskadaǵy adamǵa" qatysty óz boljamyn aıtty. Ol muqtaj jandarǵa mıllıondap kómek kórsetip júrgen belgisiz qaıyrymdy jannyń kim bolýy múmkin ekenin kópshilik talqysyna saldy.

Bul týraly Infohub.kz aqparat agenttigi habarlaıdy.

Dımash Qudaıbergen bolýy múmkin be?

Belsendiniń jazýynsha, onyń oıynsha, "Maskadaǵy adam" álemge tanymal qazaqstandyq ánshi Dımash Qudaıbergen bolýy yqtımal.

"Maskadaǵy adam" – menińshe, bul bizdiń Dımash Qudaıbergen sıaqty. Al sizder qalaı oılaısyzdar?" – dep jazdy Azamat Erǵalı.

Bul jazba áleýmettik jeli qoldanýshylary arasynda qyzý talqylaý týdyrdy. Birqatar oqyrman belsendiniń boljamyn qoldap, "shynymen de Dımash bolýy múmkin" degen pikir qaldyrǵan. Al keıbiri "Maskadaǵy adamnyń" kim ekeni naqty dáleldenbeıinshe, mundaı tujyrym jasaýǵa asyqpaý kerek ekenin jazdy.

Aty-jóni emes, isi mańyzdy

Qazirge deıin "Maskadaǵy adamnyń" kim ekeni resmı túrde jarıalanǵan joq. Degenmen onyń qaıyrymdylyq isteri men muqtaj jandarǵa kórsetken kómegi el arasynda keńinen talqylanyp keledi.

Jeli qoldanýshylary belgisiz jannyń kim ekenin anyqtaýǵa tyrysyp, túrli boljam aıtýda. Al kópshilik úshin eń mańyzdysy – onyń aty-jóni emes, adamdarǵa shynaıy kómek kórsetip júrgeni ekeni aıtylyp jatyr.