InfoHub Logo

Ońtústik Qazaqstan oblysy, Maqtaral aýdany,
Jetisaı qalasy, "№122 jalpy orta mektebi"
komýnaldyq memlekettik mekemesiniń
bastaýysh synyp muǵalimi
Sambetova Aınur Spanbekqyzy

Sabaqtyń taqyryby: B b dybysy men árpi.
Sabaqtyń maqsaty:
Bilimdiligi: Oqýshylarǵa B dybysy men árpin tanytý. B dybysyn sóz ishinen ajyrata bilý, b dybysy bar sózderge dybystyq taldaý jasaý.
Damytýshylyǵy: B dybysy men árpin oqytý arqyly oqýshylardyń oılaý, este saqtaý qabiletterin, tanymdyq is - áreketterin, shyǵarmashylyǵyn, sózdik qorlaryn damytý.
Tárbıeligi: Qorshaǵan ortasymen izgilik qarym - qatynasyn qalyptastyrý dúnıetanymyn keńeıtý uqyptylyqqa, saýattylyqqa, tabıǵatty qorǵaýǵa tárbıeleý.
Sabaqtyń túri: jańa sabaqty túsindirý.
Sabaqtyń ádisi: túsindirý, suraq - jaýap, jınaqtaý, aýyzsha, jazbasha.
Sabaqtyń kórnekiligi: ınterbelsendi taqta, slaıdtar.

Sabaqtyń barysy: 1. Uıymdastyrý kezeńi
Psıhologıalyq daıyndyq. Shattyq sheńberi.
Qaıyrly tań dostar!
Qaıyrly kún bolsyn!
Búgingi kún mine,
Sáttilikke tolsyn!
Bizdiń alar baǵamyz,
Kileń bestikter bolsyn!

- Al balalar bizdiń búgingi sabaǵymyz erekshe sabaq bolmaqshy. Búgin saıahatqa shyǵamyz. Ormanǵa serýendep keleıik. Orman degende kóz aldymyzǵa ne elestetemiz, balalar? Iá durys aıtasyńdar, árıne óte kóp aǵashtar, ár túrli jan - janýarlar ómir súretin orman. Al ormanda qandaı aǵashtar jáne qandaı jan - janýarlar ómir súredi?
Balalar, saparlaryń sátti bolsyn!

Aǵashtardyń túrleri jáne japyraqtary.
Qaraǵaı, aqqaıyń, qaraǵaı, terek (sýretteri kórsetiledi)

Jan - janýarlar túrleri. (sýretteri kórsetiledi)

2. Ótken sabaqqa sholý jasaý.
Balalar keshe biz qandaı dybysty óttik?
J j dybysy.
Jýsan.
Dalada jýsan bar. Jýsanǵa mal jaqsy jaıylady. Jaras maldy jýsanǵa jaıdy. Mal toıyndy.

Al, balalar ormanǵa kirgennen bizdiń aldymyzdan ań patshasy arystan shyqty. Ol bizdi ormanǵa serýenge jibermeımin deıdi, al biz onyń tapsyrmasyn durys oryndaıtyn bolsaq ol bizdi ormanǵa saıahattaýǵa ótkizemin dep ýádesin berdi. Al tapsyrmasyn oryndaıyq balalar.

Balalar arystannyń tapsyrmasy mynadaı eken. Sabaqta ótilgen dybystardy óz úılerine ornalastyrý. Daýysty dybystardy qyzyl úıge, al daýyssyz dybystardy kók úıge ornalastyrady ekenbiz. Daıynbyz ba balalar?

Iá, balalar tapsyrmany óte durys oryndap shyqtyńdar. Balalar keshe biz qaı dybyspen tanysyp edik? Iá, J j dybysymen tanystyq. Olaı bolsa Jýsan mátinin oqyp jibereıik balalar.

Jaraısyńdar, balalar!
3. Jańa sabaq:
Toqyldaqtyń tapsyrmasy:
- Al ormanǵa keldik balalar. Myna terekte turǵan toqyldaqty kórdińder me! Toqyldaqtyń da senderge daıyndap qoıǵan tapsyrmasy bar eken. Toqyldaqtyń tapsyrmasyn oryndaıtyn bolsaq bizdiń búgingi jańa sabaǵymyzdyń taqyrybyn biletin bolamyz. Toqyldaqtyń tapsyrmasy mynadaı eken. Sýrettegi zattardyń attaryn atap shyǵaıyqshy.
(Bala, buǵy, balyq, buzaý, baqa, bota, balapan, balǵa).

- Al bul sózderdi ataǵanda neni baıqadyńdar, balalar. Iá barlyq sózder B dybysynan bastalyp jatyr. Mine bizdiń búgingi jańa sabaǵymyz B b dybysy jáne árpi.
- B árpi (baspa, jazba túrlerin kórsetý).
- B - B - B (hormen aıytqyzý)
- B – qandaı dybys dep oılaısyńdar?
- B – daýyssyz dybys (b árpi kók úıdiń turǵyny).
- B – sózdiń basynda jáne ortasynda keledi.

- Al balalar qazir taqtaǵa qaraıyqshy (slaıd qoıý), B dybysy nege uqsaıdy eken, kishkene óleń jolyn tyńdap kóreıik.
Kıgen aǵaı shápkisin,
Qysa ustap pápkisin,
Qarny shyǵyp, tolǵany - aı.
«B» uqsap qalǵany - aı!

4. Oqýlyqpen jumys.
Balalar kitaptyń 61 - shi betin ashyp B dybysyna berilgen sózder men mátindi oqımyz.
ba la ba ta bor Bo ta
ba ba bo ta bal Bo lat

(bala, balaqan, balapan, botaqan)

Orman.
Ormanda aǵashtar bar. Onda qaraǵaı da, tal da bar. Qarǵa, torǵaılar da ormanda. Bota, Abaı da ormanda.